Браніслаў Іосіфавіч Фірага
беларускі вучоны ў галіне электрапрывада і сілавой электронікі From Wikipedia, the free encyclopedia
Браніслаў Іосіфавіч Фірага (нар. 9 ліпеня 1935, вёска Мсціж, Барысаўскі раён, Мінская вобласць) — доктар тэхнічных навук (1985), прафесар Беларускага нацыянальнага тэхнічнага ўніверсітэта, спецыяліст у галіне электрапрывада і сілавой электронікі.
| Браніслаў Іосіфавіч Фірага | |
|---|---|
| Дата нараджэння | 9 ліпеня 1935 (89 гадоў) |
| Месца нараджэння | |
| Грамадзянства | |
| Род дзейнасці | фізік |
| Навуковая сфера | электратэхніка |
| Месца працы | |
| Навуковая ступень | доктар тэхнічных навук (1985) |
| Навуковае званне |
|
| Альма-матар | |
| Член у | |
| Узнагароды |
  |
Нарадзіўся 9 ліпеня 1935 года ў вёсцы Мсціж Барысаўскага раёна. Беларус. У 1951 годзе з адзнакай скончыў сямігодку, у 1955 годзе — Мінскі політэхнічны тэхнікум па спецыяльнасці «Электраабсталяванне прамысловых прадпрыемстваў» з адзнакай. Паступіў у Ленінградскі політэхнічны інстытут імя М. І. Калініна, які скончыў з адзнакай у 1961 годзе па спецыяльнасці «Электрыфікацыя прамысловых прадпрыемстваў»; у час вучобы атрымліваў Сталінскую стыпендыю.
З 1961 па 1963 гады працаваў у Мінскім філіяле Навукова-даследчага інстытута тэхналогіі аўтамабільнай прамысловасці на пасадах інжынера-канструктара, старшага інжынера (1961), вядучага інжынера (1962), кіраўніка групы канструктарскага аддзела (1962—1963).
У 1963—1966 гадах — аспірант кафедры «Электрычныя машыны і электрапрывад» Беларускага політэхнічнага інстытута, затым працаваў на гэтай кафедры асістэнтам (1966—1967), старшым выкладчыкам (1967—1968), дацэнтам (1967—1973, 1975—1977).
Кандыдацкую дысертацыю па распрацоўцы і даследаванні тырыстарнага пераўтваральніка частаты для кіравання асінхронным электрарухавіком абараніў у 1966 годзе, доктарскую дысертацыю — у 1984 годзе ў Інстытуце электрадынамікі Акадэміі навук Украіны па тэорыі і даследаванні сістэмы «тырыстарны цыклаканвертар — асінхронны электрарухавік». Кандыдат тэхнічных навук (1967), дацэнт (1971), доктар тэхнічных навук (1985), прафесар (1986).
У 1973—1975 гадах — старшы навуковы супрацоўнік кафедры электраабсталявання і аўтаматызацыі прамысловых установак БПІ. З 1977 па 1988 год — загадчык кафедры электраабсталявання і аўтаматызацыі прамысловых установак, у 1988—1997 гадах — загадчык кафедры «Электрапрывад і аўтаматызацыя прамысловых установак і тэхналагічных комплексаў» Беларускага політэхнічнага інстытута. З 1997 года — прафесар гэтай кафедры.
Карпаратыўны член Інстытута інжынірынгу і тэхналогій (англ. MIEE, 1995), хартыйны інжынер Інжынернай рады Вялікабрытаніі (CEng). Член экспертнага савета Вышэйшай атэстацыйнай камісіі Рэспублікі Беларусь (1998), навукова-тэхнічнага савета Міністэрства прамысловасці Рэспублікі Беларусь, двух саветаў па абароне дысертацый.
Навуковыя зацікаўленні — тэорыя электрапрывада, частотнае кіраванне асінхронных электрарухавікоў, сілавая пераўтваральная тэхніка.
Мае 255 навуковых прац, у тым ліку 3 манаграфіі, 3 вучэбныя кнігі, больш за 120 навуковых артыкулаў і апублікаваных дакладаў, 33 вынаходніцтвы. Падрыхтаваў шэсць кандыдатаў тэхнічных навук.
Асноўныя публікацыі
- Фираго Б. И. Тиристорные циклоконверторы / Б. И. Фираго, Б. С. Готовский, З. А. Лисс; под общ. ред. Г. П. Шейна. — Мн., 1973. — 294 с.;
- Фираго Б. И. Непосредственные преобразователи частоты в электроприводе. — Мн.: Университетское, 1990. — 255 с;
- Фираго Б. И. Ремонт и обслуживание электрооборудования. Спецтехнология : учебное пособие для профессионально-технических учебных заведений / С. Н. Павлович, Б. И. Фираго — Мн., 2001. — 245 с;
- Фираго Б. И., Павлячик Л. Б. Регулируемые электроприводы переменного тока. — Мн.: Техноперспектива, 2006. — 363 с;
- Фираго Б. И., Павлячик Л. Б. Теория электропривода : учеб. пособие для студентов специальности «Автоматизир. электроприводы». — 1-е изд. Техноперспектива, 2004. — 527 с. — 2-е изд. Техноперспектива, 2007. — 585 с..
- Ганаровая грамата Міністэрства вышэйшай і сярэдняй спецыяльнай адукацыі БССР (1980),
- нагрудны знак «За выдатныя поспехі ў працы ў галіне вышэйшай адукацыі» (1987),
- медаль «Ветэран працы» (1988),
- ганаровая грамата Вярхоўнага Савета Рэспублікі Беларусь (1992),
- ордэн Брытанскай імперыі 4-й ступені.
- Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — С. 414. — 10 000 экз. — ISBN 985-11-0035-8. — ISBN 985-11-0263-6 (т. 16).
- Кто есть кто: Доктора наук, профессора, заслуженные деятели науки и лауреаты премий Белорусской государственной политехнической академии: справочник. — Мн.: Ураджай, 2000. — 164 с. — С. 162—163.
- Минская область : энциклопедия : [в 2 т.]. — Минск, 2007. — Т. 2. — С. 706.
- Республика Беларусь : энциклопедия : [в 7 т.]. — Минск, 2008. — Т. 7. — С. 379.
- Фираго Бронислав Иосифович(недаступная спасылка). Сайт журнала «Электротехнические и компьютерные системы».
- Фірага Браніслаў Іосіфавіч. Беларусь у асобах і падзеях.
- Золотой фонд и гордость нашего факультета. // times.bntu.by
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
