From Wikipedia, the free encyclopedia
Gliese 674 (GJ 674 / CD-46 11540 / LHS 449) ye una estrella cercana al Sistema Solar, a namái 14,8 años lluz de distancia, asitiada na constelación d'Ara. En 2007 anuncióse'l descubrimientu d'un planeta estrasolar alredor d'esta estrella.
Gliese 674 ye una nana colorada de magnitú aparente +9,36,[7] polo que nun ye visible a simple vista. De tipu espectral M2.5-3.0V, enantes foi catalogada como una posible estrella subenana de tipu K5.[8] La so masa envalorada ye de 0,35 mases solares[9] y el so radiu equival aproximao al 41% del radiu solar.[10] Con una temperatura superficial de 3600 K, la so lluminosidá bolométrica ye apenes el 1,6% de la lluminosidá solar. Piénsase que ye muncho más nuevu que'l Sol, con una edá de 550 ± 450 millones d'años.[9] El so periodu de rotación ye de 34,8 díes, valor llográu al reparar el movimientu d'una mancha estelar. La bayura de fierro en rellación al hidróxenu ye un 52% de la que presenta'l Sol.
La estrella conocida más cercana a Gliese 674 ye Gliese 682, nana colorada a 1,8 años lluz de distancia.[8]
El planeta, designáu Gliese 674 b o GJ 674 b, tien una masa mínimo inferior a la de Neptunu o Uranu, y orbita mui cerca de la estrella, a una distancia de namái 0,039 UA. Arriendes d'ello, el so periodu orbital ye bien curtiu, d'apenes 4,6938 díes.[11] La escentricidá de la órbita (ε = 0,2) ye similar a la de Mercuriu.[8] Gliese 674 b foi descubiertu utilizando'l espectrógrafu HARPS instaláu nel telescopiu de la ESO en La Silla, Chile.
| Acompañante (N'orde dende la estrella) |
Masa (MJ) |
Periodu orbital (díes) |
Semiexe mayor (UA) |
Escentricidá |
|---|---|---|---|---|
| Gliese 674 b | > 0,037 | 4,6938 ± 0,007 | 0,039 | 0,2 ± 0,02 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
