Рэгенсбургскае архібіскупства

Рэгенсбургскае архібіскупства (ням.: Fürstentum Regensburg) — адно з суверэнных тэрытарыяльных княстваў Свяшчэннай Рымскай імперыі і Рэйнскага саюза, якое было ўтворана ў 1803 годзе ў эпоху Напалеонаўскіх войнаў і праіснавала да 1810 года.

Рэгенсбургскае архібіскупства
Fürstentum Regensburg
Герб
Статус	Царкоўнае ўладанне
Сталіца	Рэгенсбург
Год утварэння	1803
Імперская акруга	Баварская акруга
Калегія курфюрстаў	1 месца
Страта незалежнасці	1810 год. Баварыя

У паняцця ёсць і іншыя значэнні, гл. Рэгенсбург.

Гісторыя

Рэгенсбургскае архібіскупства было ўтворана для былога архібіскупа майнцкага Карла Тэадора Дальберга, уладанні якога былі секулярызаваны. У відзе кампенсацыі для яго Напалеон стварыў новае царкоўнае княства, у склад якога былі ўключаны свабодны імперскі горад Рэгенсбург, імперскае біскупства Рэгенсбург, імперскія абацтвы Святога Эмерама, Нідэрмюнстэр і Обермюнстэр, сеньёрствы Донаўштаўф, Вёрт і Гоэнбург. Імперскі горад Рэгенсбург і царкоўныя княствы Рэгенсбурга страцілі сваю незалежнасць. Пры гэтым да новага архібіскупства адышоў голас скасаванага Майнцкага архібіскупства ў палаце курфюрстаў рэйхстага імперыі. Аднак стварэнню новай дзяржавы актыўна пярэчыла Баварыя, якая прэтэндавала на гэтыя землі. Толькі 1 лютага 1805 года Дальберг быў зацверджаны на пасадзе архібіскупа рэгенсбургскага.

У 1806 годзе частка нямецкіх княстваў утварыла Рэйнскі саюз пад пратэктаратам Францыі, што прывяло да скасавання Свяшчэннай Рымскай імперыі. Архібіскуп рэгенсбургскі Дальберг стаў князем-прымасам новага саюза. У 1809 годзе ў архібіскупстве быў уведзены кодэкс Напалеона. 20 красавіка 1809 года аўстрыйскія войскі занялі тэрыторыю княства. Паводле Парыжскага дагавора 1810 года тэрыторыя Рэгенсбурга была далучана да Баварскага каралеўства. За Дальбергам застаўся царкоўны тытул, а ў якасці кампенсацыі за страчаныя тэрыторыі яму былі пададзены графствы Ганау і Фульда.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх