Блок нацыянальных меншасцяў

Блок нацыянальных меншасцяў (польск.: Blok Mniejszości Narodowych, BMN) — палітычнае аб’яднанне, утворанае нацыянальнымі меншасцямі 17 жніўня 1922 года падчас выбараў у Сойм міжваеннай Польскай Рэспублікі. Мэтаю БНМ было правядзенне супольнай выбарчай акцыі і наступнай дзейнасці ў сойме. Уваходзілі нацыянальныя меншасці Польшчы — беларусы, украінцы, яўрэі, немцы і рускія. Да блоку не далучыліся літоўцы, Бунд і частка Паалей-Цыёну  (укр.). Выбары байкатавалі ўкраінцы Усходняй Галічыны. Галоўнай мэтаю блока было нацыянальнае раўнапраўе.

У 1922 годзе (5 лістапада ў сойм, 22 лістапада — у сенат) БНМ ішоў у выбарчым спісе пад № 16, у 1928 годзе (4 сакавіка ў сойм, 11 сакавіка — у сенат) — пад № 18.

БНМ існаваў да выбараў 1928 года.

Дасягнутыя вынікі

• 1922 год — 66 мандатаў (беларусы — 11 паслоў і 3 сенатары)
• 1928 год — 55 мандатаў (беларусы — 4 паслы і 2 сенатары)

Беларускія паслы і сенатары ад БНМ

1922

Пасольскія мандаты

• Антон Аўсянік (акруга № 62 — лідская)
• Сяргей Баран (акруга № 6)
• Павел Валошын — з ліпеня 1923 года замест Каліноўскага
• Уладзімір Каліноўскі (акруга № 5) — да 23 чэрвеня 1923 года
• Міхаіл Кахановіч (акруга № 61 — навагрудская) — да 1924 года
• Пятро Мятла (акруга № 64 — свянцянская)
• Сымон Рак-Міхайлоўскі (акруга № 62 — лідская)
• Васіль Рагуля (акруга № 61 — наваградская)
• Юры Сабалеўскі — з 1924 года замест Кахановіча
• Адам Станкевіч (акруга № 64 — свянцянская)
• Браніслаў Тарашкевіч (спіс дзяржаўны)
• Сымон Якавюк (акруга № 4)
• Фабіян Ярэміч (акруга № 60 — пінская)

Мандаты сенатара

• Вячаслаў Багдановіч (Віленскае ваяводства)
• Аляксей Назарэўскі (Наваградскае ваяводства)
• Аляксандр Уласаў (дзяржаўны спіс)

1928

Пасольскія мандаты

• Павел Каруза
• Альбін Стаповіч
• Кастусь Юхневіч
• Фабіян Ярэміч

Мандаты сенатара

• Вячаслаў Багдановіч
• Васіль Рагуля

Літаратура

• Васіль Рагуля. Успаміны. — Мінск: «Бацькаўшчына», 1993.
• Уладзімір Ляхоўскі. Зь дзейнасьці беларускіх парлямэнтарыяў на Гарадзеншчыне ў 1922—1930 гг. // Культура Гродзенскага рэгіёну: праблемы развіцця ва ўмовах поліэтнічнага сумежжа: Зб. навук. прац. — Т. 2003.