Garadzkija

GARADzKIJA (Гарадзкія, таксама сустракаецца варыянт Garadzkija i GRDzK) — беларускі рок-гурт, заснавальнікам якога зьяўляецца Піт Паўлаў (гітарыст N.R.M.). Назва GARADzKIJA, па задуме Піта Паўлава павінна адлюстроўваць урбаністычны стыль музыкі, якую грае гурт. Пры гэтым «GARADzKIJA — гэта не супроцьпастаўленьне вясковым, гэта проста канстатацыя факта, што ёсьць гарадзкія каштоўнасьці».

GARADzKIJA
Гады	2003 — нашы дні
Краіна	Беларусь
Месца ўтварэньня	Менск, Беларусь
Мова	беларуская
Жанр	рок
Выдавец	West Records
Зьвязаныя праекты	Мроя N.R.M. Крыві Pete-Paff Народны альбом
Удзельнікі	Піт Паўлаў Андрэй Сапоненка Андрэй Кавалькоў Аляксандар Гарон

Альбомы

Гурт дэбютаваў у 2003 годзе аднайменным альбомам — «Harackija», у назьве якога была спэцыяльна зробленая памылка, што на думку музыкаў павінна адлюстроўваць умоўнасьць сучаснага гарадзкога асяродзьдзя, вясковае паходжаньне большасьці сучасных гараджан.

Альбом складаецца з 13 кампазыцыяў і мультымэдыйнага трэку (фота, відэаматэрыялы). Прэзэнтацыя дыска адбылася 7 лістапада 2003 году ў клюбе «Рэактар», у дзень нараджэньня Піта Паўлава.

1. «Ня рві сабе жыцьцё»
2. «Каўбасіць ды плюшчыць»
3. «Як манэкен»
4. «Мяне нясе»
5. «Як ты пахнеш вясной»
6. «Сам на-сам»
7. «Карамба»
8. «А ў лесе, лесе»
9. «Той, што прыйдзе пасьля»
10. «Сіні апэльсын»
11. «На край»
12. «Нэлегал»^[1]
13. «На далоні»

Акрамя таго, гурт запісаў яшчэ некалькі песень:

• «Так ці не»
• «Усё, што мяне ў гэтым сьвеце трымае»

Удзельнікі

• Піт Паўлаў: гітара
• Андрэй Сапоненка: ударныя (адначасова і ў Pete Paff)
• Андрэй Кавалькоў: гітара
• Аляксандар Гарон: бас-гітара

Былыя ўдзельнікі:

• Дзяніс Савік: гітара (да 2008)
• Алезіс Дземідовіч: бубны (да 2008)
• Лёша Рудольф: бас (да 2008)

Trivia

Гурт зьняў некалькі кліпаў:

• «Як манэкен» (рэжысэр — Віталь Чыжоў^[2]). Піт сядзіць на прыпынку і чагосьці чакае. Сядзіць цэлы дзень, пакуль мінаюць людзі, якія сьпяшаюцца па сваіх справах.
• «Каўбасіць ды плюшчыць» (рэжысэр — Юры Стаюнічаў^[3])
• «Toj zhto pryjdzie pasla» («Той, што прыйдзе пасьля»)
• «A ja lahu prylahu»

Гурт удзельнічаў у праекце «Генералы айчыннага року» (Менск, 2004), на якім атрымаў гран-пры.

Літаратура

• Д.П. «GARADZKIJA» // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 81–82. — 368 с. — 2000 ас. — ISBN 978-985-6783-42-8

Крыніцы і заўвагі

1. Менавіта праз «э». Тут памылка, відаць, была зробленая несьвядома.
2. Музыкальная газета №21/2004
3. NRSM.ORG

Вонкавыя спасылкі

• Кліп «Як манэкен» на YOUTUBE.COM
• Альбом «Garadzkija» на torrents.ru(недаступная спасылка)
• GARADzKIJA дали серию концертов в Польше - артыкул на партале TUT.BY
• 22-ая песьня з праекту «Я нарадзіўся тут» - артыкул на Tuzin.fm
• «Гарадзкі» чалавек — Pete Paff (інтэрвію з Паўлавым на generation.by)