Ксенафонт Вайцяхоўскі

Ксенафонт Вайцяхоўскі (27 жніўня 1899, Стары Свержань — 15 мая 1986) — грамадскі дзеяч беларускай дыяспары ў ЗША.

Ксенафонт Вайцяхоўскі
Дата нараджэння	27 жніўня 1899(1899-08-27)
Месца нараджэння	Стары Свержань, Свержанская воласць[d], Мінскі павет, Мінская губерня, Расійская імперыя
Дата смерці	15 мая 1986(1986-05-15) (86 гадоў)
Месца смерці	ЗША
Месца пахавання	Беларускія могілкі ў Саўт-Рыверы
Месца працы	Беларуская думка (ЗША)
Член у	Беларуская народная самапомач Беларускі кангрэсавы камітэт Амерыкі Злучаны беларуска-амерыканскі дапамаговы камітэт

Біяграфія

Нарадзіўся ў 1899 годзе ў Старым Свержані. У 1930-я гады меў буйную гаспадарку, жывёлу, арганізаваў малачарню, сялянскую кааперацыю. Падчас нямецкай акупацыі — у структурах Беларускай народнай самапомачы, цывільнай адміністрацыі, быў дэлегатам ІІ Усебеларускага кангрэсу (чэрвень 1944).

З лета 1944 г. — на эміграцыі. Пасля капітуляцыі Германіі знаходзіўся разам з сынам у беларускім лагеры ў Рэгенсбургу. У траўні 1948 г. узяў удзел у аднаўленчым пленуме БЦР у Эльвангене.

У верасні 1949 г. разам з сям’ёй паводле кантракту прыехаў у штат Арканзас, дзе працаваў на зборы бавоўны. Праз некаторы час пераехаў у Саўт-Рывер, штат Нью-Джэрсі. Далучыўся да актыўнага грамадскага жыцця. Браў удзел у жыцці парафіі св. Ефрасінні Полацкай, належаў да кіраўнічых структур БККА. У другой палове 1950-х — пачатку 1960-х узначальваў Злучаны беларуска-амерыканскі дапамаговы камітэт, уваходзіў у склад рэдакцыі часопіса «Беларуская думка».

Памёр у 1986 годзе. Пахаваны на беларускіх могілках у Саўт-Рыверы.

Літаратура

• Гардзіенка А. Беларускі кангрэсавы камітэт Амэрыкі (БККА) / Алег Гардзіенка. — Смаленск: [б.в.], 2009. — 428 с., [12] с. іл. — (БІНІМ; Бібліятэка Бацькаўшчыны, Кніга 16).