Звартноц (аэрапорт)

Міжнародны аэрапорт Звартноц (арм.: Զվարթնոց Միջազգային Օդանավակայան; (IATA: EVN, ICAO: UDYZ)) — міжнародны аэрапорт Ерэвана, сталіцы Арменіі. Знаходзіцца на захадзе горада на тэрыторыі раёна Малатыя-Себастыя.

Міжнародны аэрапорт Звартноц
арм.: Զվարթնոց Միջազգային Օդանավակայան
ІАТА: EVN — ІКАА: UDYZ
Інфармацыя
Тып	грамядзянскі
Краіна	Арменія
Размяшчэнне	Ерэван EVN
Дата адкрыцця	1961
Уладальнік	Галоўнае кіраванне грамадзянскай авіяцыі Арменіі
Эксплуатант	Armenia International Airports CJSC
Хаб для	Air Armenia
Вышыня НУМ	865 м
Часавы пояс	UTC+4/+4
Час працы	кругласуткава
Сайт	zvartnots.am
Узлётна-пасадачныя палосы
Нумар Памеры (м) Пакрыццё 09/27 3850×56 асфальт
Статыстыка (2014)
Гадавы пасажырапаток	▲ 2,045,058
Медыяфайлы на Вікісховішчы

З'яўляецца галоўным і вузлавым аэрапортам нацыянальнага авіяперавозніка краіны Air Armenia.

Гісторыя

Створаны па праекце архітэктараў А. Тарханяна, С. Хачыкяна, Л. Чэркезяна, Ж. Шэхляна, А. Тыграняна, А. Месчана і канструктара С. Багдасарана, быў здадзены ў эксплуатацыю ў 1980 годзе.

Урад Арменіі 18 снежня 2001 года падпісаў дагавор з аргенцінскай кампаніяй «Карпарасьён Амерыка» пра кіраванне аэрапортам тэрмінам на 30 гадоў з 9 чэрвеня 2002 года. У дадзены момант аэрапорт праводзіць поўную рэканструкцыю ў адпаведнасці з міжнароднымі вымогамі. Аэрапорт знаходзіцца за 12 км да захаду ад Ерэвана, мае транзітную зону. Працуе кругласуткава. Здольны прымаць любыя тыпы паветраных суднаў^[1]. З усіх вылятаючых пасажыраў аэрапорт «Звартноц» утрымваў дзяржаўную пошліну ў памеры 10 000 драмаў (каля 24 $; з 2009 г. уваходзіць у кошт авіяквіткоў). Да цэнтра Ерэвана можна даехаць на грамадскім транспарце — аўтобусам і маршрутным таксі 200 драмаў (каля 0,6 $), час у дарозе — 40 хвілін, ці на таксі ад 1500 да 4500 драмаў (ад 4.2 да 14.8 $), час у дарозе — 15–20 хвілін.

У 1998 годзе быў адкрыты новы грузавы тэрмінал.

У 2004 годзе пачалося будаванне новага міжнароднага тэрмінала і ўлетку 2007 новы тэрмінал быў адкрыты. У цяперашні момант у аэрапорце дзеюць крамы бязмытнага гандлю Duty free (як у зоне вылету, так і ў зоне прылёту), банкаматы, рэстараны, бары, VIP сэрвіс^[2].

З 5 кастрычніка 2011 года (афіцыйнае адкрыццё адбылося 16 верасня) новы тэрмінал ерэванскага міжнароднага аэрапорта Звартноц пачаў паўнавартасную працу. Плошча новага комплексу аэрапорта Звартноц складае 34 тыс. м², які складаецца з аўтастаянкі плошчай 20 тыс. м², сучасныя залы прыбыцця і адбыцця пасажыраў, VIP-залы. Зала рэгістрацыі мае 46 рэгістрацыйных пунктаў з выкарыстаннем тэхналогій CUTE. На тэрыторыі новага тэрмінала аэрапорт падае бясплатны WiFi. Апроч таго, як пасажыры, так і сустракаючыя могуць там скарыстацца банкаўскімі паслугамі і паслугамі пошты. Таксама пададзены крамы, у якіх тавар прадаецца па ніжэйшых цэнах, у параўнанні са сталічнымі^[3]. Пасля ўводу ў эксплуатацыю аэрапорт здольны абслугоўваць да 3,5 млн пасажыраў у год^[4].

31 студзеня 2013 года на конкурсе, што праводзіцца арганізацыяй Arabian Reach у Дубаі, аэрапорт «Звартноц» быў адзначаны як «Лепшы аэрапорт СНД і Балтыі» конкурсу «Аэрапорты краін у стадыі развіцця»^[5].

З 1992 да 2024 года пункт пропуску ў аэропорце абслугоўвалі расійскія пагранічнікі^[6].

Зноскі

1. International Airports «Armenia» — Zvartnots — Handles any type of modern commercial aircraft
2. Zvartnots — Armenia International Airports
3. Мартиросян, Армине. Новый терминал ереванского аэропорта Звартноц принял первых пассажиров (нявызн.)(недаступная спасылка). Кавказский узел (6 кастрычніка 2011). Архівавана з першакрыніцы 5 жніўня 2012. Праверана 20 верасня 2016.
4. «Звартноц» сможет обслужить до 3,5 млн пассажиров (нявызн.)(недаступная спасылка). Еркрамас (18 мая 2011). Архівавана з першакрыніцы 5 жніўня 2012. Праверана 20 верасня 2016.
5. Ереванский аэропорт «Звартноц» признан лучшим аэропортом СНГ (нявызн.). NEWS.am (31 студзеня 2013). Архівавана з першакрыніцы 20 лютага 2013. Праверана 20 лютага 2013.
6. tass.ru

Спасылкі

• Афіцыйны сайт аэрапорта (англ.)
• Онлайн табло аэрапорта Звартноц Архівавана 25 верасня 2009.
• Zvartnots international airport (нявызн.)(недаступная спасылка). Airport Cities (Jan-Feb 2013). Архівавана з першакрыніцы 26 лютага 2013. Праверана 20 лютага 2013.