Azərbaycan güləşçisi From Wikipedia, the free encyclopedia
Toğrul Şəhriyar oğlu Əsgərov (17 sentyabr 1992, Gəncə) – Azərbaycanı təmsil edən sərbəst güləşçi. 2008-ci ildən Azərbaycan yığmasının heyətində çıxış edən Toğrul Əsgərov, 2012-ci ildə Birləşmiş Krallıqın London şəhərində baş tutan XXX Yay Olimpiya Oyunlarında qızıl medala, 2016-cı ildə Braziliyanın Rio-de-Janeyro şəhərində baş tutan XXXI Yay Olimpiya Oyunlarında isə gümüş medala sahib olub.[1] 2015-ci ildə I Avropa Oyunlarının da qızıl medalını qazanan Toğrul Əsgərov, Avropa Çempionatlarında bir dəfə – 2012-ci ildə qalib olub.[1] Dünya Çempionatlarında isə Toğrul Əsgərov 2010-cu ildə gümüş medala sahib olub.[1] Toğrul Əsgərov Olimpiya Oyunlarının qalibi olan ən gənc Azərbaycan idmançısıdır (19 il, 10 ay, 25 gün).
| Toğrul Əsgərov | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) Toğrul Əsgərov 2016-cı ildə Braziliyanın Rio-de-Janeyro şəhərində baş tutan XXXI Yay Olimpiya Oyunlarının gümüş medalına sahib olanda (22 avqust 2016-cı il) | ||||||||||||||||||||||||||||||||
| Şəxsi məlumatlar | ||||||||||||||||||||||||||||||||
| Tam adı | Toğrul Şəhriyar oğlu Əsgərov | |||||||||||||||||||||||||||||||
| Vətəndaşlığı |
 Azərbaycan |
|||||||||||||||||||||||||||||||
| Doğum tarixi | 17 sentyabr 1992 (32 yaş) | |||||||||||||||||||||||||||||||
| Doğum yeri | ||||||||||||||||||||||||||||||||
| Boyu | 170 sm. (5 ft 7 in) | |||||||||||||||||||||||||||||||
| İdman növü | Güləş | |||||||||||||||||||||||||||||||
| Karyera illəri | 2005—2019 | |||||||||||||||||||||||||||||||
| Məşqçisi | Elçin Zeynalov | |||||||||||||||||||||||||||||||
| Komandası | Təhsil İdman Klubu | |||||||||||||||||||||||||||||||
|
Medallar
|
||||||||||||||||||||||||||||||||
 Vikianbarda əlaqəli mediafayllar | ||||||||||||||||||||||||||||||||
Toğrul Əsgərov Azərbaycan idmanında xidmətlərinə görə Azərbaycan Prezidenti İlham Əliyevin 31 avqust 2012-ci il tarixli Sərəncamına əsasən "Şöhrət" ordeni ilə[2], 29 iyun 2015-ci il tarixli Sərəncamına əsasən 1-ci dərəcəli "Vətənə xidmətə görə" ordeni ilə[3], 1 sentyabr 2016-cı il tarixli Sərəncamına əsasən 2-ci dərəcəli "Vətənə xidmətə görə" ordeni ilə təltif edilib.[4]
Toğrul Əsgərov 1992-ci il sentyabrın 17-də Gəncə şəhərində anadan olub.[1][5] Əvvəl cüdo ilə məşğul olub.[5] 2005-ci ildən isə "Təhsil" İdman Klubunda məşqçi Elçin Zeynalovun rəhbərliyi altında güləş idman növü ilə məşğul olan Toğrul Əsgərov, 1998–2009-cu illərdə Gəncə şəhərində 7 nömrəli tam orta məktəbdə, 2009–2013-cü illərdə isə Azərbaycan Dövlət Bədən Tərbiyəsi və İdman Akademiyasında (ADBTİA) təhsil alıb.[5]
Toğrul Əsgərov 2007-ci ilin aprelində sərbəst güləş üzrə Gəncə Çempionatının qızıl medalına sahibi oldu.[6] 2008-ci ilin yanvarında isə o, yeniyetmələr arasında beynəlxalq turnirin qalibi oldu.[7]
Toğrul Əsgərovun beynəlxalq səviyyədə birinci nüfuzlu turniri 2008-ci ildə Latviyanın Dauqavpils şəhərinin ev sahibliyində baş tutan yeniyetmələr arasında Avropa Çempionatı oldu.[8] Toğrul Əsgərov yeniyetmələr arasında Avropa Çempionatının 1/8 final mərhələsində Ermənistan nümayəndəsi Qari Xamoyana 2:0 (8:0, 4:0), 1/4 final mərhələsində Polşa nümayəndəsi Patris Dvorziça 2:0 (6:0, 4:0), 1/2 final mərhələsində isə Türkiyə nümayəndəsi Özbəxan Güçlüya 2:0 (8:1, 4:1) hesabı ilə qalib gəldi və final görüşünə vəsiqə qazandı.[8] Həlledici görüşündə isə Toğrul Əsgərov Gürcüstan nümayəndəsi Zurabi Yaqubişvilini 2:0 (6:0, 8:1) hesabı ilə məğlub elədi və yeniyetmələr arasında Avropa Çempionatının qızıl medalına sahib oldu.[8]
2009-cu ilin mayında Toğrul Əsgərov İzmir şəhərində baş tutan yeniyetmələr arasında beynəlxalq turnirdə mübarizə apardı.[9] Turnirin final görüşündə o, Gürcüstan nümayəndəsi Zurabi Yaqubişvilini məğlub elədi və turnirin qalibi oldu.[9][10]
Toğrul Əsgərov beynəlxalq səviyyədə növbəti qızıl medalına da yeniyetmələr arasında Avropa Çempionatında sahib oldu.[11] Toğrul Əsgərov 2009-cu ilin iyulunda Serbiyanın Zrenyanin şəhərində baş tutan yeniyetmələr arasında Avropa Çempionatının 1/8 final mərhələsində İsrail nümayəndəsi Beniamin İsaqovu 2:0, 1/4 final mərhələsində Moldova nümayəndəsi Maxim Perpelitanı 2:0, 1/2 final mərhələsində isə ötən il baş tutan yeniyetmələr arasında Avropa Çempionatının final görüşündə qalib gəldiyi Gürcüstan nümayəndəsi Zurabi Yaqubişvilini 2:0 hesabı ilə məğlub elədi və növbəti dəfə turnirin final görüşünə vəsiqə qazandı.[11] Həlledici görüşündə isə Toğrul Əsgərov Rusiya nümayəndəsi Həbib Batirova 2:0 hesabı ilə qalib gəldi və növbəti dəfə yeniyetmələr arasında Avropa Çempionatının qızıl medalına sahib oldu.[11]
Yeniyetmələr arasında Avropa çempionluğundan sonra Toğrul Əsgərov, Azərbaycanın Milli Qəhrəmanı, güləş məşqçisi Əliyar Əliyevin xatirəsinə həsr olunan gənclər arasında turnirin də qalibi oldu.[12] 2009-cu ilin noyabrında isə o, şəhər çempionatının qızıl medalına sahib oldu.[13]
Toğrul Əsgərov 2010-cu ildə gənclər arasında Avropa Çempionatında mübarizə apardı.[14] Toğrul Əsgərov 28 iyun-4 iyulda Bolqarıstanın ev sahibliyində baş tutan gənclər arasında Avropa Çempionatının 1/8 final mərhələsində Yunanıstan nümayəndəsi İlyas Rzayevi 2:0 (6:0, 6:0), 1/4 final mərhələsində Bolqaırtan nümayəndəsi Krum Çuçurovu 2:0 (8:0, 6:0), 1/2 final mərhələsində isə Ukrayna nümayəndəsi İqor Xavalcini məğlub elədi və turnirin final görüşünə vəsiqə qazandı. Həlledici görüşündə isə Toğrul Əsgərov 2008-ci ildə yeniyetmələr və gənclər arasında Avropa Çempionatının qalibi olan Gürcüstan nümayəndəsi Vladimir Xinçeqaşvili ilə üz-üzə gəldi. Görüşün birinci hissəsində Xinçeqaşvili 5:4, növbəti hissəsində isə Əsgərov 8:2 hesabı ilə qalib gəldi. Gərgin idman mübarizəsi şəraitində baş tutan üçüncü hissədə isə Toğrul Əsgərov rəqibinə 4:1 hesabı ilə qalib gəldi və gənclər arasında Avropa Çempionatının qızıl medalına sahib oldu.[14]
Daha sonra Toğrul Əsgərov Macarıstanın Budapeşt şəhərində baş tutan yeniyetmələr arasında Dünya Çempionatında mübarizə apardı.[15] Toğrul Əsgərov 1/16 final mərhələsində Misir nümayəndəsi İbrahim Fərəh Abdelhahimi 2:0, 1/8 final mərhələsində Kanada nümayəndəsi Yahob Hergenheini 2:0, 1/4 final mərhələsində isə Yaponiya nümayəndəsi Kyohei Yagonu 2:0 hesabı ilə məğlub elədi və turnirin yarım-final mərhələsinə adladı. Bu mərhələdə Toğrul Əsgərov ötən il baş tutan yeniyetmələr arasında Dünya Çempionatının bürünc medalçısı Özbəkistan nümayəndəsi Nodiryon Səfərov ilə üz-üzə gəldi və rəqibinə 2:0 hesabı ilə qalib gəldi. Bununla da o, final görüşünə vəsiqə qazandı. Həlledici görüşdə isə Toğrul Əsgərov iyunda baş tutan yeniyetmələr arasında Avropa Çempionatının final görüşündə qalib gəldiyi Gürcüstan nümayəndəsi Vladimir Xinçeqaşvili ilə üz-üzə gəldi.[15] Bu səfərdə görüş gərgin idman mübarizəsi şəraitində baş tutdu. Görüşün birinci hissəsində Xinçeqaşvili 1:1, növbəti hissəsində isə Əsgərov 4:1 hesabı ilə qalib gəldi. Üçüncü hissədə isə Vladimir Xinçeqaşvili 4:2 hesabı ilə qalib gəldi və yeniyetmələr arasında Dünya Çempionatının qalibi oldu.[15] Karyerası ərzində birinci dəfə məğlub olan Toğrul Əsgərov isə yeniyetmələr arasında Dünya Çempionatının gümüş medalına sahib oldu.[15]
Üç il ərzində 2 dəfə gənclər arasında Avropa Çempionatının qızıl medalına, bir dəfə isə yeniyetmələr arasında Dünya Çempionatının gümüş medalına sahib olan Toğrul Əsgərov, sərbəst güləş üzrə Azərbaycanın əsas yığmasına dəvət olundu və 6–12 sentyabrda Rusiyada baş tutan Dünya Çempionatında mübarizə apardı.[16] Toğrul Əsgərov Dünya Çempionatının 1/16 final mərhələsində Kamerun nümayəndəsi Henri Mohi Ndiveni 2:0 (6:0, 8:0), 1/8 final mərhələsində Monqolustan nümayəndəsi Bayaraagiin Naranbaatarı 2:0 (4:2, 4:0), 1/4 final mərhələsində isə Belarus nümayəndəsi Rizvan Hacıyevi 2:0 (4:0, 5:0) hesabı ilə məğlub elədi və turnirin yarım-final mərhələsinə adladı.[17] Bu mərhələdə o, Yaponiya nümayəndəsi Yasuhiro İnaba ilə üz-üzə gəldi.[17] Görüş gərgin idman mübarizəsi şəraitində baş tutdu.[17] Görüşün birinci hissəsində Əsgərov 6:0, növbəti hissəsində isə İnaba 1:1 hesabı ilə qalib gəldi.[17] Üçüncü hissədə isə Toğrul Əsgərov 2:1 hesabı ilə qalib gəldi və gərgin idman mübarizəsi şəraitində baş tutan görüşdə Yasuhiro İnabaya qalib gəldi.[17] Bununlada o, Dünya Çemionatının final görüşünə vəsiqə qazandı.[17] Final görüşündə isə Toğrul Əsgərov Rusiya nümayəndəsi Vihtor Lebedev ilə üz-üzə gəldi.[17] Bu görüşdə gərgin idman mübarizəsi şəraitində baş tutdu.[17] Birinci hissədə Lebedev 1:0, növbəti hissədə isə Əsgərov 4:0 hesabı ilə qalib gəldi və görüşün qalibi üçüncü hissədə məlum oldu.[17] Həlledici hissədə də qalib gələn güləşçi Lebedev oldu.[17] Bu səfərdə 1:0 hesabı ilə qalib gələn Lebedev, Dünya Çempionatının qalibi oldu.[17] 7 gün sonra 18 yaşı tamam olan Toğrul Əsgərov isə debüt Dünya Çempionatında gümüş medalın sahibi oldu (Toğrul Əsgərov Dünya Çempionatında 10 sentyabrda mübarizə apardı).[5][17][18][19]
Dünya Çempionatından sonra Toğrul Əsgərova noyabrda Fransada baş tutan beynəlxalq turnirdə mübarizə apardı və final görüşündə məğlub olaraq turnirin gümüş medalına sahib oldu.[20][21]
Toğrul Əsgərov 2011-ci ilin 10–14 fevralda İstanbul şəhərində baş tutan Yaşar Doğunun xatirəsinə həsr olunan beynəlxalq turnirdə mübarizə apardı.[22] Nəticələrə əsasən o, turnirin bürünc medalına sahib oldu.[23]
Toğrul Əsgərov 2011-ci ilin martında Avropa Çempionatlarında debüt elədi.[24][25] Toğrul Əsgərov Almaniyanın Dortmund şəhərinin ev sahibliyində baş tutan Avropa Çempionatının 1/16 final mərhələsində Ukrayna nümayəndəsi Vasil Fedorişin ilə üz-üzə gəldi və rəqibinə 0:2 hesabı ilə məğlub oldu. Bununla da Toğrul Əsgərov Avropa Çempionatında 22 idmançı sırasında 14-cü pillənin sahibi oldu.[26]
Avropa Çempionatından sonra Toğrul Əsgərov apreldə Azərbaycan Güləş Federasiyasının (AGF) Kuboku uğrunda mübarizə apardı və turnirdə bütün rəqibləri üzərində qələbə qazanaraq qızıl medalın sahibi oldu.[27]
Mayda isə Toğrul Əsgərov Almaniyada baş tutan gənclər arasında Komandalararası Dünya Kuboku turnirində mübarizə apardı.[28][29] Nəticələrə əsasən Azərbaycan yığması turnirin qalibi oldu.[1]
Daha sonra Toğrul Əsgərov 8–10 iyulda baş tutan Heydər Əliyevin xatirəsinə həsr olunan Qızıl Qran-Pri beynəlxalq turnirində mübarizə apardı.[30][31][32] 1/8 final mərhələsində Gürcüstan nümayəndəsi Malxaz Zarxuaya 2:0 hesabı ilə qalib gələn Toğrul Əsgərov, 1/4 final mərhələsində Azərbaycan nümayəndəsi Ağahüseyn Mustafayeva 1:2 hesabı ilə məğlub oldu. Ağahüseyn Mustafayev final görüşünə vəsiqə qazandığına görə isə Toğrul Əsgərov bürünc medal uğrunda təsəlliverici qrupda mübarizə apardı. Toğrul Əsgərov təsəlliverici qrupun birinci görüşdə Bolqarıstan nümayəndəsi Radoslav Velihovu 2:1, bürünc medal uğrunda görüşdə isə Gürcüstan nümayəndəsi Beha Lomtadzeni 2:1 hesabı ilə məğlub elədi və Qızıl Qran-Pri beynəlxalq turnirin bürünc medalına sahib oldu.
Daha sonra Toğrul Əsgərov Rumıniyanın Buxarest şəhərində baş tutan yeniyetmələr arasında Dünya Çempionatında mübarizə apardı. Ötən il baş tutan Dünya Çempionatının gümüş medalına sahib olan Toğrul Əsgərov, bu səfər qızıl medala sahib olmağa iddialı idi. Toğrul Əsgərov 1/16 final mərhələsində Ermənistan nümayəndəsi Volodya Franqulyanı 2:0, 1/8 final mərhələsində Özbəkistan nümayəndəsi Maruf Nurillayevi 2:0, 1/4 final mərhələsində Rusiya nümayəndəsi Murşid Mütəllimovu 2:1, 1/2 final mərhələsində isə Türkiyə nümayəndəsi Ömər Uzanı 2:1 hesabı ilə məğlub elədi və növbəti dəfə yeniyetmələr arasında Dünya Çempionatının final görüşünə vəsiqə qazandı. Final görüşündə isə onun rəqibi ABŞ nümayəndəsi Logan Jefferi Stieber oldu. Toğrul Əsgərov həmin görüşün birinci hissədə 1:1, növbəti hissədə isə 6:4 hesabı ilə qalib gəldi və yeniyetmələr arasında Dünya Çempionatının qızıl medalına sahib oldu.[33][34]
Toğrul Əsgərov yeniyetmələr arasında Dünya Çempionatının qalibi olsa da, 12–18 sentyabrda İstanbul şəhərinin ev sahibliyində baş tutan Dünya Çempionatında mübarizə aparmadı. Sərbəst güləş üzrə Azərbaycan yığmasının məşqçiləri onun əvəzinə Zəlimxan Hüseynovun Dünya Çempionatında mübarizə aparmasını məqsədəuyğun hesab elədi. 2012-ci ildə London şəhərində baş tutacaq XXX Yay Olimpiya Oyunlarına lisenziya verən Dünya Çempionatında, Zəlimxan Hüseynov yeddinci pillənin sahibi oldu və London Olimpiadasına vəsiqə qazana bilmədi.
Toğrul Əsgərov isə 11–14 noyabrda Rusiyada baş tutan Komandalararası Alrosa Cup beynəlxalq turnirində mübarizə apardı.[35] Turnirin final görüşündə Rusiya yığmasına məğlub olan Azərbaycan güləşçiləri, turniri gümüş medalla başa vurdu.[36]
Toğrul Əsgərov 2011-ci ilin sonlarında Azərbaycan Çempionatında çıxış elədi və final görüşündə Ağahüseyn Mustafayev üzərində qələbə qazanaraq turnirin qalibi oldu.[37]
Toğrul Əsgərov 2012-ci ilin fevralında baş tutan Yaşar Doğunun xatirəsinə həsr olunan beynəlxalq turnirdə mübarizə apardı və birinci görüşündəcə məğlub olaraq 33 idmançı sırasında 28-ci pillənin sahibi oldu.[38]
Daha sonra Toğrul Əsgərov 8–11 martda Serbiyanın Belqrad şəhərinin ev sahibliyində baş tutan Avropa Çempionatında mübarizə apardı.[39][40] Toğrul Əsgərov 1/8 final mərhələsində Türkiyə nümayəndəsi Munir Rəcəb Ağdaşı 2:1, 1/4 final mərhələsində Gürcüstan nümayəndəsi Malxaz Zarxuanı 2:0, 1/2 final mərhələsində isə Rumıniya nümayəndəsi George Bucuru 2:0 hesabı ilə məğlub elədi və Avropa Çempionatının final görüşünə vəsiqə qazandı.[41] Final görüşündə isə Toğrul Əsgərov Bolqarıstan nümayəndəsi Anatoli Guidea ilə üz-üzə gəldi.[41] Final görüşü gərgin idman mübarizəsi şəraitində baş tutdu.[41] Birinci hissədə Toğrul Əsgərov rəqibinə 5:0 hesabı ilə qalib gəldi.[41] Növbəti hissədə Toğrul Əsgərov 0:2 hesabı ilə irəlidə olsa da, sonda Anatoli Guidea 5:2 hesabı ilə qalib gəldi.[41] Üçüncü hissədə isə Toğrul Əsgərov rəqibinə 5:1 hesabı ilə qalib gəldi və 18 yaşında Avropa Çempionatının qızıl medalına sahib oldu.[41] Turnirdən sonra Toğrul Əsgərov əsas məqsədinin London Olimpiadası olduğunu bildirdi.[42]
Aprelin 20–22-də isə Bolqarıstanın Sofiya şəhərində London Olimpiadasına lisenziya verən Avropa Olimpiya Təsnifat Turniri baş tutdu. Reqlamanetə əsasən 1-ci və 2-ci pillələrin sahibi olan idmançılara London Olimpiadasına vəsiqə verildi. Sərbəst güləş üzrə Azərbaycan yığmasının məşqçiləri Avropa Çempionatının qalibi olan Toğrul Əsgərovun Avropa Olimpiya Təsnifat Turnirində mübarizə aparmasını məqsədəuyğun hesab elədi.[43][44] Toğrul Əsgərov birinci görüşdə Belarus nümayəndəsi Alexander Kontoyevi 2:0, növbəti görüşdə isə Almaniya nümayəndəsi Tim Şleyxeri 2:0 hesabı ilə məğlub elədi və turnirin yarım-final final mərhələsinə adladı.[45][46] Bu mərhələdə o, ötən il baş tutan Avropa Çempionatında məğlub olduğu Ukrayna nümayəndəsi Vasil Fedorişin ilə üz-üzə gəldi.[45] Bu səfər Toğrul Əsgərov rəqibinə 2:0 hesabı ilə qalib gəldi və final görüşünə vəsiqə qazandı.[45][47][48] London Olimpiadasına vəsiqəni təmin edən Toğrul Əsgərov, Avropa Olimpiya Təsnifat Turnirinin final görüşündə, martda Serbiyada baş tutan Avropa Çempionatının həlledici görüşündə qalib gəldiyi Bolqarıstan nümayəndəsi Anatoli Guidea ilə üz-üzə gəldi.[45][48] Bu səfər də Toğrul Əsgərov onu məğlub elədi (2:0) və Avropa Olimpiya Təsnifat Turnirinin qalibi oldu.[45][49] Qələbədən sonra Toğrul Əsgərov müsahibəsində olimpiadanın qızıl medalının taleyini Besix Kuduxovla görüşdə həll olunacağını bildirdi.[50]
Toğrul Əsgərov olimpiadaya hazırlıq məqdəsilə heç bir beynəlxalq turnirdə mübarizə aparmadı, mayda sərbəst güləş üzrə Azərbaycan yığması ilə birgə Qəbələdə təlim-məşq toplanışlarında oldu.[51]
XXX Yay Olimpiya Oyunları
.jpg)
2012-ci ilin 25 iyul-12 avqustuda Birləşmiş Krallığın London şəhərinin ev sahibliyində XXX Yay Olimpiya Oyunları baş tutdu.[52] London Olimpiadasında Toğrul Əsgərov favoritlərindən biri hesab olunmurdu. Bununla belə sərbəst güləş üzrə Azərbaycan yığmasının baş məşqçisi Saypulla Absaidov və məşqçisi Firdovsi Umudov ona etimad göstərdi. Toğrul Əsgərov 1/8 final mərhələsində Almaniya nümayəndəsi Tim Şleyxer ilə üz-üzə gəldi. Toğrul Əsgərov birinci hissədə 2:0, növbəti hissədə isə 8:1 hesabı ilə qalib gəldi və 1/4 final mərhələsinə adladı.[53] Bu mərhələdə o, 2008-ci il Olimpiadasının gümüş medalına sahib olan Yaponiya nümayəndəsi Keniçi Yumoto ilə üz-üzə gəldi.[53] Gərgin idman mübarizəsi şəraitində baş tutan görüşündə Toğrul Əsgərov qalib gəldi.[53] Toğrul Əsgərov birinci hissədə 1:0, növbəti hissədə isə 2:2 hesabı ilə qalib gəldi və London Olimpiadasında yarım-final mərhələsinə adladı.[53] Bu mərhələdə isə o, ABŞ nümayəndəsi Koleman Scott ilə üz-üzə gəldi.[53] Görüşün birinci hissəsində həm Əsgərov, həm Scott fəal mübarizə apardı, nəticədə Toğrul Əsgərov 1:0 hesabı ilə qalib gəldi.[53] Görüşün növbəti hissəsinin əvvəllərində Toğrul Əsgərov, Koleman Scottdan bir bal aldı və hesabı 1:0 elədi.[53] Hissənin növbəti dəqiqələrində isə Toğrul Əsgərov rəqibinə fənd tətbiq elədi və hesabı 4:0 elədi (tətbiq edilən fəndə görə 2 bal, məşqçilərin etirazının qəbul olunmamasına görə isə 1 bal).[53] Bununla da Toğrul Əsgərov Koleman Scottu gərgin idman mübarizəsi şəraitində baş tutan görüşdə 2:0 (1:0, 4:0) hesabı ilə məğlub elədi və London Olimpiadasının final görüşünə vəsiqə qazandı.[53][54] Final görüşündə Toğrul Əsgərov 2008-ci il Olimpiadasının bürünc medalına sahib olan, dörd dəfə Dünya Çempionatının, bir dəfə isə Avropa Çempionatının qalibi olan Rusiya nümayəndəsi Besix Kuduxov ilə üz-üzə gəldi.[53][55] Final görüşünün əsas favoriti Rusiya nümayəndəsi Besix Kuduxov hesab olunurdu, amma gənc Toğrul Əsgərovun gözlənilmədən qalib gəlməsidə real idi.[53] Görüşün birinci hissəsində həm Toğrul Əsgərov, həm Besix Kuduxov fəal güləşdi.[53] Görüşün 50-ci saniyəsində Toğrul Əsgərov rəqibinə fənd tətbiq elədi və hesabı 1:0 elədi.[53] Görüşün 1:20-ci dəqiqəsində Əsgərov, Kuduxovun ayağını tutsa da, fənd tətbiq edə bilmədi və birinci hissədə Toğrul Əsgərov 1:0 hesabı ilə qalib gəldi.[53] Görüşün növbəti hissəsinin 10-cu saniyəsindəcə Toğrul Əsgərov rəqibinə fənd tətbiq elədi.[53] Bununla da Toğrul Əsgərov hissənin 14-cü saniyəsindəcə hesabı 3:0 elədi.[53] Daha sonra isə Besix Kuduxov Toğrul Əsgərova dəfələrlə fənd tətbiq eləməyə cəhd eləsə də, onun bu cəhdləri uğusuz alındı.[53] Daha sonra hissənin 40-cı saniyəsində Toğrul Əsgərov rəqibinin ayağını tutdu və onu döşəmədən çıxardı.[53] Bununla da Toğrul Əsgərov hesabı 4:0 elədi.[53] Görüşün başa çatmasına 10 saniyə qala isə Toğrul Əsgərov rəqibinə daha bir fənd tətbiq elədi və hesabı 5:0 elədi.[53] Bu minvallada 19 yaşı olan Toğrul Əsgərov Rusiya nümayəndəsi, Dünya Çempionatlarının 4 dəfə qalibi olan Besix Kuduxovu 2:0 (1:0, 5:0) hesabı ilə məğlub elədi və XXX Yay Olimpiya Oyunlarının qızıl medalına sahib oldu.[53][56] Azərbaycanın idman tarixinin ən gənc (19 il, 10 ay, 25 gün) Olimpiya çempionu olan Toğrul Əsgərov, həm də Azərbaycan Milli Olimpiya Komandasına London Olimpiadasında birinci qızıl medalı qazandıran idmançı oldu.[57][58] Toğrul Əsgərov təltifetmə mərasimindən sonra müsahibəsində bunları bildirdi: "Xatırlayırsınızsa, mən Sofiyada olimpiya təsnifat turnirinin qalibi olanda bir söz demişdim – olimpiya qızılının taleyi Kuduxovla görüşdə həll olunacaq. Sözün düzü mən belə nəticə gözləmirdim. Final görüşünə ciddi hazırlamışdım. Ancaq və ancaq qələbə haqqında düşünürdüm".[59] Olimpiadadan sonra isə o, müsahibəsində "əsas məqsədinin dörd il sonra Rio-de-Janeyroda da olimpiya çempionu olmaq" olduğunu bildirdi.[60]
Toğrul Əsgərov XXX Yay Olimpiya Oyunlarının bağlanış mərasimində Azərbaycan bayrağını apardı.[61]
XXX Yay Olimpiya Oyunlarından sonra Toğrul Əsgərov Azərbaycan Prezidenti İlham Əliyevin 31 avqust 2012-ci il tarixli 2399 nömrəli Sərəncamına əsasən XXX Yay Olimpiya Oyunlarında qazandığı uğuruna görə "Şöhrət" ordeni ilə təltif edildi.
2012-ci ilin nəticələrinə əsasən Toğrul Əsgərov Azerisport.com idman portalının versiyasına görə ilin idmançısı, Azərbaycan Güləş Federasiyası (AGF) tərəfindən ilin sərbəst güləşçisi, Gənclər və İdman Nazirliyinin versiyasına görə isə ilin ən yaxşı on idmançısından biri seçildi.[62][63][64]
London Olimpiadasından sonra Toğrul Əsgərov mədəsində problemlər yarandı və o, uzun müddət İstanbul şəhərində müalicə aldı.[65][66] Səhhətində yaranan problemlərə görə Toğrul Əsgərov 2013-cü ildə Gürcüstanda baş tutan Avropa Çempionatında və Macarıstanda baş tutan Dünya Çempionatında mübarizə apara bilmədi. Toğrul Əsgərov 2014-cü ildə məşqlərini bərpa elədi.
Uzun müddətdən sonra 2014-cü ilin yanvarında məşqlərini bərpa edən Toğrul Əsgərovun London Olimpiadasından sonra birinci turniri Bolqarıstanda baş tutan Dan Kolov & Niholava Petrov beynəlxalq turniri olmalı idi.[67] Amma Toğrul Əsgərov babasın vəfatına görə həmin turnirdə mübarizə apara bilmədi.[68] Nəhayət Toğrul Əsgərovun birinci turniri 2014-cü ilin aprelində Finlandiyanın Vantaa şəhərinin ev sahibliyində baş tutan Avropa Çempionatı oldu.[69][70][71]
Toğrul Əsgərov Avropa Çempionatının 1/8 final mərhələsində Bolqarıstan nümayəndəsi Borislav Nocaçhov ilə üz-üzə gəldi.[72][73] Gərgin idman mübarizəsi şəraitində baş tutan görüşdə Toğrul Əsgərov rəqibinə 5:14 hesabı ilə məğlub oldu.[73][74] Avropa Çempionatını 20 idmançı sırasında 12-ci pillədə başa vuran Toğrul Əsgərov, birinci görüşdəcə məğlub olmasının səbəbini mədəsində olan problemlərlə, 20 ay turnirlərdə mübarizə aparmaması və Avropa Çempionatından əvvəl babasının vəfatı ilə əlaqələndirdi.[75] Daha sonra Toğrul Əsgərov 2014-cü il ərzində turnirlərdə mübarizə aparmadı və əvvəl sahib olduğu idman formasının bərpa olunması üçün məşqlərini davam elədi.
2015-ci ilin əsas turniri iyunda baş tutacaq Avropa Oyunları və sentyabrda baş tutacaq Dünya Çempionatı idi. Toğrul Əsgərov uzun müddətdən sonra Azərbaycan yığmasının "bir nömrəsi" olmaq üçün məşqlərini davam elədi.[76] Toğrul Əsgərovun birinci turniri yanvarda Fransanın Paris şəhərində baş tutan Paris Qran-Prisi oldu.[77] Nəticədə o, birinci görüşdəcə məğlun oldu və turniri 8-ci pillədə başa vurdu.[78]
Toğrul Əsgərovun növbəti turniri 6–8 martda Belarusda baş tutan Alexander Medvedin xatirəsinə həsr olunan beynəlxalq turnir oldu.[79] Toğrul Əsgərov 1/8 final mərhələsində ABŞ nümayəndəsi Sayler Sandersona qalib gəldi və 1/4 final mərhələsinə adladı.[80] Bu mərhələdə onun rəqibi Ukrayna nümayəndəsi Rüstəm Cəfəryan oldu.[80] Amma Toğrul Əsgərov zədəsinə görə həmin görüşdə mübarizə apara bilmədi və turnirdə mübarizəsini dayandırdı.[80][81]
Apreldə isə Toğrul Əsgərov Birləşmiş Ştatların Los-Anceles şəhərinin ev sahibliyində baş tutan sərbəst güləş üzrə Dünya Kubounda mübarizə aparacaq Azərbaycan yığmasının heyətində yer aldı.[82] Saypulla Absaidovun rəhbərliyi altında Azərbaycan yığması "A" qrupunda Belarus, İran və Türkiyə yığmaları ilə mübarizə apardı.[83] Azərbaycan yığması birinci görüşdə Türkiyə güləşçiləri ilə üz-üzə gəldi və 7:1 hesabı ilə inamlı qələbə qazandı.[84] Komandanın heyətində Toğrul Əsgərov Səfa Ağsoya 11:0 hesabı ilə qalib gəldi və qələbədə pay sahibi oldu.[84] Növbəti görüşdə Azərbaycan güləşçiləri Belarus yığması ilə qarşılaşdı.[84] Bu görüşdə də Azərbaycan yığması rəqibi üzərində 6:2 hesabı ilə inamlı qələbə qazandı.[84] Komandanın heyətində Toğrul Əsgərov Əzəmət Nuriya 6:2 hesabı ilə qalib gəldi və qələbədə pay sahibi oldu.[84] Qrup mərhələsinin sonuncu görüşündə Azərbaycan güləşçiləri İran yığması ilə üz-üzə gəldi.[85] Bu görüşdə İran yığması tam üstün nəticə göstərdi və Azərbaycan güləşçiləri üzərində 7:1 hesabı ilə inamlı qələbə qazandı.[85] Komandanın heyətində Toğrul Əsgərov gərgin idman mübarizəsi şəraitində baş tutan görüşdə Əhməd Məhəmmədiyə 10:14 hesabı ilə məğlub oldu.[85] Qrup mərhələsinin nəticələrinə əsasən İran yığması final görüşünə, Azərbaycan yığması üçün bürünc medal uğrunda görüşə vəsiqə qazandı.[85] Bürünc medal uğrunda görüşdə Azərbaycan yığması Rusiya güləşçiləri ilə üz-üzə gəldi.[85] Gərgin idman mübarizəsi şəraitində baş tutan görüş 4:4 hesabı ilə başa çatsa da, görüşlərdə toplanan hesablara əsasən Azərbaycan güləşçiləri qalib gəldi.[85] Komandanın heyətində bu səfər Toğrul Əsgərovun əvəzinə Məhəmməd Müslümov mübarizə apardı.[85] Bununla da Azərbaycan yığması sərbəst güləş üzrə Dünya Kubounun bürünc medalına sahib oldu.[85]
2015-ci ilin əsas turnirlərindən biri 12–28 iyunda Azərbaycanda baş tutan I Avropa Oyunları oldu.[86][87] Hələ iyunun 1-də Azərbaycan Güləş Federasiyasının (AGF) vitse-prezidenti Namiq Əliyev Toğrul Əsgərovun həmin turnirdə mübarizə aparacağını bildirmişdi.[88] Toğrul Əsgərov I Avropa Oyunlarında iyunun 17-də mübarizə apardı.[89] Toğrul Əsgərovun təsnifat mərhələsində rəqibi Rusiya nümayəndəsi İlyas Bəybulatov oldu.[90] Gərgin idman mübarizəsi şəraitində baş tutan görüşdə Toğrul Əsgərov rəqibinə 8:7 hesabı ilə qalib gəldi və turnirin 1/8 final mərhələsinə adladı.[90] Sonradan Toğrul Əsgərov müsahibəsində "bu görüşün finala bərabər görüş olduğunu" olduğunu bildirdi.[91] Bu mərhələdə onun rəqibi Moldova nümayəndəsi Mihai Sava oldu.[90] Həmin görüşdə Toğrul Əsgərov rəqibi üzərində vaxtından əvvəl 10:0 hesabı ilə qələbə qazandı və turnirin 1/4 final mərhələsinə adladı.[90] Bu mərhələdə isə onun rəqibi Fransa nümayəndəsi Maxime Fiqet oldu.[90] Bu görüşdə də Toğrul Əsgərov rəqibi üzərində vaxtından əvvəl 10:0 hesabı ilə qələbə qazandı və turnirin yarım-final mərhələsinə adladı.[90] Finala gedən yolda onun rəqibi Belarus nümayəndəsi Əzəmət Nuri oldu.[90] Gərgin idman mübarizəsi şəraitində baş tutan görüşdə Toğrul Əsgərov rəqibinə 8:2 hesabı ilə qalib gəldi və Avropa Oyunlarının final görüşünə vəsiqə qazandı.[90] Həlledici görüşdə isə onun rəqibi İtaliya nümayəndəsi Franx Çamizo oldu.[90] Final görüşünü Azərbaycan Prezidenti İlham Əliyev, birinci xanım Mehriban Əliyeva Heydər Əliyev adına İdman Arenasından canlı izlədi. Görüşün birinci saniyələrindəcə Toğrul Əsgərov rəqibinə fənd tətbiq eləməyə çalışsa da, görüşün 30-cu saniyəsində rəqib ona fənd tətbiq elədi və hesabı 0:2 elədi.[90] Bununla belə Toğrul Əsgərov inamlı mübarizəsinə davam elədi və görüşün 1:40-cı dəqiqəsində rəqibi üzərində təmiz qələbə qazandı.[90] Bununla da Toğrul Əsgərov I Avropa Oyunlarının qızıl medalına sahib oldu.[92] Təltifetmə mərasimi zamanı Toğrul Əsgərova qızıl medalı Azərbaycan Prezidenti İlham Əliyev təqdim elədi. Toğrul Əsgərov turnirdən sonra müsahibəsində bunları bildirdi: "Zədələrə görə olimpiadadan sonra 2 il ərzində heç bir turnirdə mübarizə apara bilməmişdim. Məşqlərimə davam elədim. Məşqçilər mənə inandı və bu gün çempion oldum".[91]
Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən I Avropa Oyunlarında qazandığı nailiyyətlərə və Azərbaycan idmanında xidmətlərinə görə Toğrul Şəhriyar oğlu Əsgərov 1-ci dərəcəli "Vətənə xidmətə görə" ordeni ilə təltif edildi.[93]
2015-ci ilin əsas turniri 6–12 sentyabrda Birləşmiş Ştatların Las-Veqas şəhərində baş tutan Dünya Çempionatı oldu.[94] Bu turnir 2016-cı ildə Rio-de-Janeyro şəhərində (Braziliya) baş tutacaq XXXI Yay Olimpiya Oyunlarına lisenziya verirdi.[95] Sentyabrın 10-da mübarizə aparan Toğrul Əsgərovun təsnifat mərhələsində rəqibi Qazaxıstan nümayəndəsi Sayatbəy Oyassov oldu.[96] Həmin görüşdə Toğrul Əsgərov rəqibinə 8:2 hesabı ilə qalib gəldi və turnirin 1/16 final mərhələsinə adladı.[96] Bu mərhələdə onun rəqibi Ermənistan nümayəndəsi David Səfəryan oldu.[96] Həmin görüşdə də Toğrul Əsgərov rəqibinə 8:2 hesabı ilə qalib gəldi və turnirin 1/8 final mərhələsinə adladı.[96] Bu mərhələdə isə onun rəqibi Gürcüstan nümayəndəsi Avtandil Kençadze oldu.[96] Üçüncü görüşündə də Toğrul Əsgərov rəqibinə qalib gəldi (10:2) və turnirin 1/4 final mərhələsinə adladı.[96] Bu mərhələdə onun rəqibi İtaliya nümayəndəsi Franx Çamizo oldu.[96] Əsgərov və Çamizo iyunda baş tutan I Avropa Oyunlarının final görüşndə üz-üzə gəlmişdi və həmin görüşdə Toğrul Əsgərov rəqibinə qalib gəlmişdi.[96] Gərgin idman mübarizəsi şəraitində baş tutan görüşdə referilərin qalmaqallı qərarları oldu.[96] Həmin görüşdə Toğrul Əsgərov rəqibinə 5:10 hesabı ilə məğlub olsa da, sərbəst güləş üzrə Azərbaycan yığmasının məşqçiləri Toğrul Əsgərov rəqibi üzərində təmiz qələbə qazandığını bildirdi.[96][97] Bundan sonra Azərbaycan Güləş Federasiyasının (AGF) vitse-prezidenti Namiq Əliyev Ümumdünya Güləş Birliyinə (UWW) bununla bağlı müraciət ünvanladı.[98] Sonradan isə Ümumdünya Güləş Birliyi tərəfindən işçi qrup yaradıldı və işçi qrup Toğrul Əsgərovun qələbə qazanmalı olduğunu bildirdi, görüşü idarə edən referilər isə cəzalandırıldı.[99] Rəqibi final görüşünə vəsiqə qazandığına görə Toğrul Əsgərov təsəlliverici qrupda mübarizə apardı.[96] Bu qrupun birinci görüşündə Polşa nümayəndəsi Məhəmmədmurad Hacıyeva 12:4 hesabı ilə qalib gələn Toğrul Əsgərov, bürünc medal uğrunda görüşə vəsiqə qazandı.[96] Bu görüşdə isə onun rəqibi İran nümayəndəsi Əhməd Məhəmmədi oldu.[96] Gərgin idman mübarizəsi şəraitində baş tutan görüşdə Toğrul Əsgərov rəqibinə 5:15 hesabı ilə məğlub oldu və Dünya Çempionatını beşinci pillədə başa vurdu.[96][100] Bununla da o, 2016-cı ildə Rio-de-Janeyro şəhərində (Braziliya) baş tutacaq XXXI Yay Olimpiya Oyunlarına lisenziyaya sahib oldu.[96][101]
Toğrul Əsgərov 206 Milli Olimpiya Komitəsini özündə birləşdirən Milli Olimpiya Komitələri Assosiasiyasının (ANOC) Birləşmiş Ştatların Vaşinqton şəhərində baş tutan Baş Assambleyasında 2015-ci ildə Avropada ilin atleti seçildi.[102]
Daha sonra isə Toğrul Əsgərov 26–30 noyabrda baş tutan Heydər Əliyevin xatirəsinə həsr olunan beynəlxalq turnirdə mübarizə apardı.[103][104] Gərgin idman mübarizəsi şəraitində baş tutan final görüşündə Toğrul Əsgərov Özbəkistan nümayəndəsi Bəyzod Abdurahmonova məğlub oldu (8:8) və turnirin gümüş medalına sahib oldu.[105][106]
2015-ci il ərzində Avropa Oyunlarının qalibi olan Toğrul Əsgərov, Gənclər və İdman Nazirliyinin versiyasına görə ilin ən yaxşı on idmançısından biri seçildi.[107][108]
2016-cı ilin əsas turniri avqustda Rio-de-Janeyro şəhərində (Braziliya) baş tutacaq XXXI Yay Olimpiya Oyunları idi. Toğrul Əsgərov martda baş tutan Avropa Çempionatında mübarizə aparmadı, əsas məqsədi olimpiadaya hazırlıq idi. Apreldə sərbəst güləş üzrə Azərbaycan yığması Göygöldə təlim-məşq toplanışlarında oldu.[109] Toğrul Əsgərov müsahibəsində əsas məqsədinin Rio-de-Janeyro Olimpiadasının qızıl medalı olduğunu bildirdi.[110]
Toğrul Əsgərov olimpiadadan əvvəl 2–4 iyulda Almaniyanın Dortmund şəhərində baş tutan Almaniya Qran-Prisində mübarizə apardı.[111] Turnirin final görüşndə ABŞ nümayəndəsi Franx Molinaroya qalib gələn Toğrul Əsgərov, Almaniya Qran-Prisinin qalibi oldu. Bundan sonra bütün diqqətlər olimpiada da oldu.[112]
XXXI Yay Olimpiya Oyunları
2016-cı ilin əsas turniri 5–22 avqustda Braziliyanın Rio-de-Janeyro şəhərində baş tutan XXXI Yay Olimpiya Oyunları idi.[113][114] Toğrul Əsgərov olimpiada da avqustun 21-də mübarizə apardı.[115] Təsnifat mərhələsindən azad olan Toğrul Əsgərov 1/8 final mərhələsində Ukrayna nümayəndəsi Andrey Kviatxovsxiy oldu.[115][116] Həmin görüşdə Toğrul Əsgərov rəqibi üzərində vaxtından əvvəl 12:2 hesabı ilə qələbə qazandı və turnirin 1/4 final mərhələsinə adladı.[116] Bu mərhələdə onun rəqibi ABŞ nümayəndəsix Franx Molinaro oldu.[116] Əsgərov və Molinaro iyulda baş tutan Almaniya Qran-Prisi beynəlxalq turnirinin final görüşündə üz-üzə gəlmişdi və onda Toğrul Əsgərov rəqibinə qalib gəlmişdi. Bu səfər də Toğrul Əsgərov rəqibinə qalib gəldi (10:0) və olimpiadanın yarım-final mərhələsinə adladı.[116] Finala gedən yolda isə onun rəqibi İtaliya nümayəndəsi Franx Çamizo oldu.[116] Əsgərov və Çamizo 2015-ci ildə Dünya Çempionatında üz-üzə gəlmişdi və onda Çamizo qalib gəlsə də, sonradan referilər Əsgərovun qalib olmalı olduğunu bildirmişdi. Bu səfər də görüş gərgin idman mübarizəsi şəraitində baş tutdu.[116] Nəticədə Toğrul Əsgərov rəqibinə 8:4 hesabı ilə qalib gəldi və dörd ildən sonra növbəti dəfə olimpiadanın final görüşünə vəsiqə qazandı.[116][117] Həlledici görüşdə isə onun rəqibi Rusiya nümayəndəsi Soslan Ramonov oldu.[116] Bu görüşdə Toğrul Əsgərov rəbiqinə vaxtından əvvəl 0:11 hesabı ilə məğlub oldu və XXXI Yay Olimpiya Oyunlarının gümüş medalına sahib oldu.[116][118] Final görüşündən dərhal sonra Toğrul Əsgərov idman jurnalisti Qabil Mehdiyevə müsahibəsində "yarım-final mərhələsindən sonra yorğun olduğunu, final görüşünün birinci dəqiqələrində rəqibi ilə toqquşma nəticəsində məğlub olduğunu, bununla belə medala görə şad olduğunu" bildirdi.[119] Toğrul Əsgərov həm də Azərbaycanın Olimpiya Oyunları tarixində medalların əyarına görə sərbəst güləşçis Namiq Abdullayevə çatdı.[120]
Azərbaycan Prezidenti İlham Əliyevin 1 sentyabr 2016-cı il tarixli Sərəncamına əsasən XXXI Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Toğrul Şəhriyar oğlu Əsgərov 2-ci dərəcəli "Vətənə xidmətə görə" ordeni ilə təltif edildi.[121]
2017-ci ilin yanvarında Toğrul Əsgərov Hindistanda baş tutan Pro Wrestling League turnirində mübarizə apardı.[122] Nəticədə Toğrul Əsgərovun çıxış elədiyi Punjab Royals Klubu turnirin qalibi oldu.[123]
2017-ci il mayın 18-də Ümumdünya Güləş Birliyi (UWW) Toğrul Əsgərovun 1 il müddətinə beynəlxalq turnirlərdə çıxış eləməsini qadağan elədi.[124] Ümumdünya Antidopinq Agentliyinin (WADA) məlumatına əsasən Toğrul Əsgərovdan götürülən qan analizində norcoclaurine olaraq tanına higenamine preparatının olduğunu bildirdi.[124] Toğrul Əsgərovun cəzası 18 aprel 2018-ci ildə başa çatacaqdı.[124]
Azərbaycan Güləş Federasiyası (AGF) rəsmi bəyanatında Toğrul Əsgərovun 2017-ci ilin yanvarında Hindistanda baş tutan Pro Wrestling League turniri zamanı yediyi meyvədə həmin preparatın olduğunu bildirdi.[125] Sərbəst güləş üzrə Azərbaycan yığmasının baş məşqçisi Firdovsi Umudov isə Toğrul Əsgərovun 2018-ci ilin aprelində yığma ilə birgə məşqlərə başlayacağını bildirdi.[126]
Toğrul Əsgərovun cəzası 2018-ci ilin aprelində başa çatsa da, o, beynəlxalq turnirlərdə və Macarıstanda baş tutan Dünya Çempionatında mübarizə aparmadı.[127] Sərbəst güləş üzrə Azərbaycan yığmasının baş məşqçisi Firdovsi Umudov müsahibəsində "Toğrul Əsgərovu yığmanın əsas heyətində görmədiyini" bildirdi.[127]
Toğrul Əsgərov 2019-cu ilin mayında sərbəst güləş üzrə Azərbaycan yığmasının Göygöl şəhərində baş tutan təlim-məşq toplanışlarına dəvət edildi.[128] Toplanışın əsas məqsədi 20–28 iyunda Belarusda baş tutacaq II Avropa Oyunları idi.[128] Mayın sonlarında Azərbaycan Güləş Federasiyası (AGF) turnirdə mübarizə aparacaq Azərbaycan yığmasının heyətini açıqladı.[129] Heyətə Toğrul Əsgərov da cəlb edildi.[129] Amma iyunun 20-də Toğrul Əsgərov son anda turnirdə mübarizə aparmaqdan imtina elədi və federasiya onu Hacımurad Hacıyevlə əvəzlədi.[130] Onun turnirdən imtina eləməsinin səbəbləri hələ də bilinmir.[130]
2019-cu ilin avqustunda isə Toğrul Əsgərov üç ildən sonra beynəlxalq turnirdə mübarizə apardı.[131] 6–10 avqustda Gürcüstanda baş tutan G. Kartozia & V. Balavadze beynəlxalq turnirində mübarizə aparan Toğrul Əsgərov, birinci görüşdəcə məğlub oldu və turniri onuncu pillədə başa vurdu.[1]
Toğrul Əsgərov 2019-cu ilin sentyabrında Qazaxıstanın Nur-Sultan şəhərində baş tutan Dünya Çempionatına aparılmadı.[1]
Toğrul Əsgərov 2020-ci ilin 10–12 yanvarında İstanbul şəhərində baş tutan Yaşar Doğunun xatirəsinə həsr olunan beynəlxalq turnirdə mübarizə apardı.[132] Həmin turnirin bürünc medal uğrunda görüşündə çıxış eləməli olan Toğrul Əsgərov, zədə səbibilə həmin görüşdə mübarizə aparmadı və turniri beşinci pillədə başa vurdu.[133][134]
2020-ci ilin sonlarında 28 yaşlı Toğrul Əsgərov idmanla vidalaşdı.[135]
Toğrul Əsgərov 2023-cü ilin iyulunda qadın güləşçilərdən ibarət Azərbaycan yığmasının məşqçisi vəzifəsinə təyin edildi.
Toğrul Əsgərov Ümumdünya Güləş Birliyinin (UWW) rəsmi məlumatlarına əsasən 2008–2019-cu illərdə 25 beynəlxalq turnirdə mübarizə aparıb.[1] 2012 və 2016-cı illərdə Olimpiya Oyunlarının medallara sahib olan Toğrul Əsgərov, 2 dəfə – 2010 və 2015-ci illərdə Dünya Çempionatlarında mübarizə aparıb və bir gümüş medala sahib olub.[1] Karyerası ərzində cəmi 2 dəfə Avropa Çempionatlarında çıxış edən Toğrul Əsgərov, 2012-ci ildə turnirin qalib olub.[1] Ümumi olaraq isə Toğrul Əsgərov 25 beynəlxalq turnirin 10-da qızıl, 5-də gümüş, 2-də isə bürünc medallara sahib olub.[1]
| Yeniyetmələrin Avropa Çempionatı |  Latviya |
|||
| Yeniyetmələrin Avropa Çempionatı |  Serbiya |
|||
| Gənclərin Avropa Çempionatı |  Bolqarıstan |
|||
| Gənclərin Dünya Çempionatı |  Macarıstan |
|||
| Dünya Çempionatı |  Rusiya |
|||
| Avropa Çempionatı |  Almaniya |
|||
| Gənclərin Dünya Kuboku | Almaniya |
|||
| Qızıl Qran-Pri | Azərbaycan |
|||
| Gənclərin Dünya Çempionatı |  Rumıniya |
|||
| Moscow Lights | Rusiya |
|||
| Yaşar Doğu turniri |  Türkiyə |
|||
| Avropa Çempionatı | Serbiya |
|||
| Olimpiya Təsnifat Turniri | Bolqarıstan |
|||
| Olimpiya Oyunları |  Birləşmiş Krallıq |
|||
| Avropa Çempionatı |  Finlandiya |
|||
| Paris Qran-Prisi |  Fransa |
|||
| Alexander Medved turniri |  Belarus |
|||
| Dünya Kuboku |  ABŞ |
|||
| Avropa Oyunları | Azərbaycan |
|||
| Dünya Çempionatı | ABŞ |
|||
| Qızıl Qran-Pri | Azərbaycan |
|||
| Almaniya Qran-Prisi | Almaniya |
|||
| Olimpiya Oyunları |  Braziliya |
|||
| G. Kartozia & V. Balavadze turniri |  Gürcüstan |
|||
| Yaşar Doğu turniri | Türkiyə |
.jpg)
Toğrul Əsgərov Azərbaycan Prezidenti İlham Əliyevin Sərəncamlarına əsasən Azərbaycan idmanında xidmətlərinə görə üç dəfə orden, bir dəfə isə medalla təltif edilib.
.svg){kind=small}
"Şöhrət" ordeni — Azərbaycan Prezidenti İlham Əliyevin 31 avqust 2012-ci il tarixli 2399 nömrəli Sərəncamına əsasən XXX Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Toğrul Şəhriyar oğlu Əsgərov "Şöhrət" ordeni ilə təltif edildi.[2]
1-ci dərəcəli "Vətənə xidmətə görə" ordeni — Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən I Avropa Oyunlarında qazandığı nailiyyətlərə və Azərbaycan idmanında xidmətlərinə görə Toğrul Şəhriyar oğlu Əsgərov 1-ci dərəcəli "Vətənə xidmətə görə" ordeni ilə təltif edildi.[3] 2-ci dərəcəli "Vətənə xidmətə görə" ordeni — Azərbaycan Prezidenti İlham Əliyevin 1 sentyabr 2016-cı il tarixli 2292 nömrəli Sərəncamına əsasən XXXI Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Toğrul Şəhriyar oğlu Əsgərov 2-ci dərəcəli "Vətənə xidmətə görə" ordeni ilə təltif edildi.[4]_Jubilee_Medal_BAR.svg){kind=small}
"Azərbaycan Xalq Cümhuriyyətinin 100 illiyi (1918–2018)" yubiley medalı — Azərbaycan Prezidenti İlham Əliyevin 27 may 2019-cu il tarixli Sərəncamına əsasən Azərbaycanın ictimai-siyasi həyatında xüsusi xidmətlərinə görə Toğrul Şəhriyar oğlu Hacıyev "Azərbaycan Xalq Cümhuriyyətinin 100 illiyi (1918–2018)" yubiley medalı ilə təltif edildi.Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
