Әйүпов Мансур Әнүәр улы (8 июль 1947 йыл) — ғалим-политолог, партия, дәүләт, матбуғат һәм юғары мәктәп эшмәкәре. Башҡортостан Республикаһы Фәндәр академияһының мөхбир-ағзаһы, вице-президенты һәм президиумы ағзаһы, философия фәндәре кандидаты, сәйәси фәндәр докторы, профессор. Башҡортостан Республикаһы Президенты ҡарамағындағы Башҡортостан дəүлəт хеҙмəте һəм идара итеү академияһының элекке ректоры (1998—2003, 2007—2011).
| Әйүпов Мансур Әнүәр улы | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 8 июль 1947 (77 йәш) |
| Тыуған урыны | Исмәғил, Дәүләкән районы, Башҡорт АССР-ы, РСФСР, СССР |
| Һөнәр төрө | сәйәсмән, Рәсәй Федерацияһы Дәүләт думаһы депутаты |
| Эшмәкәрлек төрө | политология |
| Биләгән вазифаһы | Рәсәй Федерацияһы Дәүләт думаһы депутаты[d] |
| Уҡыу йорто |
Октябрҙең 40 йыллығы исемендәге Башҡорт дәүләт университеты Академия общественных наук при ЦК КПСС[d] |
| Ғилми исеме | профессор[d] |
| Ғилми дәрәжә | философия фәндәре кандидаты[d] һәм сәйәсәт фәндәре докторы[d] |
| Әүҙемлек урыны | Мәскәү |
| Сәйәси фирҡә ағзаһы | Советтар Союзы Коммунистар партияһы һәм Берҙәм Рәсәй |
| Ойошма ағзаһы | Рәсәй Федерацияһы Федераль Йыйылышының һигеҙенсе саҡырылыш Дәүләт Думаһы[d] |
| Маҡтаулы исемдәре һәм башҡа бүләктәре | |
Мансур Әнүәр улы Әйүпов 1947 йылдың 8 июлендә Башҡорт АССР-ының Дәүләкән районы Исмәғил ауылында тыуған.
Башҡорт дәүләт университетын (филолог, башҡорт теле һәм әҙәбиәте уҡытыусыһы) һәм КПСС Үҙәк Комитеты ҡарамағындағы Ижтимағи фәндәр академияһын тамамлаған.
1979—1986 йылдарҙа КПСС-тың Башҡортостан өлкә комитетының агитация һәм пропаганда бүлеге мөдире урынбаҫары, матбуғат, радио һәм телевидение секторы мөдире була[1].
1986—1990 йылдарҙа — «Совет Башҡортостаны» республика гәзите мөхәррире.
1990—1994 йылдарҙа Башҡорт ССР-ы Министрҙар Советы Рәйесе урынбаҫары һәм Башҡортостан Республикаһы Премьер-министры урынбаҫары вазифаһында эшләй.
1994—1998 йылдарҙа — Башҡортостан Республикаһының Дәүләт секретары.
1998—2003 йылдар — Башҡортостан Республикаһы Президенты ҡарамағындағы Башҡортостан дәүләт хеҙмәте һәм идара итеү академияһы ректоры.
2003—2007 йылдарҙа IV саҡырылыш Рәсәй Федерацияһы Федераль Йыйылышының Дәүләт Думаһы депутаты, РФ Дәүләт Думаһының милләттәр эштәре буйынса комитеты рәйесе урынбаҫары була.
2007—2011 йылдарҙа ҡабаттан Башҡортостан Республикаһы Президенты ҡарамағындағы Башҡортостан дәүләт хеҙмәте һәм идара итеү академияһы ректоры.
2011 йылдан Башҡортостан Республикаһы Фәндәр академияһының вице-президенты.
Әйүпов Мансур Әнүәр улы 80-дән ашыу ғилми хеҙмәт, шул иҫәптән монографиялар һәм сәйәси үҙгәреү процестары һәм Рәсәй федерализмы яңырыу шарттарында төбәк сәйәси власы һәм сәйәси институттар формалашыуы һәм эшләүе мәсьәләләре буйынса уҡыу-методик әсбаптар авторы[2].
- Башҡортостан Республикаһының атҡаҙанған мәҙәниәт хеҙмәткәре.
- Башҡортостан Республикаһының Почёт грамотаһы.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
