Estrella variable Beta Cephei

Les estrelles variables Beta Cephei son un tipu d'estrelles variables que presenten variaciones nel so rellumu por cuenta de pulsaciones na superficie de la estrella. El puntu de máximu rellumu correspuende aproximao a la máxima contraición de la estrella. Les variaciones típiques tán ente 0,01 y 0,03 magnitúes y los periodu ente 0,1 a 0,6 díes. L'arquetipu d'estes variables, la estrella Beta Cephei, a la que deben el so nome, presenta una oscilación nel so rellumu de magnitú aparente +3,16 a +3,27 con un periodu de 4,57 hores.

Son estrelles de tipu espectral B0-B3, que nel diagrama de Hertzsprung-Russell asítiense ligeramante percima de la secuencia principal, con magnitúes absolutes ente -3 y -5. Anguaño supónse que son estrelles que tán abandonando la secuencia principal y sufren por ello una lenta espansión y un amenorgamientu de la so densidá, lo que trai un aumentu nel periodu de pulsación.

Estes estrelles nun tienen de ser confundíes coles estrelles variables Cefeidas, llamaes asina por Delta Cephei.

Principales variables Beta Cephei

Nome	Denominación de Bayer	Tipu espectral	Magnitú aparente máxima	Amplitú de la variación (magnitúes)
Hadar o Agena	Beta Centauri	B1 III	0,61	0,045
Becrux	Beta Crucis	B0.5 IV	1,23	0,08
Shaula	Lambda Scorpii	B1.5 IV	1,62	0,06
Murzim	Beta Canis Majoris	B1 II-III	1,93	0,07
	Épsilon Centauri	B1 III	2,29	0,02
	Alfa Lupi	B1.5 III	2,29	0,05
Girtab	Kappa Scorpii	B1.5 III	2,41	0,01
	Alfa Muscae	B2 IV-V	2,68	0,05
Decrux	Delta Crucis	B2 IV	2,78	0,06
	Gamma Pegasi	B2 IV	2,78	0,11
Al Niyat	Sigma Scorpii	B2 III + O9.5 V	2,86	0,08
	Épsilon Persei A	B0.5 V	2,88	0,12
Alfirk	Beta Cephei	B2 III	3,16	0,11
	Delta Lupi	B1.5 IV	3,20	0,04

Fonte: Variables of b Cephei type (Alcyone)