Service im Internetz From Wikipedia, the free encyclopedia
E-Mail (Obkiazung fia: elektronische Post, engl.: email oda e-mail weatle: E-Post) is a Service im Internetz, des wo Leidln ealaubt, si gengseiti elektronische Nochrichtn z schicka. E-Mail is da moastgnutzte Deanst im Internetz.
Im Untaschied zum Postbriaf kosts praktisch nix und geht vui schneja. Da Nochtei is zum oan de Sichaheit, E-Mail ko leichta vo ondan mitglesn wean. Zum ondan is da Otei on unvalongtn Sendunga vui heha ois wia bei da konventionelln Post. Anno 2010 san ebba 107 Billiona E-Mail wejdweit vaschickt woan und da Otei on unvalongtn Sendunga (Spam, "Schmoan") woa 89,1%.[1][2] Es gibt heit owa programmtechnische Meglichkeitn (Spam-Fuita) mit dena de unvalongtn Sendunga zan Tei aussegfuitat wean kena.
De Deitsche und de Boarische san zua Zeit gonz stoak vom Englischn beeinflusst, deshoib wead do moast s Englische E-Mail vawendt. In ondan Sprochn hom si eignständige Begriffe duachgsetzt: Im Jiddischn gibts dafia בליצפאסט (Blitzpost) und בליצבריוו (Blitzbriaf). Des warad aa fias Boarische interessant, weis a Gegnbegriff zum scho gebraichlichn Begriff Schnecknpost is.
2003 hod s franzesische Ministerium fia Kuitua de Vawendung vom Begriff E-Mail in offizielln Schreim vo stootlichn Stej s Woat „courriel“ voagschriem (vo „courrier électronique“).[3] Da Begriff wead seit de 1990a Joa im franzesischspraching Québec scho oigmoa vawendt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.