Сан-Лярэнса Буэнас-Айрэс

«Сан-Лярэнса дэ Альмагра» (па-гішпанску: San Lorenzo de Almagro) — аргентынскі футбольны клюб з гораду Буэнас-Айрэс, гуляе ў Прафэсійнай футбольнай лізе. «Сан-Лярэнса» лічыцца адным з клюбаў вялікай пяцёркі аргентынскага футболу, куды, таксама, уваходзяць «Рывэр Плэйт», «Бока Хуніёрс», «Індэпэнд’ентэ» і «Расінг». Аднак гістарычным супернікам клюбу лічыцца клюб «Уракан». «Сан-Лярэнса» па-за межамі Аргентыны атрымаў дадатковую вядомасьць дзякуючы таму, што ў сакавіку 2013 году рымскім папам быў абраны заўзятар гэтага клюбу папа Францішак^[1].

Сан-Лярэнса
Поўная назва	Club Atlético San Lorenzo de Almagro
Заснаваны	1 красавіка 1908
Горад	Буэнас-Айрэс, Аргентына
Стадыён	Нуэва Гасамэтра Умяшчальнасьць: 47 964
Прэзыдэнт	Арасьё Арэсэйгор[d]
Галоўны трэнэр	Рубэн Дарыё Інсуа[d]
Чэмпіянат	Прафэсійная футбольная ліга
· 2023	3 месца
Галерэя здымкаў у Вікісховішчы sanlorenzo.com.ar (гішп.)

Гісторыя

Каманда была заснавана 1 красавіка 1908 году. Назва адначасова адлюстроўвала павагу да Сьвятога Лаўрэнція і каталіцкага сьвятара Ляренса Маса, які дапамагаў новай камандзе праз прадастаўленьне ў выкарыстаньне пляцоўкі для гульняў. Пачынаючы з часоў стварэньня прафэсійнага футболу ў 1931 годзе, каманда ўваходзіць у пяцёрку найлепшых клюбаў Аргентыны, нароўні з «Рывэр Плэйтам», «Бока Хуніёрс», «Расінгам» і «Індэпэнд’ентэ».

У 1933 годзе клюб выйграў свой першы прафэсійны тытул. За каманду выступаў баск Ісыдра Лянгара. Наступны тытул быў атрыманы ў 1946 годзе, што перапыніла пераможную сэрыю «Рывэр Плэйт» у чэмпіянаце Аргентыны. У той жа год каманда адправілася ў турнэ па Гішпаніі і Партугаліі, дзе правяла сэрыю таварыскіх матчаў. Пасьля паразы ад мадрыдзкага «Рэалу», «Сан-Лярэнса» атрымаў перамогу ў сустрэчах з «Барсэлёнай», нацыянальнай зборнай Гішпаніі і Партугаліі. Гішпанскія журналісты назвалі «Сан-Лярэнса» «найлепшай камандай у сьвеце». Футбалісту Рэнэ Пантоні прапаноўвалі кантракт з «Барсэлёнай», аднак ён адмовіўся з прычыны нежаданьня пакідаць родную Аргентыну.

«Сан-Лярэнса» быў адным з галоўных фаварытаў першага розыгрышу Кубка Лібэртадорэс у 1960 годзе. Аднак каманда саступіла ў паўфінале ва ўпартай барацьбе пераможцу турніру ўругвайскаму клюбу «Пэньяроль».

Дасягненьні

• Чэмпіён Аргентыны: 15
  • 1923, 1924, 1927, 1933, 1936, 1946, 1959, 1968(М), 1972(М), 1972(Н), 1974(Н), 1995(К),
  • 2001(К), 2007(К), 2013(І)

• Уладальнікі Кубку Лібэртадорэс: 2014
• Уладальнікі Паўднёваамэрыканскага кубку: 2002
• Уладальнікі Кубка Мэркасур: 2001

• Удакладненьне: І — Інісіяль, К — Кляўсура, М — Мэтрапалітана, Н — Насьяналь

Склад

Актуальны на 13 верасьня 2024 году

№ Пазыцыя Імя Год нараджэньня 4 Аб Джоан Раманьня 1998 5 ПА Эрык Рэмэдзі 1995 6 ПА Карляс Санчэс 1986 7 Нап Эсэк’ель Сэруцьці 1992 8 Нап Матыяс Рэалі 1997 9 Нап Андрэс Вомбэргар 1994 10 Нап Наўэль Барыяс 1998 11 Нап Іван Легісамон 2002 13 Бр Факунда Альтамірана 1996 14 Нап Агустын Аўш 2003 16 Бр Ляўтара Лёпэс 2001 17 ПА Эліян Іраля 2004 18 Нап Франсіска Фідрысэўскі 1993 19 ПА Мануэль Інсаўральдэ 1999 20 ПА Тамас Пора 2004

№ Пазыцыя Імя Год нараджэньня 21 ПА Малькам Брайда 1997 22 Аб Гастон Кампі 1991 23 Аб Гастон Эрнандэс 1998 24 Аб Нікаляс Трыпік’ё 1996 25 Бр Гастон Гомэс (ар. Расінг) 1996 28 Нап Алексіс Куэльлё (ар. Альмагра) 2000 29 ПА Сэбастыян Блянка 1988 30 Аб Наўэль Арыяс 2005 35 Аб Гансалё Люхан 2001 36 Аб Даніель Эрэра 2004 37 Аб Эліяс Баэс 2004 40 ПА Сант’яга Соса 2005 77 Нап Наўэль Бустас (ар. Тальерэс) 1998 80 ПА Ікер Муньяін 1992 — ПА Хуан Крус Вэга (ар. Аргентына) 1998

Крыніцы

1. Pope Francis: the quiet man of Buenos Aires known for his humble tastes. The Guardian

Вонкавыя спасылкі

• Афіцыйны сайт