Remove ads
El quesu ye un elementu fundamental de la gastronomía asturiana. Hai testimonios qu'afiten que nel ámbitu rural la fabricación de quesos notros tiempos yera abundante y parte de la vida cotidiana. Esta yera una producción familiar, resultáu del escesu de producción llechera y pal consumu, llegando a ser hasta medíu de pagu. La so comercialización pue considerase más bien escasa. Yá Xovellanos nel sieglu XVIII calificó los quesos asturianos como «muy ricos y regalaos», asegurando que yeren lluendios de comercializar, ente otres coses, polos inconvenientes materiales pa la so conservación.
Esti datu últimu ye fundamental pa atalantar el porqué d'esi ámbitu familiar na producción quesera d'Asturies. El tipu de quesu que se facia, non como n'otros llugares d'Europa, yera de difícil tresporte y conservación, ya que nun taben fechos a partir d'una pasta cocía y prensada que favoreciere tales menesteres.
A entamos del sieglu XX la ganadería asturiana adquirió cada vez más importancia na economía del país, llegando a aportar na década de los años 20 más del 20% al total de la producción lláctea del Estáu español, convirtiéndose d'esta manera nel primer productor.
Más tarde, vería un retrocesu pol cambio de cadarma socioeconómica, que motivó una crisis nel campu asturianu, llegando a perder el primer puestu na producción llactea estatal. Esto motivó que la artesanía del quesu decayera aína. L'únicu que se caltuvo con una gran relevancia foi'l Quesu Cabrales.
Nos últimos años del sieglu XX, consecuencia del Tratáu de Maastricht y la esistencia de cuotes llácties, la cabaña ganadera asturiana mengua abondo. Pese a ello, parez que la ellaboración artesana revive gracies a las distintes cooperatives,Denominación d'Orixe Protexida, y al renováu interés pola cultura popular y tradicional. Yá nun ye namái'l Cabrales el que tien una gran proyeición incluso fuera de les fronteres asturianes, sinón qu'otros como'l Casín o l'Afuega'l Pitu cada día cobren más protagonismu.
Remove ads
Esisten 42 variedaes de quesos asturianos artesanos. D'ellos tres tienen anguaño Denominación d'Orixe:
Quesos de vaca
- Quesu d'El Carbayo: Taramundi. Dos variedaes con y sin nuez.
- Quesu d'Ozcos: Grandas de Salime.
- Quesu d'Abredo: Cuaña.
- Quesu de Xinestosu: Cangas del Narcea. Perpoca producción anguaño se ta perdiendo.
- Quesu del Valle del Narcea: Salas.
- Quesu de Fuente: Proaza. De producción esacasa, pero promocioná con unes xornaes anuales.
- Quesu d'Afuega'l Pitu: Morcín, Riosa, San Adrianu'l Monte, Grau, Salas, Pravia, Tinéu, Miranda, Cuideiru, Candamu, Les Regueres, Muros y Sotu'l Barcu.(Denominación d'Orixe Protexida)
- Quesu de La Peral: Illas.
- Quesu Varé ecolóxicu: Siero. Variedá del Varé pero de lleche de vaca. Ún de los pocos quesos ecolóxicos d'Asturies. Certificáu pol Conseyu Regulador de l'Agricultura Ecolóxica Asturiana.
- Quesu Ovín: Nava. Esiste en tres variedaes vaca, cabra y oveya.
- Quesu d'Urbiés: Mieres. De perpoca producción
- Quesu Casín: Sobrescobiu y Casu. (Denominación d'Orixe Protexida)
- Quesu de los Beyos: Ponga y Amieva. Ye candidatu a la Denominación d'Orixe Protexida.
- Quesu de Caxigón: Cabrales.
- Quesu de Canal de Ciercos: Peñamellera Baxa. Faise tamién otra variedá de lleche d'oveya y cabra, namái demientres dalgunos meses al añu.
- Quesu La Cueva de Llonín: Peñamellera Alta.
- Quesu Monje: Peñamellera. Variedá normal y picante (Quesu Monje Picón).
- Quesu de Miranda: L'Altu de La Miranda
- Quesu de Los Carriles
- Quesu d'Inxestu
- Quesu de Piedra
- quesu de Bota o de Vexiga
Quesos de cabra
- Quesu Varé: Siero.
- Quesu Monje Cabra: El Valle Baju de Peñamellera. Variedá de lleche 100% cabra.
- Quesu d'Ovín: Nava. Variedá lleche de cabra.
- Quesu de La Peña: Samartín del Rei Aurelio.
- Quesu de La Collada: Amieva. Variedá de lleche de cabra o oveya.
- Quesu Cuevas del Mar: Llanes.
- Quesu de Peña Tú: Llanes.
- Quesu de Porrúa: Llanes. Variedá de lleche de vaca.
- Quesu de La Chivita: El Valle Baju de Peñamellera. Variedá de lleche de cabra.
- Quesu d'El Boxu: Quesu fechu en Sotu, Cangues d'Onís.
Quesos d'oveya
- Quesu de Xalón: Cangas del Narcea.
- Quesu Ovín. Nava. Variedá lleche d'oveya.
- Quesu de Collada: Amieva. Variedá lleche d'oveya.
- Quesu Oveyeru: Amieva.
- Quesu de Porrúa: Llanes. Variedá de lleche de cabra.
Quesos de mecedura de lleche
- Quesu de Madelva: Piloña. Lleche de vaca y oveya.
- Quesu de Gamonéu: Cangues d'Onís y Onís. Quesu de lleche de vaca, oveya y cabra. Consideráu como'l quesu más caro del mundu. Tien dos variedaes: puertu (mui escasu) y valle.(Denominación d'Orixe Protexida)
- Quesu Cabrales: Cabrales. Primer quesu asturianu qu'algamó la Denominación d'Orixe Protexida en 1982. Lleva los tres tipos de lleches.
- Quesu d'Urriellu: Llanes. Lleches de vaca y cabra.
- Quesu de Pría: Llanes. Lleche de vaca y oveya.
- Quesu de Vidiagu: Llanes. Lleche de vaca y cabra.
- Quesu de Peñamellera: El Valle Altu de Peñamellera. Fechu coles tres lleches.
- Quesu de La Chivita: El Valle Baju de Peñamellera. Variedá con lleche de vaca y cabra.
- Quesu Rozagás: Llanes
- Quesu d'Arangas
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads