Azər Quliyev

Azər Barat oğlu Quliyev (12 yanvar 1960, Bakı) — Azərbaycan kino prodüseri, Azərbaycan Respublikasının Əməkdar mədəniyyət işçisi (2008)

Azər Quliyev
Azər Barat oğlu Quliyev
Doğum tarixi	12 yanvar 1960(1960-01-12) (64 yaş)
Doğum yeri	Bakı, Azərbaycan SSR, SSRİ
Fəaliyyəti	film prodüseri

Həyatı

Azər Quliyev 12 yanvar 1960-cı ildə Bakı şəhərində anadan olub. 1981–1985-ci illərdə Moskvanın kinematoqrafiya İnstitutunun kino istehsalının təşkilatı fakültəsini bitirib.^[1]

Fəaliyyəti

1985-ci ildən 2002-ci ilə qədər "Azərbaycanfilm" kinostudiyasında baş iqtisadçı, 2002-ci ildən isə kinostudiyanın istehsalat və maliyyə işləri üzrə direktor müavini vəzifəsində çalışır. Bu illər ərzində "Qəzəlxan" (1993), "Qəm pəncərəsi" (1986) və "Cavad xan" (2009) mürəkkəb quruluşlu tarixi filmlərdə, xarici ölkələrlə müştərək istehsalı olan "Üç qız" (2006), "Salandar"(1995) və "Ondan yaxşı qardaş yox idi" (2010), dərin psixoloji xarakterli "Başqa dünya" (1992) "Ata" (1988) və "Süd dişinin ağrısı" (1987) və müasir problemlərə həsr olunmuş "Qala" (2008), "Buta" (2010) və "Çölçü" (2011) filmlərində icraçı prodüser kimi fəaliyyət göstərmişdir.^[1]

Azər Quliyev bir çox filmlərin prodüseri, bəzi film layihələrinin müəllifi və rəhbəridir.^[1]

Onun əməyi dövlət tərəfindən yüksək qiymətləndirilmiş və o, 2008-ci ildə Azərbaycan Respublikasının Əməkdar mədəniyyət işçisi fəxri adına layiq görülmüşdür.^[1]

Filmoqrafiya

İnzibatçı kimi

1. Qəm pəncərəsi (film, 1986) (tammetrajlı bədii film)
2. Qardaşımdan yaxşısı yox idi (film, 2010) (tammetrajlı bədii film)

Film direktoru kimi

1. Süd dişinin ağrısı (film, 1987) (tammetrajlı bədii film)
2. Qətl günü (film, 1990) (tammetrajlı bədii film)
3. Qəzəlxan (film, 1991) (tammetrajlı bədii film)
4. Ləqəbi "İKA"dır (tammetrajlı bədii film)

İcraçı prodüser kimi

1. Dağıdılmış körpülər (film, 1996) (tammetrajlı bədii film)
2. Güllələnmə təxirə salınır!... (film, 2002) (tammetrajlı bədii film)
3. Buta (film, 2011) (tammetrajlı bədii film)
4. Çölçü (film, 2012) (tammetrajlı bədii film)
5. 4.1 şəhər motivləri (film, 2015) (kinoalmanax)
6. Yarımçıq xatirələr (film, 2015) (tammetrajlı bədii film)

Layihə rəhbəri kimi

1. Cavad xan (film, 2009) (tammetrajlı bədii film)

Xətt prodüseri kimi

1. İlahi məxluq (film, 2011) (tammetrajlı bədii film)

Digər

1. Ata (film, 1988) (qısametrajlı sənədli film)
2. Üç qız (film, 2005) (tammetrajlı bədii film)
3. Qala (film, 2008) (tammetrajlı bədii film)
4. Qırmızı bağ (film, 2016) (tammetrajlı bədii film)

İstinadlar

1. "Quliyev Azər Barat oğlu" (az.). Azerbaijanfilm.az. 2017-11-04 tarixində orijinalından arxivləşdirilib. İstifadə tarixi: 2017-10-24.