Zakir Həsənov

Zakir Əsgər oğlu Həsənov (6 iyun 1959, Astara rayonu) — Azərbaycan Silahlı Qüvvələrinin general-polkovniki. Azərbaycan Respublikasının müdafiə naziri (2013-cü ildən).

Zakir Həsənov
Azərbaycan Respublikasının müdafiə naziri
Vəzifədədir
22 oktyabr 2013-cü ildən
(i. e. 14–16 fevral 2024)
Prezident	İlham Əliyev
Baş nazir	Əli Əsədov
Əvvəlki	Səfər Əbiyev
Azərbaycan Respublikası Daxili İşlər Nazirliyi Daxili Qoşunlarının komandanı
17 yanvar 2003 – 22 oktyabr 2013
Əvvəlki	Elşən Kazımov
Sonrakı	Şahin Məmmədov
Azərbaycan Respublikası daxili işlər nazirinin müavini
17 yanvar 2003 – 22 oktyabr 2013
Nazir	Ramil Usubov
Şəxsi məlumatlar
Doğum tarixi	6 iyun 1959(1959-06-06) (65 yaş)
Doğum yeri	Astara rayonu, Azərbaycan SSR, SSRİ
Vətəndaşlığı	Azərbaycan
Təhsili	H. Əliyev adına AAHM, Bakı Ali Ümumqoşun Komandirlər Məktəbi, Cəmşid Naxçıvanski adına hərbi lisey
Fəaliyyəti	siyasətçi, hərbi qulluqçu
Hərbi xidmət
Xidmət illəri	1980-ci ildən
Mənsubiyyəti	Azərbaycan Ordusu
Döyüşlər	Aprel döyüşləri Tovuz döyüşləri İkinci Qarabağ müharibəsi
Rütbəsi	General-polkovnik
Təltifləri	2020 2023 2016 2004 2018 2019 2008 2002 1998
Vikianbarda əlaqəli mediafayllar

Həyatı

Zakir Həsənov 6 iyun 1959-cu ildə Astara rayonunda anadan olmuşdur.

• 1976-cı ildə Cəmşid Naxçıvanski adına hərbi lisey bitirib.
• 1980-ci ildə Bakı Ali Ümumqoşun Komandirlər Məktəbini bitirib.
• 1986–1987-ci illərdə SSRİ Silahlı Qüvvələrinin Baş Qərargahının Akademik idarəetmə kurslarını bitirib.
• 1980–1985-ci illərdə Almaniyada yerləşən Sovet Ordusu sıralarında xidmət etmişdir.
• 1985–1993-cü illərdə SSRİ Müdafiə Nazirliyinin Sibir Hərbi Dairəsinin Altay Hərbi Komissarlığında çalışmışdır.
• 1993–2003-cü illərdə Azərbaycan Respublikası Milli Təhlükəsizlik Nazirliyinin Sərhəd Qoşunları Baş İdarəsində xidmət etmiş, daha sonra Dövlət Sərhəd Xidmətinin Beynəlxalq Əlaqələr İdarəsinin rəisi vəzifəsinə irəli çəkilmişdir.
• 2003–2013-cü illərdə Azərbaycan Respublikası Daxili İşlər Nazirinin müavini — Daxili Qoşunların Komandanı vəzifəsində çalışmışdır.
• 22 oktyabr 2013-cü ildə Azərbaycan Respublikasının Müdafiə naziri təyin edilib.

Ailəlidir, 3 övladı var.

Ali hərbi rütbələri

• General-mayor (Azərbaycan Respublikası Prezidentinin 17 may 2003-cü il tarixli 869 nömrəli Fərmanı ilə).
• General-leytenant (Azərbaycan Respublikası Prezidentinin 6 may 2005-ci il tarixli 802 nömrəli Sərəncamı ilə).
• General-polkovnik (22 oktyabr 2013-cü ildə Azərbaycan Respublikasının Müdafiə naziri təyin edilmiş və general-polkovnik rütbəsi verilmişdir).

Təltifləri

• "Zəfər" ordeni (9 dekabr 2020)^[1]
• "Azərbaycan Bayrağı" ordeni (19 aprel 2016)
• "Azərbaycan Bayrağı" ordeni (30 iyun 2004)
• 1-ci dərəcəli "Rəşadət" ordeni (25 iyun 2018)
• "Şöhrət" ordeni (Azərbaycan) (5 iyun 2019)
• "Vətən uğrunda" medalı (11 mart 2008)
• "Hərbi xidmətlərə görə" medalı (16 avqust 2002)
• "Sərhəddə fərqlənməyə görə" medalı (15 dekabr 1998)
• "Hərbi xidmətdə fərqlənməyə görə" 1-ci dərəcəli medalı
• "Hərbi xidmətdə fərqlənməyə görə" 2-ci dərəcəli medalı
• "Hərbi xidmətdə fərqlənməyə görə" 3-cü dərəcəli medalı
• "Azərbaycan Silahlı Qüvvələri Veteranı" medalı
• "Qüsursuz xidmətə görə" 1-ci dərəcəli medalı
• "Qüsursuz xidmətə görə" 2-ci dərəcəli medalı
• "Qüsursuz xidmətə görə" 3-cü dərəcəli medalı
• "Azərbaycan Respublikası Silahlı Qüvvələrinin 10 illiyi (1991–2001)" yubiley medalı
• "Azərbaycan Respublikası Silahlı Qüvvələrinin 90 illiyi (1918–2008)" yubiley medalı
• "Azərbaycan Respublikası Silahlı Qüvvələrinin 95 illiyi (1918–2013)" yubiley medalı
• "Azərbaycan Ordusunun 100 illiyi (1918–2018)" yubiley medalı
• "Azərbaycan Polisinin 90 illiyi (1918–2008)" yubiley medalı
• "Azərbaycan Polisinin 95 illiyi (1918–2013)" yubiley medalı
• "Azərbaycan Polisinin 100 illiyi (1918–2018)" yubiley medalı
• "Azərbaycan Sərhəd Mühafizəsinin 90 illiyi (1919–2009)" yubiley medalı
• "Azərbaycan Sərhəd Mühafizəsinin 95 illiyi (1919–2014)" yubiley medalı
• "Azərbaycan Sərhəd Mühafizəsinin 100 illiyi (1919–2019)" yubiley medalı
• "Qarabağ" ordeni (7 noyabr 2023)^[2]

İstinadlar

1. "Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı" (az.). president.az. 2021-01-24 tarixində arxivləşdirilib. İstifadə tarixi: 09-12-2020.
2. "Azərbaycan Respublikası Silahlı Qüvvələri hərbi qulluqçularının və Daxili İşlər Nazirliyi əməkdaşlarının təltif edilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı) ( (az.)). 07.11.2023. 2023-11-07 tarixində arxivləşdirilib. İstifadə tarixi: 07.11.2023.

Xarici keçidlər