From Wikipedia, the free encyclopedia
Rəsul Abakar oğlu Çunayev (7 yanvar 1991; Balakən rayonu, Azərbaycan SSR) — Azərbaycanı təmsil edən yunan-roma güləşçisi. Rəsul Çunayev 2016-cı ildə Braziliyanın Rio-de-Janeyro şəhərinin ev sahibliyində baş tutan XXXI Yay Olimpiya Oyunlarında bürünc medala sahib olub.
| Rəsul Çunayev | ||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Rəsul Çunayev 2016 Rio-de-Janeyro Olimpiadasında | ||||||||||||||||||||||||||||||||||||||
| Şəxsi məlumatlar | ||||||||||||||||||||||||||||||||||||||
| Tam adı | Rəsul Abakar oğlu Çunayev | |||||||||||||||||||||||||||||||||||||
| Vətəndaşlığı |
 Azərbaycan |
|||||||||||||||||||||||||||||||||||||
| Doğum tarixi | 7 yanvar 1991 (33 yaş) | |||||||||||||||||||||||||||||||||||||
| Doğum yeri | ||||||||||||||||||||||||||||||||||||||
| Boyu | 176 sm. (5 ft 6 in) | |||||||||||||||||||||||||||||||||||||
| İdman növü | Güləş | |||||||||||||||||||||||||||||||||||||
| Karyera illəri | 2000—2021 | |||||||||||||||||||||||||||||||||||||
| Məşqçisi | İsmayıl Çöpçiyev | |||||||||||||||||||||||||||||||||||||
| Komandası | Neftçi İdman Klubu | |||||||||||||||||||||||||||||||||||||
|
Medallar
|
||||||||||||||||||||||||||||||||||||||
 Vikianbarda əlaqəli mediafayllar | ||||||||||||||||||||||||||||||||||||||
Rəsul Çunayev həmçinin 2015-ci ildə Birləşmiş Ştatların Las-Veqas şəhərində baş tutan Dünya Çempionatının qalibi olub.
Rəsul Çunayev 2015-ci ildə Azərbaycanda I Avropa Oyunlarının qızıl medalını qazanıb. Rəsul Çunayev həmçinin 2014 və 2018-ci illərdə Avropa Çempionatının gümüş medallarına sahib oldu. 2013-cü ildə o, Kazan Universiadasının da qalibi olub.
Rəsul Çunayev Azərbaycan idmanında xidmətlərinə görə Azərbaycan Prezidenti İlham Əliyevin 29 iyun 2015-ci il tarixli Sərəncamına əsasən "Şöhrət" ordeni ilə,[1] 22 avqust 2016-cı il tarixli Sərəncamına əsasən Azərbaycan Prezidentinin fəxri diplomu ilə təltif edilib.[2]
Karyerası ərzində 37 beynəlxalq yarışa qatılan Rəsul Çunayev onların 13-də qızıl medal, 6-da gümüş medal, 12-də isə bürünc medal qazanıb. Rəsul Çunayev həmçinin Dövlət Sərhəd Xidmətinin zabitidir.
Rəsul Abakar oğlu Çunayev 1991-ci il yanvarın 7-də Balakən rayonunun Yeni Şərif kəndində anadan olub. Milliyyətcə avardır. 1999–2010-cu illərdə R. Hədisov adına Yeni Şərif kənd tam orta məktəbində təhsil alan Rəsul Çunayev, 2010–2014-cü illərdə Azərbaycan Dövlət Bədən Tərbiyəsi və İdman Akademiyasında (ADBTİA) ali təhsil alıb.[3] Daha sonra o, 2016–2020-ci illərdə Bakı Dövlət Universitetində (BDU) təhsil alıb. 2021-ci ildən Azərbaycanın Prezidenti yanında Dövlət İdarəçilik Akademiyasında təhsil alır.
Rəsul Çunayev 2014-cü ilin iyulunda Səfərbərlik və Hərbi Xidmətə Çağırış üzrə Dövlət Xidmətinin Balakən Rayon İdarəsi tərəfindən müddətli həqiqi hərbi xidmətə çağırıldı və o, 2014–2015-ci illərdə Dövlət Sərhəd Xidməti (DSX) Sərhəd Qoşunlarının "N" saylı hərbi hissəsində xidmət elədi.
Dövlət Sərhəd Xidməti (DSX) rəisi Elçin Quliyevin 8 iyul 2015-ci il tarixli əmrinə əsasən Rəsul Çunayevə "Leytenant" hərbi rütbəsi, 18 avqust 2018-ci il tarixli əmrinə əsasən "Baş leytenant" hərbi rütbəsi, 8 iyul 2022-ci il tarixli əmrinə əsasən isə "Kapitan" rütbəsi verildi.[4]
Rəsul Çunayev 2021-ci ildə ailə həyatı qurdu.
Rəsul Çunayev beynəlxalq səviyyədə birinci turnirinə 2007-ci ilin iyulunda Trabzon şəhərində baş tutan I Qara dəniz Oyunları çərçivəsində qatıldı. Həmin turnirdə o, birinci görüşündəcə məğlub olaraq mübarizəni dayandırdı.[5]
Rəsul Çunayev beynəlxalq səviyyədə birinci nüfuzlu turnirinə 2008-ci ilin 24–30 iyununda Latviyanın Dauqavpils şəhərində baş tutan yeniyetmələr arasında Avropa Çempionatında qatıldı. Həmin turnirdə Rəsul Çunayev 1/16 final mərhələsində Niderland nümayəndəsi David Harutunianı 2:0 (6:0, 6:0), 1/8 final mərhələsində Rusiya təmsilçisi Eslyam Sagatbəyovu 2:0 (6:0, 6:0), 1/4 final mərhələsində Rumıniya nümayəndəsi Kristinel Motoini 2:0 (6:0, 7:0, 1/2 final mərhələsində isə Moldova təmsilçisi İqor Besleaganı 2:0 (6:0, 5:0) hesabları ilə məğlub elədi və turnirin final görüşünə vəsiqə qazandı. Həlledici görüşdə o, Türkiyə nümayəndəsi Yunus Ceylan ilə üz-üzə gəldi. Nəticədə görüşün birinci hissəsində 3:0, növbəti hissəsində isə 6:0 hesabları ilə qalib gələn Rəsul Çunayev, yeniyetmələr arasında Avropa Çempionatının qızıl medalına sahib oldu.
2008-ci ilin sonlarında Rəsul Çunayev Azərbaycan Çempionatında mübarizə apardı və final görüşündə Husaməddin Rəcəbov üzərində qələbə qazanaraq turnirin qalibi oldu.[6][7]
2008-ci ildə Azərbaycan Çempionatının qalibi olan Rəsul Çunayev, 2009-cu ilin 31 yanvar-1 fevralında Fransanın Kretey şəhərində baş tutan "Cristo Lutte" beynəlxalq turnirində çıxış elədi və bürünc medalın sahibi oldu.[8][9][10]
2009-cu ilin 20–22 fevralında Fransanın Klermon-Feran şəhərində yunan-roma güləşi üzrə Dünya Kuboku baş tutdu.[11] Azərbaycan güləşçiləri qrup mərhələsində Rusiya, Ermənistan və Macarıstan yığmaları ilə mübarizə apardı.[11] Birinci görüşdə Azərbaycan yığması Rusiya güləşçiləri ilə üz-üzə gəldi və 1:6 hesabı ilə məğlub oldu.[12] Daha sonra Azərbaycan güləşçiləri Ermənistan yığmasına 3:4 hesabı ilə məğlub oldu.[12] Qrup mərhələsinin sonuncu görüşündə isə Azərbaycan yığması Macarıstan güləşçiləri ilə üz-üzə gəldi və bu səfərdə rəqibinə 3:4 hesabı ilə məğlub oldu.[12] Bununla da Azərbaycan yığması qrup mərhələsini dördüncü pillədə başa vurdu.[12]
Rəsul Çunayev növbəti turnirinə İstanbul şəhərində baş tutan "Cumhuriyet Kupası" beynəlxalq turnirində mübarizə apardı. Həmin turnirdə o, bütünc rəqibləri üzərində qələbə qazanaraq turnirin qalibi oldu.[13][14][15]
2009-cu ilin sonlarında isə Rəsul Çunayev şəhər çempionatının qızıl medalına sahib oldu.[16]
Rəsul Çunayev 2010-cu ildə birinci uğuruna yanvarda Zaporojya şəhərində baş tutan gənclər arasında beynəlxalq turnirdə bürünc medala sahib olmaqla imza atdı.[17]
İyunda isə Rəsul Çunayev Bolqarıstanda baş tutan gənclər arasında Avropa Çempionatında mübarizə apardı.[18] Çempionatın final görüşündə o, Gürcüstan təmsilçisi Saçino Davitaia üzərində qələbə qazanaraq turnirin qalibi oldu.[18]
Bir ay sonra isə Macarıstanın Budapeşt şəhərinin ev sahibliyində gənclər arasında Dünya Çempionatı baş tutdu. Həmin turnirdə Rəsul Çunayev əvvəlcə 1/16 final mərhələsində Qırğızıstan nümayəndəsi Arseni Fufaçevi 2:0, sonra isə 1/8 final mərhələsində Ukrayna təmsilçisi Alan Dzaxayevi 2:1 hesabları ilə məğlub elədi və 1/4 final mərhələsinə adladı. Bu mərhələdə o, Ermənistan nümayəndəsi Gevorg Sahahyan ilə üz-üzə gəldi. Həmin görüşdə Rəsul Çunayev rəqibinə 2:0 hesabı ilə qalib gəldi və yarım-final mərhələsinə adladı. Finala gedən yolda o, Xorvatiya təmsilçisi Domini Etlinger ilə qarşılaşdı. Gərgin idman mübarizəsi şəraitində baş tutan görüşdə Rəsul Çunayev rəqibinə 1:2 hesabı ilə məğlub oldu. Bununla da o, mübarizəni bürünc medal uğrunda görüşdə davam elədi. Həlledici görüşdə Rəsul Çunayev Misir nümayəndəsi İbrahim Nasser üzərində 2:0 hesabı ilə qələbə qazandı və gənclər arasında Dünya Çempionatının bürünc medalına sahib oldu.[19]
Rəsul Çunayev növbəti uğuruna İtaliyanın Turin şəhərində baş tutan tələbələr arasında Dünya Çempionatında imza atdı.[20] O, final görüşündə Macarıstan nümayəndəsi Balint Korpasi üzərində qələbə qazandı və turnirin qalibi oldu.[21]
Rəsul Çunayev 2011-ci ildə birinci uğurunu apreldə gənclər arasında "Azerbaijan Wrestling Federation Cup" beynəlxalq turnirində qazandı. Rəsul Çunayev bütün rəqibləri üzərində qələbə qazanaraq turnirin qalibi oldu.[22]
İyunda isə o, mövsümdə birinci nüfuzlu turnirinə qatıldı.[23] Rəsul Çunayev 20–26 iyunda Serbiyanın Zrenyanin şəhərində baş tutan gənclər arasında Avropa Çempionatında mübarizə apardı.[23] 2010-cu ildə Bolqarıstanda analoji turnirin qalibi olan Rəsul Çunayev, bu səfər bürünc medalın sahibi oldu.[24] O, həlledici görüşdə Rusiya nümayəndəsi Məhəmməd Çuxalovdan üstün oldu — 2:0 (1:0, 2:1).[25]
Bir ay sonra isə Rumıniyanın Buxarest şəhərinin ev sahibliyində gənclər arasında Dünya Çempionatı baş tutdu.[26] Həmin turnirdə Rəsul Çunayev əvvəlcə 1/16 final mərhələsində Özbəkistan nümayəndəsi Sərdar Qaryağdıyevi 2:0, sonra isə 1/8 final mərhələsində Ukrayna təmsilçisi Dimitri Pinhovu 2:0 hesabları ilə məğlub elədi və 1/4 final mərhələsinə adladı.[26] Bu mərhələdə o, Rusiya nümayəndəsi Çingiz Labazanov ilə üz-üzə gəldi.[26] Gərgin idman mübarizəsi şəraitində baş tutan görüşdə Rəsul Çunayev rəqibinə 1:2 hesabı ilə məğlub oldu.[26] Rəqibi turnirin final görüşünə vəsiqə qazandıqından Rəsul Çunayev, təsəlliverici qrupda mübarizə apardı.[26] Təsəlliverici qrupun birinci görüşündə o, Cənubi Koreya təmsilçisi Yon-Ta Yuya 2:0 hesabı ilə qalib gəldi və bürünc medal uğrunda görüşə vəsiqə qazandı.[26] Həlledici görüşdə isə Rəsul Çunayev Belarus nümayəndəsi Yaroslav Kardaş üzərində 2:0 hesabı ilə qələbə qazandı və gənclər arasında Dünya Çempionatının bürünc medalına sahib oldu.[26]
Daha sonra Rəsul Çunayev 10–14 noyabrda Rusiyada baş tutan Komandalararası "Alrosa Cup" beynəlxalq turnirində mübarizə apardı.[27] Turnirin nəticələrinə əsasən Azərbaycan yığması final görüşündə Rusiya güləşçilərinə 0:7 hesabı ilə məğlub oldu və turnirin gümüş medallarına sahib oldu.[28]
Rəsul Çunayev 2012-ci ildə birinci turnirinə 28–30 yanvarda İstanbul şəhərində baş tutan Vehbi Emrenin xatirəsinə həsr olunan beynəlxalq turnirdə qatıldı və turniri 8-ci pillədə başa vurdu.[29]
20–22 apreldə Bolqarıstanın Sofiya şəhərində Avropa Olimpiya Təsnifat Turniri baş tutdu.[30] Yunan-roma güləşi üzrə Azərbaycan yığmasının məşqçiləri turnirdə mübarizə aparacaq yığmanın heyətini formalaşdıran zaman, Rəsul Çunayev və Vitali Rəhimov arasında seçim eləməli oldu.[31] Yığmanın məşqçiləri son Olimpiadanın bürünc medalçı və təcrübəli olduğunu nəzərə alaraq, təsifat turnirində Azərbaycanı Vitali Rəhimovun təmsil eləməsini məqbul hesab elədi.[30] Amma o, ona göstərilən etimadı doğrulda bilmədi.
26–30 apreldə isə Çinin Taiyuan şəhərində Dünya Olimpiya Təsnifat Turniri baş tutdu.[32] Azərbaycan yığmasının məşqçiləri bu səfər Rəsul Çunayevə etimad göstərdi, amma o da etimadı doğrulda bilmədi.[33] Rəsul Çunayev birinci görüşdəcə Macarıstan nümayəndəsi Tomas Lorinczə 1:2 (5:0, 0:1, 0:4) hesabı ilə məğlub oldu.[33]
Rəsul Çunayev növbəti turnirinə yunan-roma güləşi üzrə Dünya Kuboku çərçivəsində qatıldı.[34] Azərbaycan yığması "B" qrupunda Belarus, Bolqarısan, İran və Rusiya yığmaları ilə birgə mübarizə apardı.[35] Azərbaycan güləşçiləri birinci görüşdə İran yığması ilə üz-üzə gəldi.[35] Gərgin idman mübarizəsi şəraitində baş tutan görüşdə Azərbaycan yığması rəqibinə 3:4 hesabı ilə məğlub oldu.[35] Komandanın heyətində Rəsul Çunayev Səid Abdvəliyə məğlub oldu.[35] Azərbaycan güləşçiləri növbəti görüşdə Rusiya yığması ilə qarşılaşdı.[35] Həmin görüşdə Azərbaycan yığması rəqibi üzərində 4:3 hesabı ilə qələbə qazandı.[35] Yığmanın məşqçiləri bu görüşdə Rəsul Çunayevi Rüstəm Əliyevlə əvəzlədi.[35] Üçüncü görüşdə Azərbaycan yığması Bolqarıstan güləşçiləri ilə üz-üzə gəldi və rəqibinə 5:2 hesabı ilə qalib gəldi.[35] Komandanın heyətində Rəsul Çunayev Plamen Petrov üzərində qələbə qazandı və qələbədə pay sahibi oldu.[35] Qrup mərhələsinin sonuncu görüşündə Azərbaycan güləşçiləri Belarus yığması ilə qarşılaşdı.[35] Həmin görüşdə Azərbaycan yığması rəqibi üzərində 5:2 hesabı ilə qələbə qazandı və qrup mərhələsini 2-ci pillədə tamamladı.[35] Həmin nəticələrə əsasən Azərbaycan güləşçiləri mübarizəni bürünc medal uğrunda görüşdə davam elədi.[35] Həlledici görüşdə Azərbaycan yığması Cənubi Koreya güləşçiləri ilə üz-üzə gəldi və rəqibinə 2:5 hesabı ilə məğlub oldu.[36] Bununla da Azərbaycan yığması turniri dördüncü pillədə başa vurdu.[36] Komandanın heyətində Rəsul Çunayev üç görüşdə mübarizə apardı və sadəcə birində qələbə qazandı.[36]
Sentyabrda isə Rəsul Çunayev növbəti uğuruna imza atdı. Rəsul Çunayev Heydər Əliyevin xatirəsinə həsr olunan beynəlxalq turnirdə bürünc medalın sahibi oldu.[37]
Daha sonra Rəsul Çunayev 8–11 noyabrda Rusiyada baş tutan Komandalararası "Alrosa Cup" beynəlxalq turnirində mübarizə apardı.[38][39] Qrup mərhələsində Azərbaycan güləşçiləri Ukrayna yığması üzərində 4:3, Ermənistan yığması üzərində isə 6:1 hesabları ilə qələbə qazandı və turnirin final görüşünə vəsiqə qazandı.[40] Həlledici görüşdə isə Azərbaycan yığması Rusiya güləşçiləri ilə üz-üzə gəldi və rəqibinə 0:7 hesabı ilə məğlub olaraq turnirin gümüş medalına sahib oldu.[41]
2012-ci ilin sonlarında Rəsul Çunayev Azərbaycan Çempionatında çıxış elədi və turnirin bürünc medalını qazandı.[42]
Rəsul Çunayev 2013-cü ildə birinci turnirinə fevralda İstanbul şəhərində baş tutan Vehbi Emrenin xatirəsinə həsr olunan beynəlxalq turnirdə qatıldı.[43] Turnirin final görüşündə o, İran nümayəndəsi Məhəmməd Kərimi üzərində qələbə qazanaraq turnirin qalibi oldu.[44]
Daha sonra Rəsul Çunayev 18–20 fevralda İranın Tehran şəhərində baş tutan Dünya Kubokunda çıxış elədi.[45] Azərbaycan güləşçiləri "B" qrupunda İran, Macarıstan, Qazaxıstan və Türkiyə yığmaları ilə birgə mübarizə apardı.[46] Birinci görüşdə Azərbaycan güləşçiləri Türkiyə yığması üzərində 4:3 hesabı ilə qələbə qazandı.[46] Komandanın heyətində Rəsul Çunayev də görüşdə qalib gələn güləşçilərdən idi.[46] Növbəti görüşdə Azərbaycan güləşçiləri İran yığmasına 2:5 hesabı ilə məğlub oldu.[46] Komandanın heyətində Rəsul Çunayev də görüşünü məğlubiyyətlə başa vurdu.[46] Üçüncü görüşdə Azərbaycan güləşçiləri Macarıstan yığması üzərində 7:0 hesabı ilə inamlı qələbə qazandı.[46] Komandanın heyətində Rəsul Çunayev də qələbədə pay sahibi olan güləşçilərdən idi.[46] Qrup mərhələsinin sonuncu görüşündə Azərbaycan güləşçiləri Qazaxıstan yığması ilə üz-üzə gəldi və rəqibinə 2:5 hesabı ilə məğlub oldu.[47] Komandanın heyətində Rəsul Çunayev də görüşünü məğlubiyyətlə başa vurdu.[47] Qrup mərhələsinin nəticələri əsasən Azərbaycan yığması "B" qrupunu 2 xalla dördüncü pillədə başa vurdu və mübarizəni yeddinci yer uğrunda görüşdə davam elədi.[47] Bu mərhələdə Azərbaycan güləşçiləri Belarus yığması ilə üz-üzə gəldi və rəqibi üzərində 6:1 hesabı ilə inamlı qələbə qazandı.[47] Qələbədə pay sahibi olan güləşçilərdən biri də Rəsul Çunayev idi.[47] Bununla da Azərbaycan yığması turniri yeddinci pillədə başa vurdu.[47] Rəsul Çunayev turnir ərzində mübarizə apardığı beş görüşün sadəcə üçündə qalib gələ bilmişdi.[48] Rəsul Çunayev iyulda özünün mövsüm ərzində baş tutan əsas turnirində mübarizə apardı.
Rəsul Çunayevin də mübarizə apardığı XXVII Universiada Oyunları 6–16 iyulda Rusiya Federasiyasının Kazan şəhərinin ev sahibliyində baş tutdu.[49] Rəsul Çunayev Universiada da iyulun 15-də mübarizə apardı.[50] 1/16 final mərhələsi çərçivəsində baş tutan birinci görüşdə o, Almaniya nümayəndəsi Toni Stade ilə üz-üzə gəldi.[50] Həmin görüşdə Rəsul Çunayev vaxtından əvvəl 8:0 hesabı ilə qalib gəldi və 1/8 final mərhələsinə adladı.[50] Bu mərhələdə o, Polşa təmsilçisi Gregor Vane ilə qarşılaşdı.[50] Həmin görüşdə də Rəsul Çunayev rəqibindən üstün oldu — 8:0 və turnirin 1/4 final mərhələsinə adladı.[50] Bu mərhələdə o, Türkiyə nümayəndəsi Məhəmməd Kocatinaz ilə üz-üzə gəldi və rəqibini vaxtından əvvəl 6:0 hesabı ilə məğlub elədi.[50] Bununla da Rəsul Çunayev Universiadanın yarım-final mərhələsinə adladı.[50] Finala gedən yolda o, İran təmsilçisi Afşin Biabanqard ilə qarşılaşdı.[50] Həmin görüşdə Rəsul Çunayev rəqibi üzərində 8:1 hesabı ilə qələbə qazandı və turnirin final görüşünə vəsiqə qazandı.[50] Həlledici görüşdə o, 2009-cu ildə Dünya və Avropa Çempionatlarının, həmçinin 2008-ci il Olimpiadasının qalibi olan Rusiya Federasiyası nümayəndəsi İslam-Bəy Albiyev ilə üz-üzə gəldi.[50] Rəsul Çunayev təcrübəli və titullu rəqibi ilə görüşdə 30 saniyə ərzində 8:0 hesabı ilə vaxtından əvvəl qələbə qazandı və Kazan Universiadasının qalibi oldu.[50] Rəsul Çunayev qələbəsini ləzgilərin milli rəqsi olan ləzgihəngi oynamaqla qeyd elədi.[51] İyulun 24-də isə Azərbaycan Prezidenti İlham Əliyev Kazan şəhərində baş tutan XXVII Universiada Oyunlarının qaliblərini və medalçılarını qəbul elədi.[52] Onlara Azərbaycan bayrağını dalğalandırdığları üçün minnətdarlığını bildirdi və yeni uğurlar arzuladı.
Məhz Kazan Universiadasının final görüşündə Olimpiya Oyunlarının qalibi, təcrübəli və titullu güləşçi İslam-Bəy Albiyev üzərində qələbə qazandıqdan sonra, 22 yaşlı Rəsul Çunayev Azərbaycan yığmasının "bir nömrəli" güləşçisi olmağa hazır olduğunu sübut elədi.[53][54]
Ümumdünya Güləş Assosiasiyasının (FILA) 2013-cü ilin avqust ayında açıqladığı reytinq cədvəlinə əsasən Rəsul Çunayev beşinci pillədə qərarlaşmışdı.[55]
2013-cü ilin əsas turniri 16–22 sentyabrda Macarıstanın Budapeşt şəhərində baş tutan Dünya Çempionatı idi.[56] Həmin turnirdən əvvəl yunan-roma güləşi üzrə Azərbaycan yığması İstanbul şəhərində təlim-məşq toplanışlarına yollandı.[56] Komandanın baş məşqçisi Cəmşid Xeyrəbadi Dünya Çempionatına yollanacaq heyəti formalaşdıran zaman 66 kq. dərəcəsində üç güləşçi arasında seçim eləməli oldu — 2008-ci il Olimpiadasının gümüş medalçısı Vitali Rəhimov, 2010-cu il Dünya Çempionatının qalibi Həsən Əliyev və Kazan Universiadasının qalibi, 22 yaşlı Rəsul Çunayev.[56] Nəticədə Azərbaycan yığmasının məşqçiləri Həsən Əliyevə etimad göstərdi.[57] Həsən Əliyev isə Dünya Çempionatının beşinci pillədə başa vurdu.[57] O, turnirin yarım-final mərhələsində məhz Rəsul Çunayevin iyulda 30 saniyə ərzində qalib gəldiyi Rusiya nümayəndəsi İslam-Bəy Albiyev ilə üz-üzə gəldi və məğlubiyyətlə üzləşdi.[57]
Rəsul Çunayev 2013-cü ildə sonuncu turnirinə noyabrda Heydər Əliyevin xatirəsinə həsr olunan Qızıl Qran-Pri beynəlxalq turniri çərçivəsində qatıldı.[58] O, turnirin həlledici görüşündə Azərbaycan yığmasının üzvü Vitali Rəhimov üzərində qələbə qazandı və turnirin qalibi oldu.[58] 22 yaşlı Rəsul Çunayev 2013-cü il ərzində olan mübarizəsi ilə daha təcrübəli və titullu olan Həsən Əliyev və Vitali Rəhimovdan üstün olduğunu sübut elədi.
2013-cü ilin sonlarında Azərbaycan Prezidenti İlham Əliyev tərəfindən Rəsul Çunayevə yeni mənzilin orderi təqdim edildi.[59]
Rəsul Çunayev 2014-cü ildə birinci turnirinə 1–2 fevralda İstanbul şəhərində baş tutan Vehbi Emrenin xatirəsinə həsr olunan beynəlxalq turnir çərçivəsində qatıldı.[60] O, 1/8 final mərhələsində Türkiyə nümayəndəsi Yunus Özəl üzərində 10:0, 1/4 final mərhələsində digər Türkiyə təmsilçisi Məhəmməd Kocatinaz üzərində 10:0, 1/2 final mərhələsində isə daha bir Türkiyə nümayəndəsi Rafiq Eyvazoğlu üzərində 4:0 hesablı qələbələr qazandı və turnirin final görüşünə vəsiqə qazandı.[61] Həlledici görüşdə Rəsul Çunayev Gürcüstan təmsilçisi Mindia Tsuluxidzeyə 2:0 hesabı ilə qalib gəldi və turnirin qalibi oldu.[61][62]
Ümumdünya Güləş Assosiasiyasının (FILA) 2014-cü ilin fevral ayında açıqladığı reytinq cədvəlinə əsasən Rəsul Çunayev 8-ci pillədə qərarlaşmışdı.[63][64]
2014-cü ilin əsas turnirlərindən biri 1–6 apreldə Finlandiyanın Vantaa şəhərində baş tutan Avropa Çempionatı idi.[65] Avropa Çempionatlarında debüt edən Rəsul Çunayev aprelin 6-da mübarizə apardı.[66] Rəsul Çunayev 1/8 final mərhələsi çərçivəsində baş tutan birinci görüşündə Latviya nümayəndəsi Sergey Mironovs ilə üz-üzə gəldi və rəqibi üzərində 8:0 hesabı ilə vaxtından əvvəl qələbə qazanaraq 1/4 final mərhələsinə adladı.[66][67] Bu mərhələdə o, 2 ay əvvəl İstanbul beynəlxalq turnirdə qalib gəldiyi Türkiyə təmsilçisi Yunus Özəl ilə qarşılaşdı.[67] Bu səfər də Rəsul Çunayev rəqibindən üstün oldu — 10:0.[67] Bununla da o, Avropa Çempionatının 1/2 final mərhələsinə adladı.[67] Bu mərhələdə Rəsul Çunayev Ukrayna nümayəndəsi Armen Vardanyan ilə üz-üzə gəldi.[67] Həmin görüşdə o, rəqibini 90 saniyə ərzində 10:0 hesabı ilə məğlub elədi və turnirin final görüşünə vəsiqə qazandı.[67] Həlledici görüşdə Rəsul Çunayev Macarıstan təmsilçisi Tomas Lorincz ilə qarşılaşdı.[67] Rəsul Çunayev Tomas Lorincz ilə bir dəfə üz-üzə gəlmişdi və məğlub olmuşdu.
Görüşün əvvəlindən Tomas Lorencz passiv güləşirdi.[68] Məhz buna görə də referilər görüşün 1:50-ci dəqiqəsində Tomas Lorenczin görüşü parter vəziyyətində davam eləməsinə qərar verdi.[68] Bu vəziyyətdə hücum edən tərəf Çunayev, müdafiə olunan tərəf isə Lorencz oldu.[68] Rəsul Çunayev rəqibin parter vəziyyətində olmasından istifadə edə bilmədi və görüşün birinci hissəsi 0:0 hesabı ilə başa çatdı.[68] Görüşün növbəti hissəsidə gərgin idman mübarizəsi şəraitində baş tutdu.[68] Görüşün 3:35-ci dəqiqəsində bu səfər Rəsul Çunayev görüşü parter vəziyyətində davam elədi.[68] Lorenczin hücumundan müdafiə olmağa çalışan Çunayev, buna nail ola bilmədi.[68][69] Tomas Lorencz rəqibini uğurla üstündən aşıraraq təmiz qələbə qazandı.[68][70] Bununla da Rəsul Çunayev Avropa Çempionatının gümüş medalına sahib oldu.[67][68]
| 16/04/2014 |  Sergey Mironovs |
Avropa Çempionatı | 1/8 final mərhələsi | |||
 Yunus Özəl |
1/4 final mərhələsi | |||||
 Armen Vardanyan |
1/2 final mərhələsi | |||||
 Tomas Lorencz |
gümüş medal qazandı | |||||
Ümumdünya Güləş Assosiasiyasının (FILA) 2014-cü ilin may ayında açıqladığı reytinq cədvəlinə əsasən Rəsul Çunayev 2-ci pillədə qərarlaşmışdı.[71]
Avropa Çempionatından sonra Rəsul Çunayev birinci turnirinə 15–16 mayda İranın Tehran şəhərində baş tutan yunan-roma güləşi üzrə Dünya Kuboku çərçivəsində qatıldı.[72] Azərbaycan yığması "A" qrupunda Cənubi Koreya, Ermənistan, Finlandiya və İran yığmaları ilə mübarizə apardı.[73] Azərbaycan yığması birinci görüşdə İran güləşçiləri ilə üz-üzə gəldi və 0:8 hesabı ilə məğlub oldu.[74] Bu görüşdə Azərbaycan yığmasının heyətində Rüstəm Əliyev çıxış elədi.[74] Növbəti görüşdə Azərbaycan güləşçiləri Ermənistan yığması ilə üz-üzə gəldi və 8:0 hesabı ilə qalib gəldi.[74] Komandanın heyətində Rəsul Çunayev Rafael Alexanyan üzərində 8:0 hesabı ilə vaxtından əvvəl qələbə qazandı.[74] Qrup mərhələsinin üçüncü görüşündə Azərbaycan güləşçiləri Cənubi Koreya yığması ilə üz-üzə gəldi və gərgin idman mübarizəsi şəraitində baş tutan görüşdə rəqibi üzərində 5:3 hesabı ilə qələbə qazandı.[74] Komandanın heyətində Rəsul Çunayev 2004-cü il Afina Olimpiadasının qalibi Hunq Ji-Hyunu məğlub elədi və qələbədə pay sahibi oldu.[74] Qrup mərhələsinin sonuncu görüşündə Azərbaycan güləşçiləri Finlandiya yığması ilə üz-üzə gəldi və 6:2 hesabı ilə qələbə qazandı.[75] Həmin görüşdə Rəsul Çunayev rəqibini məğlub elədi və qələbəd pay sahibi oldu.[75] Qrup mərhələsinin nəticələrinə əsasən İran yığması final görüşünə, Azərbaycan yığması üçün bürünc medal uğrunda görüşə vəsiqə qazandı.[75] Bürünc medal uğrunda görüşdə Azərbaycan yığması Macarıstan güləşçiləri ilə üz-üzə gəldi.[75] Həlledici görüşdə Azərbaycan yığması rəqibin üzərində 6:2 hesabı ilə inamlı qələbə qazandı.[75] Komandanın heyətində Rəsul Çunayev Balint Korpasini 4:2 hesabı ilə məğlub elədi və qələbədə pay sahibi oldu.[75] Bununla da Azərbaycan yığması yunan-roma güləş üzrə Dünya Kubokunun bürünc medalına sahib oldu.[75] Turnir ərzində Rəsul Çunayev dörd görüşdə mübarizə apardı və hamısında qələbə qazandı.[76][77]
Ümumdünya Güləş Assosiasiyasının (FILA) 2014-cü ilin iyun və iyul aylarında açıqladığı reytinq cədvəlinə əsasən Rəsul Çunayev 2-ci pillədə qərarlaşmışdı.[78][79]
Rəsul Çunayev növbəti uğuruna 25–28 iyunda baş tutan Heydər Əliyevin xatirəsinə həsr olunan beynəlxalq turnirdə imza atdı.[80][81] Rəsul Çunayev finala gedən yolda bütün rəqiblərinə qalib gəldi.[82] Həlledici görüşdə isə o, apreldə Finlandiyada Avropa Çempionatının final görüşündə məğlub olduğu Macarıstan nümayəndəsi Tomas Lorincz ilə üz-üzə gəldi.[83] Bu səfər də Rəsul Çunayev rəqibinə məğlub oldu və turniri gümüş medalla başa vurdu.[83]
2014-cü ilin iyul ayında ali təhsilini başa vuran Rəsul Çunayev, Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) Balakən Rayon İdarəsi tərəfindən müddətli həqiqi hərbi xidmətə çağırıldı və hərbi xidmətini Dövlət Sərhəd Xidməti (DSX) Sərhəd Qoşunlarının "N" saylı hərbi hissəsində apardı.
Ümumdünya Güləş Assosiasiyasının (FILA) 2014-cü ilin avqust və sentyabr aylarında açıqladığı reytinq cədvəllərinə əsasən Rəsul Çunayev 2-ci pillədə qərarlaşmışdı.[84][85]
2014-cü ilin əsas turniri 8–14 sentyabrda Daşkənd şəhərində baş tutan Dünya Çempionatı idi.[87][88] Dünya Çempionatlarında debüt edən Rəsul Çunayev, sentyabrın 14-də mübarizə apardı.[89] Rəsul Çunayev 1/16 final mərhələsi çərçivəsində baş tutan birinci görüşdə Yaponiya nümayəndəsi Norimoto Eto ilə üz-üzə gəldi.[89] Həmin görüşdə o, 8:0 hesabı ilə inamlı qələbə qazandı və turnirin 1/8 final mərhələsinə adladı.[89] Bu mərhələdə Rəsul Çunayev 2006 və 2007-ci illərdə Dünya Çempionatlarının bürünc medallarına sahib olan ABŞ təmsilçisi Castin Lester ilə qarşılaşdı.[89] Gərgin idman mübarizəsi şəraitində baş tutan görüşdə Rəsul Çunayev təcrübəli rəqibinə 10:8 hesabı ilə qalib gəldi və Dünya Çempionatının 1/4 final mərhələsinə adladı.[89] Bu mərhələdə o, Türkiyə nümayəndəsi Yunus Özəl ilə üz-üzə gəldi.[89] Rəsul Çunayev bundan əvvəl Yunus Özəli fevralda İstanbul şəhərində baş tutan beynəlxalq turnirdə və apreldə Finlandiyada baş tutan Avropa Çempionatında 10:0 hesabları ilə məğlub eləmişdi. Bu səfər isə görüşdə üstün olan tərəf Yunus Özəl oldu.[89] Gərgin idman mübarizəsi şəraitində baş tutan görüşdə Yunus Özəl rəqibi üzərində 4:1 hesabı ilə qələbə qazandı.[89] Rəqibi turnirin final görüşünə vəsiqə qazandıqından Rəsul Çunayev, təsəlliverici qrupda mübarizə apardı.[89] Təsəlliverici qrupun 2-ci görüşündə o, Rumıniya nümayəndəsi İonel Puşçaşu ilə üz-üzə gəldi.[89] Həmin görüşdə Rəsul Çunayev 10:1 hesabı ilə inamlı qələbə qazandı və bürünc medal uğrunda görüşə vəsiqə qazandı.[89] Həlledici görüşdə o, Ermənistan nümayəndəsi Varşam Boranyan ilə üz-üzə gəldi.[89] Prinsipial qarşılaşmada Rəsul Çunayev görüşünün birinci saniyəsindəcə rəqibini yıxdı və ardıcılıq fəndlər tətbiq elədi.[89] Nəticədə o, 22 saniyə ərzində rəqibi üzərində 11:0 hesabı ilə qələbə qazandı və Dünya Çempionatının bürünc medalına sahib oldu.[89][90] Rəsul Çunayev qələbəsini qeyd edən zaman hərbi salam verdi.[91]
| 14/09/2014 |  Norimoto Eto |
Dünya Çempionatı | 1/16 final mərhələsi | |||
 Castin Lester |
1/8 final mərhələsi | |||||
| Yunus Özəl |
1/4 final mərhələsi | |||||
 İonel Puşçaşu |
2-ci təsəlliverici görüş | |||||
 Varşam Boranyan |
bürünc medal qazandı | |||||
2014-cü il ərzində Avropa Çempionatında gümüş, Dünya Çempionatında isə bürünc medala sahib olan Rəsul Çunayev, Gənclər və İdman Nazirliyinin (GİN) versiyasına görə 2014-cü ilin ən yaxşı 10 idmançısından biri seçildi.[92]
Ümumdünya Güləş Birliyinin (UWW) 2015-ci ilin yanvar və fevral aylarında açıqladığı reytinq cədvəllərinə əsasən Rəsul Çunayev üçüncü pillədə qərarlaşmışdı.[93][94]
Rəsul Çunayev 2015-ci ildə birinci turnirinə Azərbaycan yığmasının heyətində fevralda İranın Tehran şəhərində baş tutan Dünya Kuboku çərçivəsində qatıldı.[95] Azərbaycan yığması "A" qrupunda Almaniya, İran və İsveç yığmaları ilə mübarizə apardı.[96] Azərbaycan yığması birinci görüşdə İran güləşçiləri ilə üz-üzə gəldi və 6:2 hesabı ilə qalib gəldi.[97] Komandanın heyətində Rəsul Çunayev Ramin Taheriyə qalib gəldi və qələbədə pay sahib oldu.[97] Növbəti görüşdə Azərbaycan güləşçiləri Almaniya yığması ilə qarşılaşdı.[97] Bu görüşdə də Azərbaycan yığması rəqibi üzərində inamlı qələbə qazandı — 7:1.[97] Həmin görüşdə Rəsul Çunayev istirahət elədi və onun əvəzinə Rüstəm Əliyev mübarizə apardı.[97] Qrup mərhələsinin sonuncu görüşündə Azərbaycan yığması İsveç güləşçiləri ilə üz-üzə gəldi və 7:1 hesabı ilə qalib gəldi.[97] Rəsul Çunayevin görüşdə rəqibi, erməni əsilli İsveç nümayəndəsi Şərur Vardanyan idi. Rəsul Çunayev rəqibi üzərində təmiz qələbə qazandı və növbəti dəfə qələbədə pay sahibi oldu.[97] Qrup mərhələsinin nəticələrinə əsasən Azərbaycan yığması final görüşünə vəsiqə qazandı.[97] Həlledici görüşdə Azərbaycan yığması Rusiya güləşçiləri ilə üz-üzə gəldi.[98] Gərgin idman mübarizəsi şəraitində baş tutan görüş 4:4 hesabı ilə başa çatsa da, görüşlərdə toplanan hesablara əsasən Azərbaycan güləşçiləri qalib gəldi.[98] Komandanın heyətində Rəsul Çunayev son Dünya Çempionatının qalibi olan Çingiz Labazanov üzərində 2:0 hesabı ilə qələbə qazanaraq Azərbaycan yığmasının turnirin qalibi olmasında pay sahibi oldu. Bununla da yunan-roma güləşi üzrə Azərbaycan yığması tarixində birinci dəfə Dünya Kubokunun qalibi oldu.[98][99] Rəsul Çunayev turnir ərzində üç görüşdə mübarizə apardı və hamısında qalib gəldi. Rəsul Çunayev müsahibəsində "erməni güləşçiləri üzərində qələbə qazanmağa öyrəşdiyini" və Dünya Çempionatının qalibi Çingiz Labazanov üzərində qazandığı qələbəni xüsusi vurğuladı.[100]
Ümumdünya Güləş Birliyinin (UWW) 2015-ci ilin mart[101][102], aprel[103], may[104] və iyun[105] aylarında açıqladığı reytinq cədvəllərinə əsasən Rəsul Çunayev birinci pillədə qərarlaşmışdı.
I Avropa Oyunları
2015-ci ilin əsas turnirlərindən biri 12–28 iyunda baş tutan I Avropa Oyunları oldu.[106][107] Rəsul Çunayev Azərbaycan yığmasının heyətində əsas medal ümidlərindən biri hesab olunurdu. Rəsul Çunayev 1/8 final mərhələsi çərçivəsində baş tutan birinci görüşdə Moldova nümayəndəsi Daniel Kataraga ilə üz-üzə gəldi.[108][109][110] Gərgin idman mübarizəsi şəraitində baş tutan görüşdə o, rəqibinə 8:6 hesabı ilə qalib gəldi və 1/4 final mərhələsinə adladı.[110] Bu mərhələdə Rəsul Çunayev Xorvatiya təmsilçisi Domini Etlinger ilə qarşılaşdı.[110] Həmin görüşdə o, rəqibinə 4:0 hesabı ilə qalib gəldi və turnirin yarım-final mərhələsinə adladı.[110] Finala gedən yolda Rəsul Çunayev Bolqarıstan nümayəndəsi Svilen Kostadinov ilə üz-üzə gəldi.[110] Həmin görüşdə o, rəqibi üzərində 10:0 hesabı ilə inamlı qələbə qazandı və I Avropa Oyunlarının final görüşünə vəsiqə qazandı.[110][110] Həlledici görüşdə Rəsul Çunayevin rəqibi Macarıstan təmsilçisi Balint Korpasi oldu. Çunayev bundan əvvəl 2010 və 2014-cü illərdə Korpasini məğlub eləmişdi. I Avropa Oyunlarının final görüşü Heydər Əliyev adına İdman Arenasında baş tutdu və qarşılaşmanı Azərbaycan Prezidenti İlham Əliyev və birinci xanım Mehriban Əliyeva da izlədi.[110] Final görüşü gərgin idman mübarizəsi şəraitində baş tutdu.
Görüşün əvvəlindən Balint Korpasi passiv güləşirdi. Məhz buna görə də referilər görüşün 1:46-cı dəqiqəsində Balint Korpasinin görüşü parter vəziyyətində davam eləməsinə qərar verdi. Bu vəziyyətdə hücum edən tərəf Çunayev, müdafiə olunan tərəf isə Korpasi oldu. Rəsul Çunayev rəqibin parter vəziyyətində olmasından istifadə elədi və rəqibini sinə üzərindən aşıraraq inamlı fənd tətbiq elədi — 4:0. Görüşün növbəti hissəsidə gərgin idman mübarizəsi şəraitində baş tutdu. Görüşün 4:30-cu dəqiqəsində bu səfər Rəsul Çunayev görüşü parter vəziyyətində davam elədi. Korpasinin hücumundan müdafiə olmağa çalışan Çunayev, buna nail ola bildi. Tomas Korpasi sadəcə görüşün son saniyələrində Rəsul Çunayevi parter vəziyyətinə sala bildi. Nəticədə Rəsul Çunayev rəqibi üzərində 4:2 hesabı ilə qələbə qazandı və bununla da I Avropa Oyunlarının qızıl medalına sahib oldu.[110] Görüşdən dərhal sonra Rəsul Çunayev arenada Azərbaycan bayrağı ilə şərəf dövrəsi vurdu və Azərbaycan Prezidenti — Silahlı Qüvvələrin Ali Baş Komandanı İlham Əliyevə hərbi salam verdi.[111] Təltietmə mərasimi zamanı da Rəsul Çunayevə Avropa Oyunlarının qızıl medalını məhz Azərbaycan Prezidenti İlham Əliyev təqdim elədi.[111]
| 13/06/2015 |  Daniel Kataraga |
Avropa Oyunları | 1/8 final mərhələsi | |||
 Domini Etlinger |
1/4 final mərhələsi | |||||
 Svilen Kostadinov |
1/2 final mərhələsi | |||||
| Balint Korpasi |
qızıl medal qazandı | |||||
Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən I Avropa Oyunlarında qazandığı nailiyyətlərə və Azərbaycan idmanında xidmətlərinə görə Rəsul Abakar oğlu Çunayev "Şöhrət" ordeni ilə təltif edildi.[112]
Ümumdünya Güləş Birliyinin (UWW) 2015-ci ilin iyul və avqust aylarında açıqladığı reytinq cədvəllərinə əsasən Rəsul Çunayev birinci pillədə qərarlaşmışdı.[113][114]
.jpg)
2015-ci ilin əsas turniri 6–12 sentyabrda Birləşmiş Ştatların Las-Veqas şəhərində baş tutan Dünya Çempionatı oldu.[115] Ötən il analoji turnirdə bürünc medala sahib olan Rəsul Çunayev, bu səfər Dünya Çempionatının qalibi olmağa iddialı idi. Rəsul Çunayev sentyabrın 8-də mübarizə apardı.[116] O, 1/16 final mərhələsi çərçivəsində baş tutan birinci görüşdə Monako nümayəndəsi Frans Hassli ilə üz-üzə gəldi.[116] Həmin görüşdə Rəsul Çunayev 10:1 hesabı ilə inamlı qələbə qazandı və 1/8 final mərhələsinə adladı.[116] Bu mərhələdə o, Rusiya təmsilçisi Adam Quraq ilə qarşılaşdı.[116] Həmin görüşdə də Rəsul Çunayev rəqibi üzərində inamlı qələbə qazandı — 10:0.[116] Bununla da o, 1/4 final mərhələsinə adladı.[116] Bu mərhələdə Rəsul Çunayev ötən il baş tutan Dünya Çempionatında qalib gəldiyi Birləşmiş Ştatlar nümayəndəsi Castin Lester ilə üz-üzə gəldi.[116] Bu səfər də o, görüşdə üstün tərəf oldu — 10:0.[116] Bununla da Rəsul Çunayev Dünya Çempionatının yarım-final mərhələsinə adladı.[116] Finala gedən yolda o, Belarus nümayəndəsi Timur Berdıyev ilə üz-üzə gəldi.[116] Bundan əvvəl üç görüşün hamısında inamlı qələbəlar qazanan Rəsul Çunayev, uğurlu seriyanın davamını gətirə bildi və rəqibini 8:0 hesabı ilə məğlub elədi.[116] Bununla da o, Dünya Çempionatının final görüşünə vəsiqə qazandı.[116] Həlledici görüşdə onun rəqibi 2004 və 2008-ci illərdə Avropa Çempionatının qalibi, 2008-ci il Olimpiadasının bürünc medalçısı olan Ukrayna təmsilçisi Armen Vardanyan oldu.[116] Rəsul Çunayev bundan əvvəl Armen Vardanyanı apreldə Finlandiyada baş tutan Avropa Çempionatında 10:0 hesabı ilə məğlub eləmişdi.
Gərgin idman mübarizəsi şəraitində baş tutan görüşdə Rəsul Çunayev rəqibi üzərində 6:4 hesabı ilə qələbə qazandı və Dünya Çempionatının qalibi oldu.[116][117][118] Görüşdnən sonra Rəsul Çunayev ənənəsinə sadiq qalaraq qələbədən sonra hərbi salam verdi.[119]
Dünya Çempionatında 1–6-cı pillələrin sahibi olan güləşçilər Rio-de-Janeyro Olimpiadasına lisenziya qazansa da, Rəsul Çunayevin mübarizə apardığı 71 kq. Olimpiya Oyunlarının proqramında yer almadığı üçün o, Olimpiadaya qədər 66 kq.-da mübarizə aparmağa başlamalı idi.[120][121]
| 08/09/2015 |  Frans Hassli |
Dünya Çempionatı | 1/16 final mərhələsi | |||
 Adam Quraq |
1/8 final mərhələsi | |||||
| Castin Lester |
1/4 final mərhələsi | |||||
 Timur Berdıyev |
1/2 final mərhələsi | |||||
| Armen Vardanyan |
qızıl medal qazandı | |||||
Ümumdünya Güləş Birliyinin (UWW) 2015-ci ilin sentyabr və noyabr ayları üçün açıqladığı reytinq cədvəllərinə əsasən Rəsul Çunayev birinci pillədə qərarlaşmışdı.[122][123]
2015-ci il ərzində Avropa Oyunlarının və Dünya Çempionatında qızıl medala sahib olan Rəsul Çunayev, Gənclər və İdman Nazirliyinin (GİN) versiyasına görə 2015-ci ilin ən yaxşı 10 idmançısından biri seçildi.[124][125] O, həm də Azərbaycan Güləş Federasiyasının (AGF) versiyasına görə ilin ən yaxşı yunan-roma güləşçisi, Azerisport.com idman portalının versiyasına görə isə ilin ən yaxşı idmançısı seçildi.[126][127]
Ümumdünya Güləş Birliyinin (UWW) 2016-cı ilin fevral,[128] mart,[129] aprel[130] və may[131] aylarında açıqladığı reytinq cədvəllərinə əsasən Rəsul Çunayev birinci pillədə qərarlaşmışdı.
2016-cı ilin əsas turniri 5–22 avqustda Braziliyanın Rio-de-Janeyro şəhərində baş tutan XXXI Yay Olimpiya Oyunları oldu. Rəsul Çunayev Rio-de-Janeyro Olimpiadasında mübarizə aparmaq üçün 66 kq.-da çıxış eləməyə başladı.[132] Rio-de-Janeyro Olimpiadasına vəsiqə qazanmaq üçün o, 6–8 mayda İstanbul şəhərində baş tutan Dünya Olimpiya Təsnifat Turnirində mübarizə apardı.[133] Reqlamentə əsasən 1–2-ci pillərinin sahibi olan güləşçilər, Rio-de-Janeyro Olimpiadasına vəsiqə qazanacaqdı. Rəsul Çunayev turnirin birinci görüşündə Xorvatiya nümayəndəsi Domini Etlinger ilə üz-üzə gəldi və rəqibi üzərində təmiz qələbə qazanaraq 1/8 final mərhələsinə adladı.[134] Bu mərhələdə o, Belarus təmsilçisi Pavel Liax ilə qarşılaşdı. Gərgin idman mübarizəsi şəraitində baş tutan görüşdə Rəsul Çunayev 10:8 hesabı ilə qalib gəldi və 1/4 final mərhələsinə adladı. Bu mərhələdə o, Polşa nümayəndəsi David Kareçinsxi ilə üz-üzə gəldi. Həmin görüşdə də üstün tərəf Rəsul Çunayev. O, rəqibi üzərində 6:1 hesabı ilə qələbə qazandı və turnirin yarım-final mərhələsinə adladı. Finala gedən yolda Rəsul Çunayev Fransa təmsilçisi Artax Marqaryan ilə qarşılaşdı. Həmin görüşdə Rəsul Çunayev rəqibini 8:0 hesabı ilə məğlub elədi və final görüşünə vəsiqə qazanmaqla Rio-de-Janeyro Olimpiadasına lisenziyanı təmin elədi. Formal əhəmiyyətə sahib olan final görüşündə isə Rəsul Çunayev Qırğızıstan nümayəndəsi Ruslan Tsarevi 6:0 hesabı ilə məğlub elədi və təsnifat turnirin qalibi oldu.[135]
Rəsul Çunayev Ümumdünya Güləş Birliyinin (UWW) Rio-de-Janeyro Olimpiadasından əvvəl iyun və iyul aylarında açıqladığı reytinq cədvəllərinə əsasən birinci pillədə qərarlaşmışdı.[136][137][138]
İyulun 16-da XXXI Yay Olimpiya Oyunlarında mübarizə aparacaq Azərbaycanın Olimpiya Komandasının yolasalma mərasimi baş tutdu. Mərasimə Azərbaycan Prezidenti — Azərbaycan Milli Olimpiya Komitəsinin Prezidenti İlham Əliyev də qatıldı. Mərasim zamanı Azərbaycan idmançıları adından Olimpiya andını yunan-roma güləşi üzrə Dünya Çempionatının qalibi Rəsul Çunayev içdi.[139]
XXXI Yay Olimpiya Oyunları 5–22 avqustda Braziliyanın Rio-de-Janeyro şəhərinin ev sahibliyində baş tutdu.[140] Yunan-roma güləş üzrə Azərbaycan yığmasının heyətinə beş güləşçi cəlb olundu. Heyətə 2008 və 2012-ci illərdə Olimpiadanın gümüş medalçısı olan Rövşən Bayramov (59 kq.), 2015-ci il Dünya Çempionatının qalibi Rəsul Çunayev (66 kq.), 2015-ci il Avropa Oyunlarının çempionu Elvin Mürsəliyev (75 kq.), 2015-ci il Dünya Çempionatının bürünc medalçısı Saman Təhmasibi (85 kq.) və 2015-ci il Avropa Oyunlarının gümüş medalçısı Sabah Şəriəti (130 kq.) daxil edildi.[141]
Rəsul Çunayev XXXI Yay Olimpiya Oyunlarında avqustun 16-da Carioca Arenada çıxış elədi. Turnirdə 18 güləşçi mübarizə apardı. Rəsul Çunayev 1/16 final mərhələsi çərçivəsində baş tutan birinci görüşdə 25 yaşlı Kuba nümayəndəsi Miguel Martinez ilə üz-üzə gəldi.[142] Həmin görüşdə o, rəqibi üzərində 4:2 hesabı ilə qələbə qazandı. Bununla da Rəsul Çunayev 1/8 final mərhələsinə adladı. Bu mərhələdə o, 2008-ci il Olimpiadasının qalibi, 2009-cu ilin Dünya Çempionatının və 2016-cı ilin Avropa Çempionatının qızıl medalçısı olan Rusiya Federasiyası təmsilçisi İslam-Bəy Albiyev ilə qarşılaşdı. Rəsul Çunayev İslam-Bəy Albiyevi bundan əvvəl 2013-cü ildə Kazan şəhərində baş tutan Universiada Oyunlarında 30 saniyə ərzində məğlub eləmişdi. Məhz bu qələbə Rəsul Çunayevi məşhurlaşdırmışdı. Bu səfər isə görüş gərgin idman mübarizəsi şəraitində baş tutdu. Nəticədə Rəsul Çunayev təcrübəli rəqibi üzərində 4:2 hesabı ilə qələbə qazandı və 1/4 final mərhələsinə adladı. Bu mərhələdə o, Əlcəzair nümayəndəsi Tarix Benaissa ilə üz-üzə gəldi. Həmin görüşdə Rəsul Çunayev Tarix Benaissaya 10:2 hesabı ilə qalib gəldi və Olimpiadanın yarım-final mərhələsinə adladı. Bu mərhələdə o, I Avropa Oyunlarının gümüş medalçısı olan Emənistan təmsilçisi Miqran Arutyunyan ilə qarşılaşdı.
Bundan əvvəl Rəsul Çunayev Ermənistan güləşçiləri üzərində dəfələrlə qələbə qazanmışdı. Prinsiap görüş gərgin idman mübarizəsi şəraitində baş tutdu. Görüşün əvvəlindən Miqran Arutyunyan passiv güləşirdi. Məhz buna görə də referilər görüşün 1:20-ci dəqiqəsində Miqran Arutyunyanın görüşü parter vəziyyətində davam eləməsinə qərar verdi. Bu vəziyyətdə hücum edən tərəf Çunayev, müdafiə olunan tərəf isə Arutyunyan oldu. Rəsul Çunayev rəqibin parter vəziyyətində olmasından istifadə edə bilmədi. Görüşün növbəti dəqiqələri də gərgin idman mübarizəsi şəraitində baş tutdu. Birinci hissənin bitməsinə 16 saniyə qala referilər bu səfər Rəsul Çunayevin görüşü parter vəziyyətində davam eləməsinə qərar verdi. Miqran Arutyunyan rəqibini cəlb fəndiq tətbiq elədi və rəqibini sinə üzərində aşıraraq dörd xal qazandı. Görüşün birinci hissəsi 4:0 hesabı ilə başa çatdı. Görüşün növbəti hissəsində Rəsul Çunayev sadəcə 2 xal qazana bildi. Bununla da Miqran Arutyunyan 4:2 hesabı ilə qalib gəldi və final görüşünə adladı. Rəsul Çunayev isə mübarizəni bürünc medal uğrunda görüşdə davam elədi.
Bürünc medal uğrunda görüşdə Rəsul Çunayev 2013-cü il Dünya Çempionatının qalibi olan Cənubi Koreya nümayəndəsi Ryu Han-Su ilə üz-üzə gəldi. Həmin görüşdə Rəsul Çunayev rəqibi üzərində 8:0 hesabı ilə qələbə qazanaraq XXXI Yay Olimpiya Oyunlarının bürünc medalına sahib oldu.[143]
| 16/08/2016 |  Miguel Martinez |
Olimpiya Oyunları | 1/16 final mərhələsi | |||
| İslam-Bəy Albiyev |
1/8 final mərhələsi | |||||
 Tarix Benaissa |
1/4 final mərhələsi | |||||
| Miqran Arutyunyan |
1/2 final mərhələsi | |||||
 Ryu Han-Su |
bürünc medal qazandı | |||||
Azərbaycan Prezidenti İlham Əliyevin 1 sentyabr 2016-cı il tarixli 2292 nömrəli Sərəncamına əsasən XXXI Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Rəsul Abakar oğlu Çunayev Azərbaycan Prezidentinin fəxri diplomu ilə təltif edildi.[144]
Rio-de-Janeyro Olimpiadasında sonra Rəsul Çunayev noyabrda İstanbulda əməliyyat olundu.[145][146]
Ümumdünya Güləş Birliyinin (UWW) 2017-ci ilin yanvar[147], fevral[148] və mart[149] aylarında açıqladığı reytinq cədvəllərinə əsasən Rəsul Çunayev üçüncü pillədə qərarlaşmışdı.
Rəsul Çunayev Olimpiadadan sonra birinci turnirinə 2017-ci ilə mart ayında yunan-roma güləşi üzrə Azərbaycan yığmasının heyətində İranın Abadan şəhərinin ev sahibliyində baş tutan yunan-roma güləşi üzrə Dünya Kuboku çərçivəsində qatıldı.[150] Azərbaycan yığması "B" qrupunda Belarus, Türkiyə və Ukrayna yığmaları ilə mübarizə apardı.[151] Azərbaycan yığması birinci görüşdə Türkiyə güləşçiləri ilə üz-üzə gəldi və 5:3 hesabı ilə qalib gəldi.[152] Komandanın heyətində Həsən Əliyev mübarizə apardı və qələbə qazanaraq yığmanın qələbəsində pay sahibi oldu.[152] Növbəti görüşdə Azərbaycan güləşçiləri Belarus yığması ilə qarşılaşdı.[152] Bu görüşdə də Azərbaycan yığması rəqibi üzərində qələbə qazandı — 5:3.[152] Komandanın heyətində bu səfər də Həsən Əliyev mübarizə apardı və qələbə qazanaraq növbəti dəfə qələbədə pay sahibi oldu.[152] Qrup mərhələsinin sonuncu görüşündə Azərbaycan yığması Ukrayna güləşçiləri ilə üz-üzə gəldi və bu səfərdə 5:3 hesabı ilə qalib gəldi.[153] Həmin görüşdə Azərbaycan yığmasının məşqçiləri bu səfər Həsən Əliyev əvəzinə Rəsul Çunayevə etimad göstərdi.[153] Nəticədə Rəsul Çunayev, Ruslan İsrafilova 8:0 hesabı ilə qalib gəldi.[153] Qrup mərhələsinin nəticələrinə əsasən Azərbaycan yığması final görüşünə vəsiqə qazandı.[153] Həlledici görüşdə Azərbaycan yığması Rusiya güləşçiləri ilə üz-üzə gəldi.[153] Gərgin idman mübarizəsi şəraitində baş tutan görüşdə Azərbaycan yığması rəqibinə 3:5 hesabı ilə məğlub oldu.[153] Komandanın heyətində Rəsul Çunayev, Abuyezid Mantsiqova gərgin idman mübarizəsi şəraitində baş tutan görüşdə 2:1 hesabı ilə qalib gəldi.[153] Bununla da yunan-roma güləşi üzrə Azərbaycan yığması Dünya Kubokunun gümüş medalına sahib oldu.[153]
Rəsul Çunayev Olimpiadadan sonra birinci uğuruna apreldə Bolqarıstanın Russe şəhərində baş tutan Nihola Petrovun xatirəsinə həsr olunan beynəlxalq turnir çərçivəsində imza atdı.[154] O, turnirin final görüşündə Qığrızıstan nümayəndəsi Ruslan Tsarev üzərində qələbə qazanaraq turnirin qalibi oldu.[155]
2017-ci ilin əsas turnirlərindən biri 2–8 mayda Serbiyanın Novi-Sad şəhərində baş tutan Avropa Çempionatı olsa da, Azərbaycan yığmasının məşqçiləri Rəsul Çunayevin 12–22 mayda baş tutacaq IV İslam Həmrəyliyi Oyunlarına daha yaxşı hazırlaşması üçün həmin turnirdə mübarizə aparmamasına qərar verdi.[156]
Rəsul Çunayev növbəti turnirinə 12–22 mayda baş tutan IV İslam Həmrəyliyi Oyunları çərçivəsində qatıldı.[157] Rəsul Çunayev 1/4 final mərhələsi çərçivəsində baş tutan birinci görüşdə Əlcəzair nümayəndəsi Ahram Bucemlinə qalib gəlsə də, 1/2 final mərhələsində İran təmsilçisi Məhəmməd Gərayiyə məğlub oldu.[158] Bürünc medal uğrunda görüşdə Rəsul Çunayev Türkiyə nümayəndəsi İlher Sönməz üzərində qələbə qazanaraq IV İslam Həmrəyliyi Oyunlarının bürünc medalına sahib oldu.[158]
Rəsul Çunayev Ümumdünya Güləş Birliyinin (UWW) 2017-ci ilin iyun ayında açıqladığı reytinq cədvəlinə əsasən 2-ci, iyul və avqust aylarında açıqladığı reytinq cədvəllərinə əsasən isə birinci pillədə qərarlaşmışdı.[159][160][161]
2017-ci ilin əsas turniri 20–28 avqustda Fransanın Paris şəhərində baş tutan Dünya Çempionatı idi. 2015-ci ildə Dünya Çempionatının qalibi olan Rəsul Çunayev, uzun müddətdən sonra birinci dəfə nüfuzlu turnirdə mübarizə aparırdı.[162] Ümumdünya Güləş Birliyi (UWW) tərəfindən o, çempionatın favoritlərindən biri hesab olunurdu.[163] Rəsul Çunayev Dünya Çempionatında avqustun 20-də mübarizə apardı.[164] Rəsul Çunayev 1/32 final mərhələsi çərçivəsində baş tutan birinci görüşündə Honduras nümayəndəsi Cefrin Mejiaya 8:0 hesabı ilə qalib gəlsə də, 1/16 final mərhələsində Almaniya təmsilçisi Fran Stablerə gərgin idman mübarizəsi şəraitində baş tutan görüşdə 1:2 hesabı ilə məğlub oldu.[165] Rəqibi turnirin final görüşünə vəsiqə qazandıqından Rəsul Çunayev, təsəlliverici qrupda mübarizə apardı.[165] Rəsul Çunayev təsəlliverici qrupun birinci görüşündə Dominikan Respublikasının nümayəndəsi Luis de Leon ilə üz-üzə gəldi.[165] Həmin görüşdə o, rəqibi üzərində 8:0 hesabı ilə qələbə qazandı.[165] Növbəti görüşdə Rəsul Çunayev Belarus təmsilçisi Pavel Liax ilə qarşılaşdı.[165] Bu görüşdə o, rəqibinə 8:4 hesabı ilə qalib gəldi və təsəlliverici qrupun üçüncü görüşünə adladı.[165] Bu səfər Rəsul Çunayevin rəqibi, mayda baş tutan İslam Həmrəyliyi Oyunlarında məğlub olduğu İran nümayəndəsi Məhəmməd Gərayi oldu.[165] Gərgin idman mübarizəsi şəraitində baş tutan görüşdə Çunayev 7:2 hesabı ilə irəlidə olsa da, nəticədə rəqibinə 7:8 hesabı ilə məğlub oldu və Dünya Çempionatını yeddinci pillədə başa vurdu.[165]
Rəsul Çunayev 2018-ci ildə birinci turnirinə 22–25 martda Bolqarıstanın Sofiya şəhərində baş tutan Nihola Petrovun xatirəsinə həsr olunan beynəlxalq turnirdə qatıldı.[166] O, turnirin final görüşündə Fransa nümayəndəsi Evri Nihoqosyan üzərində 8:0 hesabı ilə inamlı qələbə qazanaraq turnirin qalibi oldu.[167][168]
2018-ci ilin əsas turnirlərindən biri 30 aprel-6 mayda Rusiya Federasiyasının Xəzərli şəhərində baş tutan Avropa Çempionatı oldu.[169][170] Dörd ildən sonra Avropa Çempionatında mübarizə aparan Rəsul Çunayev, turnirin favoritlərindən biri hesab olunurdu. Rəsul Çunayev Avropa Çempionatında mayın 1-də mübarizə apardı.[171] O, 1/16 final mərhələsi çərçivəsində baş tutan birinci görüşdə Türkiyə nümayəndəsi Murad Dağ ilə üz-üzə gəldi.[172] Həmin görüşdə Rəsul Çunayev 4:1 hesabı ilə qalib gəldi və 1/8 final mərhələsinə adladı.[172] Bu mərhələdə o, Belarus təmsilçisi Yuri Kanxu ilə qarşılaşdı.[172] Bu görüşdə Rəsul Çunayev rəqibi üzərində 10:0 hesabı ilə inamlı qələbə qazanaraq 1/4 final mərhələsinə adladı.[172] Bu mərhələdə onun rəqibi Moldova nümayəndəsi Daniel Kataraqa oldu.[172] Gərgin idman mübarizəsi şəraitində baş tutan görüşdə Rəsul Çunayev 3:2 hesabı ilə qalib gəldi və turnirin 1/2 final mərhələsinə adladı.[172] Finala gedən yolda o, Gürcüstan təmsilçisi Yuri Lomadze ilə qarşılaşdı.[172] Həmin görüşdə Rəsul Çunayev rəqibi üzərində 12:4 hesabı ilə qələbə qazanaraq Avropa Çempionatının final görüşünə vəsiqə qazandı.[172][173] Həlledici görüşdə onun rəqibi Rusiya Federasiyası nümayəndəsi Adam Quraq oldu.[174] Bundan əvvəl Rəsul Çunayev, Adam Quraq ilə 2015-ci ildə Las-Veqas şəhərində baş tutan Dünya Çempionatında qarşılaşmışdı və o zaman Çunayev rəqibi üzərində 10:0 hesabı ilə inamlı qələbə qazanmışdı. Bu səfər isə görüş gərgin idman mübarizəsi şəraitində baş tutdu.[174] Mayın 2-də Əli Əliyev adına İdman Arenasında baş tutan final görüşündə Adam Quraq, Rəsul Çunayev üzərində 10:5 hesabı ilə qələbə qazandı.[174] Dörd il əvvəl Finlandiyada analoji turnirin finalında məğlub olan Rəsul Çunayev, bu səfər gümüş medala sahib oldu.[174] Görüşdən sonra müsahibəsində "zədələrə görə əvvəl sahib olduğu formanı bərpa edə bilmədiyini" bildirən Rəsul Çunayev, "2 ay əvvələ qədər idmandan uzaqlaşmaqla bağlı qərar verməyi hazır olduğunu" etiraf elədi.[175]
Rəsul Çunayev Ümumdünya Güləş Birliyinin (UWW) 2018-ci ilin may, iyul və avqust aylarında açıqladığı reytinq cədvəllərinə əsasən dördüncü pillədə qərarlaşmışdı.[176][177][178]
2018-ci ilin əsas turniri Macarıstanın Budapeşt şəhərində baş tutan Dünya Çempionatı idi. Ötən il analoji turnirdə uğursuz mübarizə aparan Rəsul Çunayev, bu səfər ən azından turnirin medalına sahib olmağı hədəfləyirdi. Rəsul Çunayev 1/8 final mərhələsi çərçivəsində baş tutan birinci görüşdə Yaponiya nümayəndəsi Tomohiro İnoue ilə üz-üzə gəldi.[179][180] Həmin görüşdə o, 3:1 hesabı ilə qalib gəldi və 1/4 final mərhələsinə adladı.[180] Bu mərhələdə Rəsul Çunayev ötən il Parisdə baş tutan Dünya Çempionatında məğlub olduğu İran nümayəndəsi Məhəmməd Gərayi ilə üz-üzə gəldi.[180] Gərgin idman mübarizəsi şəraitində baş tutan görüşdə o, rəqibi üzərində 6:4 hesabı ilə qələbə qazandı və turnirin yarım-final mərhələsinə adladı.[180] Finala gedən yolda Rəsul Çunayev ötən il Dünya Çempionatında məğlub olduğu daha bir güləşi — Almaniya təmsilçisi Fran Stabler ilə qarşılaşdı və bu səfər də o, rəqibinə məğlub oldu (1:10).[180] Bununla da Rəsul Çunayev mübarizəni bürünc medal uğrunda görüşdə davam elədi.[180] Həlledici görüşdə o, Rusiya nümayəndəsi Abuyezid Mantsigov ilə üz-üzə gəldi.[180] Gərgin idman mübarizəsi şəraitində baş tutan görüşdə rəqibi üzərində 5:4 hesabı ilə qələbə qazanan Rəsul Çunayev, Dünya Çempionatının bürünc medalına sahib oldu.[181]
Rəsul Çunayev Ümumdünya Güləş Birliyinin (UWW) 2018-ci ilin noyabr ayı üçün açıqladığı reytinq cədvəlinə əsasən 2-ci pillədə qərarlaşmışdı.[182]
Rəsul Çunayev Ümumdünya Güləş Birliyinin (UWW) 2019-cu ilin aprel ayında açıqladığı reytinq cədvəlinə əsasən 8-ci pillədə qərarlaşmışdı.[183]
Rəsul Çunayev 2019-cu ildə birinci turnirinə 2–4 avqustda Rumıniyada baş tutan Ladislau Simonun xatirəsinə həsr olunan beynəlxalq turnirdə qatıldı.[184] Həmin turnirdə o, 8-ci pillənin sahibi oldu.
2019-cu ilin əsas turniri 14–22 sentyabrda Qazaxıstanın Nur-Sultan şəhərində baş tutan Dünya Çempionatı idi.[185][186] Beşinci dəfə Dünya Çempionatlarında çıxış edən Rəsul Çunayev, sentyabrın 15-də Barıs Arenada mübaizə apardı.[187] Rəsul Çunayev 1/32 final mərhələsi çərçivəsində baş tutan birinci görüşdə Macarıstan nümayəndəsi Mate Krasznai üzərində 8:0 hesabı ilə inamlı qələbə qazansa da, növbəti görüşdə Olimpiadada qalib gəldiyi Cənubi Koreya təmsilçisi Ryu Han-Suya 1:2 hesabı ilə məğlub oldu. Ryu Han-Su növbəti mərhələlərin birində məğlub olduğu üçün Rəsul Çunayev təsəlliverici qrupda da mübarizə apara bilmədi və Dünya Çempionatını 15-ci pillədə başa vurdu.[188]
Nur-Sultan şəhərində baş tutan Dünya Çempionatında uğursuz mübarizə aparan Rəsul Çunayev, Olimpiya Oyunlarına lisenziya qazanmaq üçün 6–10 mayda Bolqarıstanın Sofiya şəhərində baş tutan Dünya Olimpiya Təsnifat Turnirində çıxış elədi.[189] Rəsul Çunayev turnirin birinci göüşündə Moldova nümayəndəsi Donior İslamov ilə üz-üzə gəldi.[190] Həmid görüşdə o, rəqibinə qalib gəldi və 1/8 final mərhələsinə adladı.[191] Bu mərhələdə Rəsul Çunayev Bolqarıstan təmsilçisi David Dimitrov üzərində 6:0 hesabı ilə inamlı qələbə qazandı və 1/4 final mərhələsinə adladı. Bu mərhələdə o, azərbaycanlı Ukrayna nümayəndəsi Pərviz Nəsibov ilə üz-üzə gəldi. Gərgin idman mübarizəsi şəraitində baş tutan görüşdə Rəsul Çunayev rəqibinə 2:3 hesabı ilə məğlub oldu və Olimpiya Oyunlarına vəsiqə qazana bilmədi.
Dünya Olimpiya Təsnifat Turniri Rəsul Çunayevin mübarizə apardığı sonuncu turnir oldu.
|
|
.jpg)
.svg){kind=small}
"Şöhrət" ordeni — Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən I Avropa Oyunlarında qazandığı nailiyyətlərə və Azərbaycan idmanında xidmətlərinə görə Rəsul Abakar oğlu Çunayev "Şöhrət" ordeni ilə təltif edildi.[192]
"Azərbaycan Sərhəd Mühafizəsinin 100 illiyi (1919-2019)" yubiley medalı — Dövlət Sərhəd Xidmətinin rəisi Elçin Quliyevin əmrinə əsasən Azərbaycan Sərhəd Mühafizəsinin 100 illiyi münasibətilə Dövlət Sərhəd Xidmətinin baş leytenantı Rəsul Abakar oğlu Çunayev "Azərbaycan Sərhəd Mühafizəsinin 100 illiyi (1919-2019)" yubiley medalı ilə təltif edildi.Rəsul Çunayev 2020-ci ilin martından Azərbaycan Milli Anti-Dopinq Agentliyinin (AMADA) İdmançılar Məsləhətçi Komissiyasının, 2012-ci ilin sentyabrdan isə Azərbaycan Milli Olimpiya Komitəsinin (MOK) Atletlər Komissiyasının üzvüdür.[203][204]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
