Флёрыян Грыліч

Флёрыян Гры́ліч (па-нямецку: Florian Grillitsch; нар. 7 жніўня 1995 году) — аўстрыйскі футбаліст, паўабаронца абарончага пляну нямецкага клюбу «Гофэнгайм» і нацыянальнай зборнай Аўстрыі. Таксама здольны згуляць на пазыцыі цэнтральнага абаронцы.

Флёрыян Грыліч
Пэрсанальная інфармацыя
Нарадзіўся	7 жніўня 1995(1995-08-07)[1][2][3] (29 гадоў) Нойнкірхэн[d], Нойнкірхэн[d], Ніжняя Аўстрыя, Аўстрыя
Рост	186 см
Вага	73 кг
Пазыцыя	паўабаронца
Клюбная інфармацыя
Клюб	Гофэнгайм
Нумар	11
Клюбы
Гады	Клюб	Гульні (галы)¹
2014—2015 2015—2017 2017—2022 2022—2023 2023—	Вэрдэр 2 Вэрдэр Гофэнгайм Аякс Гофэнгайм	36 (10) 48 (3) 130 (3) 10 (0) 38 (1)
Зборныя
2017—	Аўстрыя	50 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 10 лістапада 2024. ² Колькасьць гульняў і галоў за нацыянальную зборную ў афіцыйных матчах, адкарэктавана на 17 лістапада 2024.

Кар’ера

Займацца футболам пачаў у роднай Аўстрыі, але яшчэ юнаком далучыўся да акадэміі нямецкага «Вэрдэру». Менавіта ў складзе гэтага клюбу дэбютаваў у прафэсійным футболе, абараняючы колеры другой каманды клюбу. У складзе галоўнай каманды «Вэрдэру» ўпершыню зьявіўся ў матчы Кубка Нямеччыны супраць «Вюрцбургер Кікерс» у жніўні 2015 годзе^[4]. У тым жа месяцы згуляў матчы Бундэсьлігі супраць «Шальке-04». Гулец хутка замацаваўся ў клюбе, а ў 2017 годзе перайшоў у «Гофэнгайм». У новым клюбе быў гульцом асноўнага складу, абараняючы колеры клюбу цягам шматлікіх сэзонаў. Улетку 2022 году па заканчэньні кантракту трапіў у нідэрляндзкі «Аякс», але там гулец ня даў рады. Праз год Грыліч вярнуўся да шыхтаў «Гофэнгайму».

Крыніцы

1. Florian Grillitsch // Transfermarkt (мн.) — 2000.
2. Florian Grillitsch // FBref (мн.)
3. Florian Grillitsch // As (гішп.) — Madrid: PRISA, 1967. — ISSN 1888-6671
4. «Werder zieht den Kopf aus der Schlinge — dank Ujah und Bartels». Kicker.

Вонкавыя спасылкі

• Профіль (анг.) на Transfermarkt
• Профіль (анг.) на Soccerway
• Профіль (анг.) на Worldfootball