Uzunbucaq

Uzunbucaq qoruğu (bolq. Узунбоджак) — Bolqarıstanın cənub-şərqindəki Stranca Təbiət Parkındakı beş qoruqdan biri olan UNESCO Biosfer Qoruğu. Qoruğu bəzən Lopuşna^[1] da adlandırırlar. Uzunbucaq 13 dekabr 1956-cı ildə təsis edilmiş və 1977-ci ilin martında YUNESKO-nun Biosfer Qoruğu Şəbəkəsinə daxil edilmişdir^[2]. Qoruq sahəsi 2529,6 hektardır (25.296 km²). Onun ərazisində bütün iqtisadi fəaliyyət növləri qadağandırи^[3].

Uzunbucaq qoruğu
bolq. Узунбоджак
Sahəsi	25,296 km²
Yaradılma tarixi	13.12.1956
Yerləşməsi
41°58′34″ şm. e. 27°48′06″ ş. u.HGYO
Ölkə	Bolqarıstan
dagzapoved.ru
Uzunbucaq qoruğu
Vikianbarda əlaqəli mediafayllar

Coğrafiya

Qoruq Sarevo ucmasına daxil olan Kostya kəndi ilə Malko Tarnovo icmasına Slivarovo kəndi arasında yerləşir. Rezovsk çay vadisində, mənsəbdən təxminən 20 km məsafədə yerləşir. Relyef qeyri-bərabərdir. Burada vadinin eni 50 ilə 300 m arasında dəyişir.

İqlimi Qara dənizin yaxınlığına görə mülayim Aralıq dənizidir. Qışda orta aylıq temperatur 0 ° C-dən aşağı deyil (yanvar ayında 2-3 ° C). Torpaqları qəhvəyidir.

Flora

Parkda damarlı bitkilərinin 651 növü yayılmışdır. Meşələrin 65% -i palıd, 30% -i isə fıstıqdır. Meşələrin yaşı 200-dən yuxarıdır^[3].

Relik bitki növlərinə Quercus hartwissiana, Laurocerasus officinalis, Rhododendron ponticum, Daphne pontica, Ilex colchica, Hypericum calycinum, Vaccinium arctostaphylos, Pyrus elaeagrifolia, Mespilus germanica, Fritillaria pontica və s. daxildir.

Fauna

Uzunbucağın faunası rəngarəngdir. Ən çox rast gəlinən məməlilər: çöldonuzu, çöl pişiyi, canavar, adi çaqqal, adi tülkü, porsuq, Avropa cüyürü, boz dovşan. Adi başaq 1930-cu illərə qədər qoruqda yaşayırdı sonradan isə yoxa çıxmışdır.

Quş növləri: adi sar, çöl sarı, kiçik xallı qartal, bildirçinçalan, adi balıqçıl, xallı qaratoyuq, baltadimdik, qara leylək və s.

Suda-quruda yaşayanlar və sürünənlər arasında adi quru qurbağası, göl qurbağası, çevik qurbağa, həmçinin yaşıl kərtənkələ, cılız koramal, adi qonurilan, Xəzər təlxəsi, kərtənkələyəbənzər ilan və bəbirəbənzər sürünən təlxəyə rast gəlmək mümkündür.

Mənbə

• "Official Site of the Ministry of Environment and Water of Bulgaria". İstifadə tarixi: 19 June 2016.
• "Strandzha Nature Park". Official Site of Strandzha Nature Park. 18 February 2013 tarixində orijinalından arxivləşdirilib. İstifadə tarixi: 19 June 2016.
• "Uzunbodzhak Biosphere Reserve". Official Site of UNESCO. İstifadə tarixi: 19 June 2016.

İstinadlar

1. "Strandzha Nature Park: Nature Reserves". Official Site of Strandzha Nature Park. 9 August 2016 tarixində arxivləşdirilib. İstifadə tarixi: 19 June 2016.
2. "Register of the Protected Territories and Zones in Bulgaria". Official Site of the Executive Environment Agency of Bulgaria. 5 March 2016 tarixində arxivləşdirilib. İstifadə tarixi: 19 June 2016.
3. "Uzunbodzhak Biosphere Reserve". Official Site of UNESCO. 2 February 2016 tarixində arxivləşdirilib. İstifadə tarixi: 19 June 2016.