BMW X3

BMW X3 — кампактны красовер нямецкай кампаніі BMW.

BMW E83
Гады вытворчасці:	2002—2010 Егіпет:2004—цяперашні час
Заводы:	Аўстрыя  Егіпет  Расія
КПП:	6-хутк. МКПП 5-хутк. АКПП
Колавая база:	2795
Даўжыня:	2004 — 2008: 4564 мм 2009 — :4570 мм
Шырыня:	1855
Вышыня:	2006 — 2008: 1675 мм 2009 — :1673 мм
Дызайнер:	Крыс Бэнгл
BMW E83 на Вікісховішчы

BMW F25
Гады вытворчасці:	2010—2017
Заводы:	ЗША  Індыя
КПП:	6-хутк. МКПП 8-хутк. АКПП
Колавая база:	2810
Даўжыня:	4652
Шырыня:	1884
Вышыня:	1713
Каляіна задняя:	1632
Клірэнс:	212
Аб'ём бака:	67 л
BMW F25 на Вікісховішчы

BMW X3

BMW X3 на Вікісховішчы

Агульныя даныя

Вытворца:

Bayerische Motoren Werke AG

Выпуск:

2003—цяперашні час

Дызайн

Тып(ы) кузавы:

5‑дзв. красовер (5‑месн.)

На рынку

Звязаныя:

BMW 3

Падобныя мадэлі:

Audi Q5, Mercedes-Benz GLK-клас, Infiniti EX, Land Rover Freelander

Сегмент:

J-сегмент

Пакаленні

BMW G01
Гады вытворчасці:	2017—цяперашні час
BMW G01 на Вікісховішчы

Першае пакаленне

X3 першага пакалення (E83) быў распрацаваны і выпускаўся сумесна з кампаніяй Magna Steyr на заводзе ў Грацы, Аўстрыя. Выпускаўся з 2003 па 2010 год, у 2006 годзе быў мадэрнізаваны.

Рухавікі

На E83 ставілі маторы двух пакаленняў: аўтамабілі першых гадоў выпуску абсталёўваліся рухавікамі М-серыі, пасля 2006 года — N-серыі.

• Бензінавыя: да мадэрнізацыі Х3 абсталёўваліся рухавікамі М54 аб’ёмам 2,5 і 3,0 л. З 2005 года ў маторны шэраг дадаўся рухавік N46 2,0 літра. У 2006 годзе рухавікі М54 замянілі рухавікамі N52.
• Дызельныя: 3,0-літровы М57, M47 аб’ёмам 2,0 літра ўсталёўваўся да 2007 года, а пасля яго замяніў двухлітровы N47.

Трансмісія

На Х3 кампанія BMW прадставіла сваю новую схему поўнага прывада xDrive: сталы прывад на заднія колы, а цяга да пярэдніх колаў перадаецца праз электронна-кіраваную муфту, ступень блакавання якой змяняецца ад 0 да 100% па камандзе блока кіравання. Па змаўчанні размеркаванне цягі складае 40:60.

Бяспека

Аўтамабіль прайшоў тэст Euro NCAP у 2008 годзе:

Вынікі тэсту Euro NCAP, 2008[1]
Бяспека дарослых пасажыраў		28
Бяспека пасажыраў-дзяцей		39
Бяспека пешаходаў		5
Пратэставаны аўтамабіль: BMW X3, 2.0 diesel, standard trim

Другое пакаленне

Прэзентацыю новага пакалення BMW X3 чакалі да восені 2010 года, яна павінна была адбыцца на міжнародным аўташоу ў Парыжы, аднак у канцэрне BMW палічылі патрэбным да лістапада вывесці новы аўтамабіль на рынак. Другое пакаленне красовера было прадстаўлена ў ліпені 2010 года, вытворчасць аўтамабіля пачалася 1 верасня 2010 года.

X3 2011 мадэльнага года пабудаваны ў стылі папярэдніка, аднак красовер стаў некалькі буйней і атрымаў павялічаны на 12 мм дарожны прасвет, а таксама павялічаную на 15 мм колавую базу.

У ЗША і Еўропе будзе даступная мадыфікацыя BMW X3 xDrive 35i, якая аснашчана бензінавым шасціцыліндравым радным рухавіком аб'ёмам 3 літра і магутнасцю 306 к. с. з падвойным турбанаддзіманнем. Таксама ў Штатах будзе прапанаваны X3 xDrive 28i з бітурбіраваным маторам (243 к. с.), а ў Еўропе прадставяць турбадызельны X3 xDrive 20d (184 к. с.). Базавай каробкай перадач для ўсіх мадыфікацый стане 8-ступеньчатая АКПП, для мадыфікацыі xDrive 20d прапануюць і 6-ступеньчатую МКПП.^[2]

Вытворчасць красовера другога пакалення была разгорнута на заводзе BMW у Грырэ (Паўднёвая Караліна, ЗША) 1 верасня 2010 года, адразу ж пасля сходу з канвеера апошняга X3 у кузаве (E83). Для выпуску гэтага аўтамабіля было прыцягнута дадаткова 500 працоўных.^[3]

Аўтамабілі першага пакалення адрозніваліся высокай надзейнасцю. Аб характарыстыках і якасцях новага аўтамабіля казаць пакуль рана, аднак вядома, што падвеска X3 2011 мадэльнага года выканана з выкарыстаннем алюмінія.

У 2013 годзе базавы аднарадны шасціцыліндравы рухавік без турбанаддзімання быў заменены на турбіраваны 2-х літровы чатырохцыліндравы рухавік. Такім чынам вытворца палепшыў паказчык расходу паліва на два літры. Эканамічнасць рухавіка ў сярэднім паднялася да 10,23 л/100км на паліве прэміум-класа. Гэты рухавік забяспечвае ўражлівыя хадавыя характарыстыкі, але ён не такі вытанчаны, як яго папярэднік. Палепшаны аўтамабіль BMW X3 35i, кошт якога вышэй за базавы, абсталяваны 3-х літровым турбіраваным шасціцыліндровым рухавіком з магутнасцю ў 300 конскіх сіл. Новым для 2015 года варыянтам стаў аўтамабіль з апцыянальным 2-х літровым чатырохцыліндравым дызельным рухавіком на 180 к. с. У 2016 годзе пашырыліся магчымасці выкарыстання USB і Bluetooth.^[4]

Бяспека

Аўтамабіль прайшоў тэст Euro NCAP у 2011 годзе:

Вынікі тэсту Euro NCAP, 2011[5]
	Балы	%
Бяспека дарослых пасажыраў	31,6	88%
Бяспека пасажыраў-дзяцей	40,9	83%
Бяспека пешаходаў	19,1	53%
Актыўная бяспека	5	71%
Пратэставаны аўтамабіль: BMW X3 2.0 Diesel

Трэцяе пакаленне

Над дызайнам запланаванага на 2018 мадэльны год трэцяга пакалення працаваў аўстралійскі дызайнер Калвін Люк (англ.: Calvin Luk)^[6].

Новая версія будзе мець індэкс G01 і ў цяперашні час вядзецца актыўная работа над прататыпам. Новы красовер X3 будзе ўжываць гібрыдныя тэхналогіі і будзе даступны з дызельным двухлітровым рухавіком B47 (наступнае пакаленне трохлітровых дызельных рухавікоў B57) і бензінавы варыянт B58: турбіраваны шасціцыліндравы рухавік аб'ёмам 2998 см^3[7].

Зноскі

1. https://www.euroncap.com/en/results/bmw/x3/15750
2. Прэзентацыя красовера BMW X3 новага пакалення Архівавана 4 сакавіка 2016. AMbox.ru, 16.07.2010
3. Пачалася вытворчасць BMW X3 другога пакалення Архівавана 5 сакавіка 2012. AMbox.ru, 02.09.2010
4. Как мы тестировали BMW X3 2016
5. https://www.euroncap.com/en/results/bmw/x3/10958
6. BMW X3 for the locals – motoring.com.au (нявызн.). motoring.com.au. Праверана 17 ліпеня 2015.
7. The next BMW X3 spied: full scoop on 2017’s G01 SUV (нявызн.). Праверана 17 ліпеня 2015.

Спасылкі

• Мадэль на афіцыйным сайце BMW
• Один из лучших BMW 2000-х, главное – найти "живой". Что собой представляет подержанный X3 E83 (руск.). abw.by (13 чэрвеня 2022). Праверана 13 чэрвеня 2022.