Павал Марыеў

Павал Лук’янавіч Марыеў (нарадзіўся 16 чэрвеня 1938 году, в. Дулава, Яраслаўскі раён, Яраслаўская вобласьць) — беларускі палітык. Герой Беларусі, доктар тэхнічных навук, заслужаны работнік прамысловасьці Рэспублікі Беларусь. Ганаровы грамадзянін Жодзіна і Менскай вобласьці (2008).

Павал Марыеў
па-беларуску: Павел Лук'янавіч Марыеў
Сябра Нацыянальнага сходу РБ
2004 — 2008
Прэзыдэнт:	Аляксандар Лукашэнка
Прэм’ер-міністар:	Сяргей Сідорскі
Асабістыя зьвесткі
Нарадзіўся:	16 чэрвеня 1938 (86 гадоў) в. Дулава, Яраслаўская вобласьць, РСФСР
Адукацыя:	Яраслаўскі аўтамеханічны тэхнікум[d] Беларускі політэхнічны інстытут (1972)
Узнагароды:	Мэдаль Героя Беларусі Ордэн «Знак Пашаны» Ордэн Айчыны 3 ступені (Беларусь)

Біяграфія

Скончыў Беларускі політэхнічны інстытут у 1972 годзе. У 1956 годзе тэхнік-канструктар на Ўральскім аўтамабільным заводзе ў Міясе (Чэлябінская вобласьць). Скончыў Яраслаўскі аўтамэханічны тэхнікум, служыў у Савецкім войску. У 1959 годзе прыехаў на працу на БелАЗ. Пачынаў тэхнікам-тэхнолягам. З 1992 па 2008 год генэральны дырэктар БелАЗу^[1].

Доктар тэхнічных навук, аўтар і суаўтар 28 навуковых прац, 2 аўтарскіх пасьведчаньняў, 2 патэнтаў. Дэпутат Менскага абласнога савету дэпутатаў, дэпутат Жодзінскага гарадзкога савету дэпутатаў некалькіх скліканьняў.^[2]

У 2004—2008 гадах зьяўляўся сябрам Савету Рэспублікі Нацыянальнага сходу Рэспублікі Беларусь 3-га скліканьня, уваходзіў у склад Пастаяннай камісіі Савету Рэспублікі па эканоміцы, бюджэту і фінансах, быў дэпутатам Парлямэнцкага сходу Саюзу Беларусі і Расеі.

Цяпер — дырэктар навукова-тэхнічнага цэнтру кар’ернай тэхнікі й тэхналёгіяў дзяржаўнай навуковай установы «Аб’яднаны інстытут машынабудаваньня» Нацыянальнай акадэміі навук Беларусі.

Узнагароды

29 чэрвеня 2001 году ўказам № 360 узнагароджаны званьнем Героя Беларусі. Стаўся другім узнагароджаным гэтым званьнем.

Крыніцы

1. Лілія Крапівіна. БелАЗ у пэрспэктыве можа стварыць карпарацыю па вытворчасьці тэхналягічных машынаў для кар'ераў // Беларускае тэлеграфнае агенцтва, 21 чэрвеня 2013 г. Праверана 8 ліпеня 2013 г.
2. https://web.archive.org/web/20220610100505/https://www.minsk-region.gov.by/index.php?id=83

Вонкавыя спасылкі

• На сайце Нацыянальнага сходу РБ
• П. Марыеў Рускі беларус // «Союзное вече»(недаступная спасылка)
• Павал Лук’янавіч Марыеў (да 75 годдзя з дня нараджэньня) (рас.)