Міжнародная федэрацыя катоў

Міжнародная федэрацыя катоў (FIFe, фр.: Fédération Internationale Féline) — міжнародная арганізацыя гадоўлі і вывядзенні новых парод катоў. З’яўляецца адным з дзевяці членаў WCC — Сусветнага феліналагічнага кангрэса.

Міжнародная федэрацыя катоў
Тып арганізацыі	парасонавая арганізацыя[d] і cat registry[d]
Заснаванне
Дата заснавання	1949
fifeweb.org
Медыяфайлы на Вікісховішчы

Мэты

Федэрацыя займаецца распрацоўкай і сцвярджэннем адзіных стандартаў для розных парод, а таксама правіламі правядзення выставак і конкурсаў катоў.

Прадстаўнікі нацыянальных саюзаў, якія ўваходзяць у FIFe, рэгулярна праводзяць сустрэчы, на якіх выпрацоўваюцца генеральныя лініі для старых і новых парод катоў. У той жа час кожны нацыянальны саюз мае права весці свой уласны рэгістр і выдаваць атэстаты, якія пацвярджаюць паходжанне катоў высакародных парод.

Гісторыя

Першы клуб па гадоўлі катоў з’явіўся ў 1887 годзе ў Вялікабрытаніі і зваўся Нацыянальны клуб катоў (англ.: National Cat Club). У 1922 годзе першы такі клуб з’явіўся ў Германіі.

Заснавальніцай FIFe з’яўляецца Маргерыта Равель, якая ў 1949 годзе ў Парыжы правяла сустрэчу трох клубаў: Каралеўскага таварыства катоў Фландрыі, Французскай федэрацыі катоў і Федэрацыі катоў Італіі^[1]. На гэтай сустрэчы яны неафіцыйна аб’ядналіся ў FIFE. Федэрацыя была афіцыйна створана ў горадзе Гент (Бельгія) 10 снежня 1950 года. На адкрыцці ўдзельнікі атрымалі статуэтку ў форме кошкі з ружовага пясчаніку, якія стварыў скульптар Жан Мартэль^[2].

У 1949 годзе да FIFE далучылася Федэрацыя катоў Швейцарыі, у 1950 — Клуб сяброў катоў Аўстрыі, у 1951 — 1-шы Нямецкі саюз аднаўлення парод катоў^[3]. У 1972 годзе ў Федэрацыю ўступае першы нееўрапейскі Нацыянальны саюз, Бразільскі клуб катоў, пасля чаго Федэрацыя ператварылася з еўрапейскай у сусветную, назва змянілася з FIFE на FIFe^[2].

Удзельнікі

У 2009 годзе ў федэрацыі налічваецца 42 нацыянальных феліналагічных саюза з 40 краін^[4].

Аўстрыя  Аргенціна  Беларусь  Балгарыя  Бразілія  Вялікабрытанія  Венгрыя  Германія  Грэцыя  Данія

Ізраіль  Інданезія  Ісландыя  Іспанія  Італія  Кіпр  Латвія  Літва  Ліхтэнштэйн  Люксембург

Малайзія  Мальта  Мексіка  Нідэрланды  Нарвегія  Польшча  Партугалія  Расія  Румынія  Сербія

Славенія  Славакія  Украіна  Фінляндыя  Францыя  Харватыя  Чэхія  Швейцарыя  Швецыя  Эстонія

Зноскі

1. «LA STORIA | ANFI» Архівавана 23 студзеня 2021.. www.anfitalia.it(in Italian).
2. «Fédération Internationale Féline — Introduction to the FIFe Архівавана 27 ліпеня 2020.». fifeweb.org. Retrieved 2017-12-28.
3. Stephanie Frattini «Tessloffs Grosses Katzenbuch», Nürnberg-Toulouse 1997 ISBN 3-7886-0201-5
4. FIFe Members List (нявызн.)(недаступная спасылка). Архівавана з першакрыніцы 28 красавіка 2023. Праверана 29 студзеня 2021.