From Wikipedia, the free encyclopedia
Girtab (κ Sco / κ Scorpii / HD 160578) ye la sesta estrella más brillosa de la constelación de Scorpius, l'escorpión, con magnitú aparente +2,39. El nome de Girtab provién de l'astronomía sumeria y designaba un asterismu formáu por ι Scorpii, λ Scorpii, ν Scorpii y Kappa Scorpii.[6] Anguaño'l nome de Girtab tamién s'utiliza pa la estrella θ Scorpii, igualmente conocida como Sargas.
Asitiada a unos 460 años lluz del Sistema Solar, Girtab ye una estrella xigante de tipu espectral B1.5III.[7][8] Ye una binaria espectroscópica, con un periodu orbital de 195,65 díes y una lluminosidá conxunta 15.300 vegaes mayor que la del Sol. La separación ente les dos estrelles ye de 1,7 UA, daqué más de la distancia que dixebra a Marte del Sol.[9]
La estrella principal, Girtab A, tien una temperatura de 23.400 K y una masa envalorada 10,5 vegaes mayor que la masa solar. Ye una variable pulsante del tipu Beta Cephei que'l so rellumu apenes varia 0,01 magnitúes con un periodu principal de 0,1998 díes y otros periodos secundarios de 0,205, 7,3, 0,19 y 2,59 díes.[9] La estrella secundaria, Girtab B, tien una masa 7 vegaes mayor que la masa solar y ye 3,3 vegaes menos lluminosa que la so compañera.
Girtab forma parte de la gran Asociación Scorpius-Centaurus, l'asociación estelar OB más cercana al sistema solar.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
