From Wikipedia, the free encyclopedia
Hannover [haˈnoːfɐ] is de Haptstod vom Land Niedersachsen. Undam Nam „Hanovere“ is's anno 1150 easchtmois uakundli gnennd worn, ob 1814 woas d Haptstod vom Kinereich Hannover und ob 1866 vo de Breissn d Provinz Hannover. Anno 1875 is mid iba 100.000 Eihwohna zua Großstod worn.
Fia andane Bedeitunga schau: Hannover (Begriffsklearung). |
Woppn | Deitschlandkoatn | |
---|---|---|
| ||
Basisdotn | ||
Bundesland: | Niedersachsen | |
Landkroas: | Region Hannover | |
Hechn: | 55 m ü. NHN | |
Flächn: | 204,14 km2 | |
Eihwohna: | 532.163 (31. Dez. 2015)[1] | |
Bevökarungsdichtn: | 2607 Einwohner je km2 | |
Postleitzoien: | 30159–30179 30419–30669 | |
Voawoi: | 0511 | |
Autokennzeichn: | H | |
Gmoaschlissl: | 03 2 41 001 | |
LOCODE: | DE HAJ | |
Stodgliedarung: | 51 Stodtei in 13 Stodbeziak | |
Address vo da Stodvawoitung: |
Trammplatz 2 30159 Hannover | |
Webseitn: | ||
Obabuagamoasta: | Stefan Schostok (SPD) | |
Log vo da Stod Hannover in da Region Hannover | ||
De a da Leine glengne Stod is duach d Hannover Mess, de seit 1947 stottfindt, sowia fia d CeBIT-Mess wejdweid bekonnt. Es greizn se do wichtige Schiena- und Stroßnvakeahsvabindunga vo da Noad-Sid-Richtung mid ois vo da Ost-West-Richtung. Iwan Middllondkanai is Hannover aa as Binnaschifffoahtnetz obundn.
D kroasfreie Stod ghead zua Region Hannover, am bsundan Kommunaivaband, und is a Tei vo da Metropolregion Hannover-Braunschweig-Göttingen-Wolfsburg. Hannover is a Standort vo mehrane Hochschuin: d Gottfried Wilhelm Leibniz Universität, d Medizinische Hochschui, de Tierärztliche Hochschui, d Hochschui fia Muse, Theata und Medien und vo da Fochobaschui. Wichtige Arbadgeba san Voikswong, Continentoi, VHV und Talanx.
Hannover liegt am Toi vo da Leine, direkd om Ibagong zwischn am niedasächsischn Beaglond und am noaddeitschn Tiaflond. Am Sidwestn vo da Stod grenzand d Ausleifa vom Weserbergland mid seine ockabaulichn fruchtboan Lössbedn, im Noadn on de sandign und moorign Geestlandschoftn vo da Burgdorf-Peiner und vo da Hannoverischn Moor-Geest as Stodgebiet.
De guade Log mid seine Naduareim und vakeahsgeografischn Voaraussetzunga hod Hannover a guade Meglichkeit zua Entwicklung vo am middloidalichm Doaf zu arana Großstod bon. Om Middloita is a wichtiga Noad-Siad-Hondlsweg duach Hannover valaffa, dea duachs Leinetoi gfiahd hod, d Ortstei o da Flussfurt.
Benochbade Groußstädt hand Hildesheim, Braunschweig, Wolfsburg, Bielefeld, Göttingen, Kassel und Bremen. Noad- und Ostseegstod lieng fost gleichweid vo Hannover weg.
Bremerhaven (150 km) | Hamburg (135 km) | Lübeck (190 km) | |
Bremen (100 km) | Celle (37 km) | ||
Bielefeld (90 km) | Braunschweig (55 km) | Wolfsburg (75 km) | |
Hameln (50 km) | Göttingen (105 km) | Hildesheim (30 km) | Goslar (70 km) |
* Entfernungsagam beziangand se auf d Entfernung (Luftlinie) bis zum Ortszendrum.
De Städt und Gmoana vo da Region Hannover grenzand on d Stod Hannover: Langenhagen, Isernhagen, Lehrte, Sehnde, Laatzen, Hemmingen, Ronnenberg, Gehrden, Seelze und Garbsen. Dawei is in da Umgebung a städtisch prägte Bebaung zum seng sowia a ländli prägte Bauweis in andane Tei.
Am Schnied hod d Lufttemparauua z Hannover 8,7 °C, und es foin 661 Millimeta Niadaschlog. Zwischn am Mai und August ko ma scho mid uma 22 Summadog (dog wos iwa 25 °C hom) rengna.
Hannover | ||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Klimadiagramm | ||||||||||||||||||||||||||||||||||||||||||||||||
|
Monatliche Duachschniedstemparatuan und -niadaschlog vo Hannover
Quelle: DWD |
Am 1. Novemba 2001 is aus de Städt und Gmoana vom Landkroas Hannover und vo da kroasfrein Stod Hannover d Region Hannover buidt worn. Formoi is Hannover seitdem koa kroasfreie Stod nimma. Se is owa oiwei nu de kroasfreie Städt gleichgstejd.
Anno 1996 hamds z Hannover d bisherige Dobbespitzn a da Stodvawoidung aufgem. Nochad hamds an hauptamtlichn Obabuagamoasta eigstejd.
Da Obabuagamoasta vo da Stod is seit 11. Oktoba 2013 da Stefan Schostok (SPD). Da Rod vo da Stod setzt se aus de 64 Rodsfraun und Rodsherrn und am Obabuagamoasta zam. De wos af de Partein do vateijd hand: SPD (24 Sietz), CDU (16 Sietz), Bündnis 90/De Greanan (14 Sietz), De Linke (3 Sietz), FDP (2 Sietz), Piratenpartei Deitschland (2 Sietz), Die Hannoveraner (2 Sietz), WfH (1 Sietz). D SPD und de Greana hamd a Rodskoalition.
As Woppm vo da Stod Hannover zoagt a süwane Maua mid zwoa Tiam mid Zinna af om roudn Grund; a de offana Dial hand unda am schwoazn Foigadda a goidans Schejdl mid arana greana Marienbleame oada'm Kleebladdl (ned gonz gwies); zwischn de Tiame stehd a goidana Löwe.
S Woppm is scho seit 1266 ois a Siegl nochweisboa, mid da Marienbleame/Kleebladdl (davoa Muinzzeichn) ob 1534. Seit 1929 hod as Stodwoppm d heidige Form. De oidn Stodform Roud, Gejb und Grea hand anno 1897 duach Roud-Weiß dauschd worn.
Hannover hod mid dene Städt oi Partnaschoftn:
Zwischn 1971 und 1976 hods a Städtpartnaschoft mid Utrecht (Holland) ghod, aussadem bstehd zwischn Hannover und Iwanowo (Russland) a Freindschoftsvadrog. Am Maschpark hand de Weg zu de Partnastädt bena gnennd, desweng sogt ma zum Park a "Park vo de Partnerstädt".
Leit, de wos se um Hannover vadeand gmocht hom, wean mid da Ehrnbiaga Wiade auszeichnt. Uaspringli griangs unentgejtliche Biagarechte. Ehrnbiaga hand unda ondam da Georg Friedrich Grotefend (Entziffera vo da Keuschrift), da nationoilibaroie Politika, da Rudolf von Bennigsen, und da Reichspresident, da Paul von Hindenburg, dea wos vo 1911 bis 1914 und vo 1919 bis 1925 sein Wohnsietz z Hannova ghod hod.
Seit am Zwoatn Wejdkriag hom insgsomt zea Leit d Ehrnbiagawiadn griagt, drunta vo seina Zeid Bundeskanzla und Ministapresident Gerhard Schröder und d Kinstlarin Niki de Saint Phalle. Ois da letzte Ehrnbiaga is seit am 2. Feba 2007 da langjoarige Obabuagamoasta, da Herbert Schmalstieg auszeichnt worn.
Da Braumoasta, da Cord Broyhan woa da Eafinda vo am neien Hella. D Gschwisda Friedrich Wilhelm Herschel und d Caroline Herschel woarn Foascha und Astronoma. Da Bruada vom Eafinda vo da Schoibloddn und vom Grammophon, da Emil Berliner, da Joseph Berliner hod z Hannover d easchte Grammophon-Fabrik vo da Wejd grindt. Da Theodor Lessing und sei a z Hannover boane Frau, d Ada Lessing hamd z Linden d Voikshochschui grindt.
Boarischa Text: Hannover – gmoafreie Originaltext |
Spruch: Hannover – Zitat af Boarisch |
Wikinews: Hannover – Nochrichtn |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.