Дар’я Сяргееўна Навумава

Да́р'я Сярге́еўна Наву́мава (нар. 26 жніўня 1995, п. Патока, Клічаўскі раён, Магілёўская вобласць, Беларусь) — беларуская цяжкаатлетка. Майстар спорту Беларусі міжнароднага класа. Сярэбраны прызёр Алімпійскіх гульняў 2016 года.

Дар’я Навумава
Агульная інфармацыя
Пол	жаночы
Спецыялізацыя	Цяжкая атлетыка
Нарадзілася	26 жніўня 1995(1995-08-26) (29 гадоў) п. Патока, Клічаўскі раён, Магілёўская вобласць, Беларусь
Грамадзянства	Беларусь
Альма-матар	МДУ імя А. А. Куляшова
Рост	165 см
Вага	75 кг
Узнагароды і медалі Цяжкая атлетыка Алімпійскія гульні срэбра Рыа-дэ-Жанэйра 2016 да 75 кг
Медыяфайлы на Вікісховішчы

У Вікіпедыі ёсць артыкулы пра іншых асоб з прозвішчам Навумава.

Біяграфія

Дар’я Навумава нарадзілася 26 жніўня 1995 года ў пасёлку Патока Клічаўскага раёна ў шматдзетнай сям’і Сяргея і Ірыны Мацвееўны Навумавых.

Вучылася ў Слабодскай базавай школе^[1]. Да 10 класа школы Дар’я займалася штурханнем ядра і кіданнем дыска, затым перайшла ў цяжкую атлетыку, патлумачыўшы гэта тым, што з-за невысокага росту ёй цяжка было канкураваць на дарослым узроўні. Затым скончыла Бабруйскае вучылішча алімпійскага рэзерву. У наш час вучыцца на факультэце фізічнага выхавання ў Магілёўскім дзяржаўным універсітэце імя А. А. Куляшова^[2].

Дэбютавала на міжнароднай арэне ў 2012 годзе на чэмпіянаце Еўропы сярод юнакоў у катэгорыі да 69 кг. У далейшым выступала ў катэгорыі да 75 кг^[3]. На чэмпіянаце Еўропы 2014 года спартсменка заняла 4-е месца, а на Чэмпіянаце свету 2015 года — 5-е месца.

У 2016 годзе дэбютавала на летніх Алімпійскіх гульнях у Рыа-дэ-Жанэйра, дзе ў вагавай катэгорыі да 75 кг, саступіўшы толькі Лім Джон Сім з КНДР, заваявала сярэбраны медаль, які стаў першым медалём Беларусі на гэтых гульнях. Усе шэсць спроб Дар’я Навумава сталі ўдалымі: у рыўку яна па чарзе ўзяла 107, 112 і 116 кілаграмаў, а ў штуршку — 136, 139 і 145, сумарны вынік Дар’і Навумавай склаў 261 кілаграм^[4][5].

Жыве ў Бабруйску.

Дасягненні

Год	Спаборніцтвы	Месца правядзення	Вагавая катэгорыя	Рывок, кг	Штуршок, кг	Сума, кг	Месца
2014	Чэмпіянат Еўропы па цяжкай атлетыцы	Тэль-Авіў, Ізраіль	да 75 кг	108	133	241	4
2015	Чэмпіянат свету па цяжкай атлетыцы	Х’юстан, ЗША	да 75 кг	115	142	257	5
2016	Летнія Алімпійскія гульні	Рыа-дэ-Жанэйра, Бразілія	да 75 кг	116	142	258

Зноскі

1. Леди «железных игр»: кличевлянки на деле доказали, что штанга им по плечу
2. Первая медалистка Беларуси Дарья Наумова из многодетной деревенской семьи (нявызн.)(недаступная спасылка). Архівавана з першакрыніцы 13 жніўня 2016. Праверана 13 жніўня 2016.
3. Навумава Дар’я
4. Дар’я Навумава прынесла Беларусі першы мэдаль на Алімпіядзе.
5. Бобруйчанка Дарья Наумова завоевала первую медаль Беларуси на Олимпиаде-2016 Архівавана 18 жніўня 2016.

Спасылкі

• На Вікісховішчы ёсць медыяфайлы па тэме Дар’я Сяргееўна Навумава
• Дар’я Навумава Архівавана 10 сакавіка 2016. на сайце IWF