Дакар

Дакар — горад у Сенегале, сталіца краіны. Адзін з важнейшых прамысловых, транспартных і гандлёва-фінансавых цэнтраў заходняй Афрыкі. Размешчаны на паўвостраве Зялёны Мыс, на перакрыжаванні важных марскіх шляхоў з Еўропы ў Паўднёвую Афрыку і Паўднёвую Амерыку. Заснаваны ў 1857 як французскі порт. Насельніцтва 1 млн чал. (агламерацыя 2,5 млн чал.).

Горад Дакар Ville de Dakar Герб Сцяг Краіна  Сенегал Дэпартамент Дакар Каардынаты 14°43′55″ пн. ш. 17°27′26″ з. д.HGЯO Кіраўнік Бартэлемі Дыяс[d][1] Першая згадка 1857 Плошча 82,38 км² Вышыня цэнтра 27 м Водныя аб’екты Атлантычны акіян Насельніцтва 1 030 594 чалавек (2005) Часавы пояс UTC+0 Афіцыйны сайт dakarville.sn Дакар на карце Сенегала

Медыяфайлы на Вікісховішчы

Клімат субэкватарыяльны, сярэдняя тэмпература студзеня 22 °C, ліпеня 28 °C; ападкі (572 мм/год) выпадаюць з ліпеня па кастрычнік.

Гісторыя

Пасля захопу французамі Сенегала, тут, у 1857 годзе быў заснаваны горад. Да 1940 года Дакар заставаўся адміністрацыйным цэнтрам Французскай Заходняй Афрыкі (з 1902 года быў яе сталіцай). Падчас Другой сусветнай вайны да 1942 года ў горадзе кіравала адміністрацыя падпарадкаваная Вішысцкай Францыі (у 1940 годзе адбылася няўдалая спроба захопу гораду саюзнікамі). У 1942 годзе Дакар быў захоплены амерыканскімі войскамі. Пасля вайны Дакар некаторы час быў сталіцай федэрацыі Малі, а з 1960 года сталіцай незалежнага Сенегала.

Цікавыя факты

Дакар з’яўляецца фінішным пунктам папулярнага штогадовага ралі Парыж — Дакар.

Крыніцы

1. https://www.rfi.fr/fr/afrique/20220217-s%C3%A9n%C3%A9gal-barth%C3%A9l%C3%A9my-dias-officiellement-maire-de-dakar