Apple Tea

Apple Tea — вядомы беларускі джазавы гурт з Менску. Адзін з самых вядомых у Беларусі джаз бэнд, які грае сучасны джаз і фьюжн^[1].

Apple Tea
Гады	1994 — цяпер—
Краіна	Беларусь
Жанр	джаз
apple-tea.com (рас.)

Заснаваны ў 1994 годзе. Першы склад: Ігар Сацэвіч — лідэр, бас-гітара, кампазыцыя і аранжыроўкі, Аляксандар Сапега — барабаны, Алег Дарошын — гітара, Андрэй Матлін — саксафоны, Канстанцін Гарачы — клавішныя, Сяргей Ліпкоўскі — фартэпіяна, аранжыроўка.

У розныя гады ў склад групы ўваходзілі: Віталь Ямуцееў і Андрэй Бандарэнка (саксафоны), Максім Пугачоў — клавішныя («Беларускія Песьняры»), Аляксандар Старажук — перкусыя («Ляпіс Трубяцкой» 2002). Група ўдзельнічала ў студыйных запісах многіх вядучых музыкаў Беларусі.

Першая зь беларускіх гуртоў выдала альбом у Расеі, першая выдала відэавэрсыю сольнага канцэрту. З 1994 да 1997 музыкі працавалі, як малы склад Дзяржаўнага канцэртнага аркестру Беларусі, у 2000-01 — як студыйная група польскай фірмы «PGK Studio International». У 2005 група мела склад: Ігар Сацэвіч, Аляксандар Сапега, Сяргей Аляксандраў — клавішныя, Ігар Люты — саксафоны, Андрэй Ускоў — гітара. Напрыканцы 2005 на месца Андрэя Ўскова прыйшоў Міхаіл Філіпеня-малодшы, з 2006 з гуртом супрацоўнічаюць саксафаністы Аляксей Кляшчоў і Павал Аракелян, з 2009 — саксафаніст Віталь Ямуцееў.

Дыскаграфія

• 2013 — TEN-TEN
• 2009 — Apple Tea V
• 2006 — Instead of You
• 2003 — Warsaw Zoo
• 2000 — Bee Dance
• 1999 — Angry Girls

Сінглы

• 2009 — Жыто половее (разам з Akana-NHS(be))^[2][3]

Удзел у складанках

• 2003 — «It’s No Good» — у зборніку «Personal Depeche»

Узнагароды

• Лепшы кліп «Яблочный чай» (Рок-каранацыя 2006);
• «Найлепшы джаз-выканаўца (калектыў)» (Нацыянальная музыкальная прэмія, 2012)^[4]

Літаратура

• Д.П. «APPLE TEA» // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 26–27. — 368 с. — 2000 ас. — ISBN 978-985-6783-42-8

Крыніцы

1. Дзмітрый Падбярэзскі. (2010-07-30) Джаз у віртуале і рэале (бел.). Літаратура і мастацтва. Праверана 2020-03-14 г. Архіўная копія ад 2020-03-14 г.
2. Дзьмітры Калдун. (2009-10-24) Фаварыты Дзьмітрыя Калдуна на ТГ: Дземідовіч, «Існасць» і Hair Peace Salon (бел.) Tuzin.fm. mpby.ru. Праверана 2018-12-19 г. Архіўная копія ад 2019-03-04 г.
3. ТГ. (2009-09-24) Аkana і Apple Tea: разам весялей (бел.). Tuzin.fm. Праверана 2020-03-22 г. Архіўная копія ад 2011-01-08 г.
4. Вера Громчакова (12 сьнежня 2012) В Беларуси объявлены победители Национальной музыкальной премии (рас.). БелТА.

Вонкавыя спасылкі

• Афіцыйная старонка Архіўная копія ад 11 сьнежня 2012 г.