Курфюрства Майнцкае (ням.: Kurfürstentum Mainz, скарочана Курмайнц, Kurmainz) — духоўнае княства ў складзе Свяшчэннай Рымскай імперыі, якое ўзнікла на тэрыторыі Майнцкай архідыяцэзіі і існавала ў 1356—1803 гадах. Яно ўключала тэрыторыі вакол Майнца (па абодва берагі Рэйна), землі каля ракі Майн вышэй за Франкфурт (уключаючы Ашафенбург), а таксама Эрфурт. Кіравалася архібіскупам, які выступаў у ролі курфюрста (аднаго з выбаршчыкаў імператара). Сталіцай княства быў Майнц. Духоўнае княства было секулярызавана ў 1803 годзе падчас германскай медыятызацыі.
Княства-архібіскупства ў складзе Свяшчэннай Рымскай імперыі | |||||
Курфюрства Майнцкае | |||||
---|---|---|---|---|---|
ням.: Kurfürstentum Mainz | |||||
|
|||||
![]() Тэрыторыя архібіскупства па Вестфальскім міры |
|||||
1356 — 1803
|
|||||
Сталіца | Майнц | ||||
Рэлігія | каталіцтва | ||||
Форма кіравання | Княства-архібіскупства | ||||
![]() |
Гісторыя
![Thumb](http://upload.wikimedia.org/wikipedia/commons/thumb/e/ee/2011-07_Mainzer_Dom.jpg/640px-2011-07_Mainzer_Dom.jpg)
Архібіскупства было заснавана Святым Баніфацыем у 750 годзе.
У 1356 годзе Карлам IV была выдадзена Залатая була, і архібіскуп майнцкі ўвайшоў у лік сямі курфюрстаў.
У 1477 годзе архібіскупамі быў заснаваны Майнцкі ўніверсітэт Ёгана Гутэнберга.
Пасля Вестфальскага міру 1648 года Майнц страціў Вердэн і Гальберштат. У 1667 годзе да архібіскупства быў далучаны Эрфурт.
У 1792—1793 гадах на тэрыторыі курфюрства існавала Майнцкая рэспубліка.
У 1801 годзе майнцкі архібіскуп пераназваны ў біскупа.
У 1803 годзе было секулярызавана ў час Германскай медыятызацыі. Левабярэжныя землі Рэйна адышлі да Францыі, Эрфурт, цюрынгенскія і іншыя сумежныя ўладанні — да Прусіі, іншыя — да Гесэна, Ашафенбурга і Насау. Курфюрсцкія правы Майнца былі перададзены графству Рэгенсбург[1].
Кіраўнікі
Хоць пазнейшая традыцыя прыпісвае заснаванне дыяцэзіі апосталу Крыскенту, паводле дакументаў біскупы майнцкія вядомыя з мяжы IV і V стагоддзяў. Апошнім біскупам быў Карл Тэадор Дальберг, які пасля секулярызацыі зямель архібіскупства пераехаў са сваім дваром у Рэгенсбург (гл. Рэгенсбургскае архібіскупства).
Рэзідэнцыі кіраўнікоў
- Рэзідэнцыі кіраўнікоў Курмайнца
- Майнцкая рэзідэнцыя
- Замак Ланек
- Замак Яганісбург
- Віла «Фаварыт»
- Палац кіраўніка ў Эрфурце
Зноскі
- Майнцское архиепископство // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
Спасылкі
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.