Беларуская Савецкая Энцыклапедыя

Белару́ская Саве́цкая Энцыклапе́дыя (БелСЭ) — універсальная энцыклапедыя на беларускай мове ў 12-ці тамах, выдадзеная ў Мінску (1969—1975) выдавецтвам «Беларуская савецкая энцыклапедыя». Першая беларускамоўная энцыклапедыя.

Беларуская савецкая энцыклапедыя
Аўтар	Калектыў аўтараў
Жанр	энцыклапедыя
Мова арыгінала	беларуская
Арыгінал выдадзены	1969—1975 1976 (прадметны паказальнік)
Афармленне	Фармат: 70×100 1/16
Выдавецтва	Беларуская савецкая энцыклапедыя
Выпуск	1969
Наступная	Беларуская энцыклапедыя

Энцыклапедыя з’яўляецца калектыўнай працай больш за 5 тысяч аўтараў, у ліку якіх 125 акадэмікаў і членаў-карэспандэнтаў АН БССР, АН СССР і галіновых акадэмій навук, 544 дактары навук і прафесары, 1650 кандыдатаў навук. Больш за 85 % аўтараў жылі і працавалі ў БССР.

Адзінаццаць тамоў утрымліваюць уласна артыкулы энцыклапедыі і дадатак (у 11-м томе), 12-ы том — тэматычны, прысвечаны БССР. Агульная колькасць артыкулаў — 34409, каля 40 % прысвечаны беларускай тэматыцы. З агульнай колькасці больш за 6 тысяч артыкулаў прысвечаны гісторыі, каля 10 тысяч — прыродазнаўчым навукам (у тым ліку, матэматыцы), каля 6,7 тысяч — геаграфіі, каля 6,8 тысяч — культуры, біяграфічных артыкулаў больш за 7 тысяч.

У 12-ці тамах змешчана 112 уклеяк каляровага друку (1554 ілюстрацыі, 172 карты), 215 чорна-белых уклеек (3002 ілюстрацыі), каля 8 тысяч ілюстрацый і 500 карт у тэксце.

Тэма	Колькасць	У тым ліку, беларускай тэматыкі
Прыродазнаўчыя навукі
Фізіка	773
Хімія	696
Матэматыка і кібернетыка	519
Астраномія	266
Тэхніка	1888
Геалогія	1006
Біялогія	2447
Сельская гаспадарка	864
Медыцына	1279
Геаграфія
Геаграфія	6739	4609 (БССР)
Гісторыя
Гісторыя СССР	3534	2764 (БССР)
Гісторыя КПСС	1025	713 (КПБ), 68 (КПЗБ)
Усеагульная гісторыя	1517
Гуманітарныя навукі, грамадства, культура
Філасофія	713	203 (у Беларусі)
Права	687
Эканоміка	1566
Літаратура і мова	1496	499 (літаратура), 476 (мовазнаўства)
Мастацтва	4367	1753
Асвета	638
Друк	457
Археалогія і антрапалогія	485
Этнаграфія	428
Фалькларыстыка	101
Ваенная справа	212
Спорт	193

Літаратура

• Ад рэдакцыйнай калегіі // Беларуская Савецкая Энцыклапедыя. У 12 т. Т. 12. Беларуская Савецкая Сацыялістычная Рэспубліка / Рэдкал.: П. У. Броўка (гал. рэд.) і інш. — Мн.: БелСЭ, 1975. — 736 с.: іл., карты.
• «Беларуская Савецкая Энцыклапедыя» // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 426. — 10 000 экз. — ISBN 985-11-0035-8. — ISBN 985-11-0061-7 (т. 2).