Delta Lupi
From Wikipedia, the free encyclopedia
From Wikipedia, the free encyclopedia
Delta Lupi (δ Lup / HD 136298 / HR 5695) ye una estrella de magnitú aparente +3,22, la cuarta más brillosa de la constelación de Lupus, dempués de α Lupi, β Lupi y γ Lupi. Anque ensin denominación mesma habitual, dacuando recibe'l nome d'orixe griegu Hilasmus (ιλασμος), que significa «la propiciación».
Delta Lupi ye una subxigante azul de tipu espectral B1.5 IV,[7] una estrella caliente con una temperatura efectivo de 22.400 K. Tan lluminosa como 24.200 soles —incluyendo la enerxía radiada como lluz ultravioleta—, el so radiu ye 11 vegaes más grande que'l radiu solar. Como otres estrelles asemeyaes, rota a gran velocidá —la velocidá midida de 220 km/s ye un valor mínimu— y completa un xiru sobre sigo mesma en menos de 2,4 díes. La so masa, 12 vegaes mayor que la del Sol, implica que va rematar la so vida en forma de supernova.[8] Al igual que α Lupi, Delta Lupi ye una variable Beta Cephei. El so rellumu varia 0,04 magnitúes nun periodu principal de 3,97 hores, con un posible segundu periodu de 3,43 hores.[9]
Como otres estrelles blancu-azulaes na constelación de Lupus, Delta Lupi forma parte d'una asociación estelar OB llamada subasociación «Centaurus Cimera-Lupus», que de la mesma forma parte de la gran Asociación Scorpius-Centaurus. Amás ye miembru del cúmulu estelar Scorpius-Centaurus.[9] Alcuéntrase a 880 años lluz de distancia del Sistema Solar.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.