From Wikipedia, the free encyclopedia
Кубак Лібэртадо́рэс (гішп. Copa Libertadores) — галоўны паўднёваамэрыканскі футбольны турнір, які праводзіць КОНМЭБОЛ сярод найлепшых клюбаў краінаў рэгіёну. Названы ў гонар памяці пра войны за вызваленьня паўднёваамэрыканскіх народаў. Ладзіцца з 1960 году, пры гэтым на пачатку бралі ўдзел у турніры толькі чэмпіёны сваіх краінаў, аднак ужо з 1966 году да розыгрышу прыцягваліся таксама клюбы, якія занялі 2 месца ў сваіх краінах. У 1998 годзе ўпершыню былі запрошаныя мэксыканскія клюбы, якія рэгулярна ўдзельнічалі ў розыгрышах кубка з 2000 па 2016 гады. У 2000 годзе групавы турнір быў павялічаны з 20 да 32 дружынаў. Сёньня ў турніры ўдзельнічаюць прынамсі чатыры клюбы ад кожнай краіны, пры гэтым найбольшую колькасьць прадстаўнікоў маюць Аргентына і Бразылія, то бок шэсьць і сем клюбаў адпаведна. Ад пачатку ў розыгрышах прысутнічаў групавы этап, але колькасьць удзельнікаў у ім заўсёды зьмянялася[1][2]. Пераможца Кубка Лібэртадорэс атрымлівае права гуляць у клюбным чэмпіянаце сьвету па футболе і ў Рэкопе Паўднёвай Амэрыкі[3]. Аргентынскі «Індэпэнд’ентэ» ёсьць самым пасьпяховым клюбам у гісторыі, аздабываючы запаветны трафэй сем разоў. Аргентынскія клюбы ўвогуле здабылі найбольшую колькасьць перамогаў у турніры, у той час як Бразылія мае найбольшую колькасьць прадстаўнікоў-уладальнікаў кубка.
| Кубак Лібэртадорэс | |
 Афіцыйны лягатып турніру | |
| Заснаваны | 1960 |
|---|---|
| Колькасьць камандаў | 32 (групавы этап), 47 (усяго) |
| Дзейны чэмпіён | Фламэнгу — 3-і тытул (2022) |
| Найбольш пасьпяховы клюб | Індэпэнд’ентэ — 7 тытулаў |
| Вэб-сайт | www.conmebol.com |
 2023 | |
У 1948 годзе быў праведзены Клюбны чэмпіянат Паўднёвай Амэрыкі, у якім прынялі ўдзел чэмпіёны (у большасьці сваёй) 7 краінаў Паўднёвай Амэрыкі. Пераможцам стаў бразыльскі «Вашку да Гама». Гэты турнір быў прызнаны КОНМЭБОЛ папярэднікам Кубка Лібэртадорэс.
| Клюб | Перамогаў | Гады |
|---|---|---|
| Індэпэнд’ентэ (Аргентына) | 7 | 1964, 1965, 1972, 1973, 1974, 1975, 1984 |
| Бока Хуніёрс (Аргентына) | 6 | 1977, 1978, 2000, 2001, 2003, 2007 |
| Пэньяроль (Уругвай) | 5 | 1960, 1961, 1966, 1982, 1987 |
| Эстудыянтэс (Аргентына) | 4 | 1968, 1969, 1970, 2009 |
| Рывэр Плэйт (Аргентына) | 4 | 1986, 1996, 2015, 2018 |
| Насьяналь (Уругвай) | 3 | 1971, 1980, 1988 |
| Алімпія (Парагвай) | 3 | 1979, 1990, 2002 |
| Сан-Паўлу (Бразылія) | 3 | 1992, 1993, 2005 |
| Сантус (Бразылія) | 3 | 1962, 1963, 2011 |
| Грэмію (Бразылія) | 3 | 1983, 1995, 2017 |
| Палмэйрас (Бразылія) | 3 | 1999, 2020, 2021 |
| Фламэнгу (Бразылія) | 3 | 1981, 2019, 2022 |
| Крузэйру (Бразылія) | 2 | 1976, 1997 |
| Інтэрнасьёнал (Бразылія) | 2 | 2006, 2010 |
| Атлетыка Насьяналь (Калюмбія) | 2 | 1989, 2016 |
| Расінг (Аргентына) | 1 | 1967 |
| Архэнтынас Хуніёрс (Аргентына) | 1 | 1985 |
| Колё-Колё (Чылі) | 1 | 1991 |
| Вэлес Сарсьфільд (Аргентына) | 1 | 1994 |
| Вашку да Гама (Бразылія) | 1 | 1998 |
| Онсэ Кальдас (Калюмбія) | 1 | 2004 |
| ЛДУ Кіта (Эквадор) | 1 | 2008 |
| Карынтыянс (Бразылія) | 1 | 2012 |
| Атлетыку Мінэйру (Бразылія) | 1 | 2013 |
| Сан-Лярэнса (Аргентына) | 1 | 2014 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
