Анатоль Паўлавіч Чаркасаў

Анатоль Паўлавіч Чаркасаў (28 лістапада 1928, Світлаводск, Кіраваградская вобласць, Украіна — 4 лістапада 2000) — беларускі празаік, нарысіст, перакладчык. Бацька Веранікі Чаркасавай.

Анатоль Паўлавіч Чаркасаў
Асабістыя звесткі
Дата нараджэння	28 лістапада 1928(1928-11-28)
Месца нараджэння	Світлаводск, Світлаводскі раён, Крамянчуцкая акруга[d], УССР, СССР
Дата смерці	4 лістапада 2000(2000-11-04) (71 год)
Дзеці	Вераніка Анатолеўна Чаркасава
Альма-матар	Мінскі бібліятэчны тэхнікум (1951) аддзяленне журналістыкі філалагічнага факультэта БДУ (1956)
Прафесійная дзейнасць
Род дзейнасці	пісьменнік, перакладчык
Мова твораў	беларуская

У Вікіпедыі ёсць артыкулы пра іншых людзей з прозвішчам Чаркасаў.

Біяграфія

Нарадзіўся ў сям’і служачага. На пачатку Вялікай Айчыннай вайны быў эвакуіраваны ў Паволжа. У 1943—1944 гг. працаваў у ваеннай установе. Падчас выбуху склада боепрыпасаў быў цяжка паранены. У 1951 г. скончыў Мінскі бібліятэчны тэхнікум, у 1956 г. — аддзяленне журналістыкі філалагічнага факультэта Беларускага дзяржаўнага ўніверсітэта. Працаваў карэктарам, рэдактарам выдавецтва «Беларусь». З 1972 г. — рэдактар выдавецтва «Мастацкая літаратура», з 1981 г. — выдавецтва «Юнацтва», у 1986—1989 гг. — загадчык рэдакцыі гэтага выдавецтва.

Творчасць

Літаратурнай працай займаецца з 1957 г. Выйшлі кніжкі нарысаў «Балотны скарб» (1959), «Цудоўны камень» (1963), «Старонкі слаўнага летапісу» (1964), «Магутны твой зямляк» (1969), «Волаты на дарогах» (1974).

Аўтар сцэнарыяў дакументальнага фільма «Мазырскі ліст» (зняты ў 1967) і навукова-папулярнага «Наш завод — наш дом» (зняты ў 1968).

Пераклаў творы рускіх і ўкраінскіх дзіцячых пісьменнікаў на беларускую мову, на рускую мову — апавяданні ўкраінскіх празаікаў, балгарскія, чэшскія казкі.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).