From Wikipedia, the free encyclopedia
Faramundu o Faramond (en francés Pharamond) ta consideráu tradicionalmente como'l primer monarca de los francos salios, el fundador de la dinastía merovinxa. Dizse que foi padre de Chlodion o Clodión «el Cabelludu» y güelu de Merovéu y que'l so padre foi Marcomir. Ye'l primer Duque de los francos salios de Francia.
Faramundu | |||
---|---|---|---|
| |||
Vida | |||
Familia | |||
Padre | Marcomir | ||
Fíos/es | Clodión | ||
Familia |
ver
| ||
Pueblu | Dinastía merovinxa | ||
Oficiu | políticu | ||
Nel añu 420, travesó'l Rin cerca de Colonia, en direición oeste y empobinó una de los dos rames de los francos, la de los francos salios. La otra yera la de los francos ripuarios o renanos, que s'afitaron nel cursu mediu del RinRíu Rin.
Magar que dellos historiadores consideren que Faramundu podría considerase'l primer rei de Francia —a pesar de que la estensión de los sos dominios yera muncho más llendada y namái entendía los actuales Bélxica, Países Baxos y noroeste d'Alemaña— la moderna historiografía considéralu un personaxe llexendariu ensin nenguna base histórica, frutu de dellos tracamundios nes fontes medievales.
Hacia l'añu 420, reinando los emperadores Honoriu nel Imperiu Romanu d'Occidente y Teodosiu «el Mozu» n'Oriente, lleváronlu alzáu sobre un escudu, presentáronlu a tolos exércitos, y reconociéronlu como Xefe de les tribus. Nun se saben con certidume les sos obres, la so muerte, el llugar au lu enterraron y el nome de la so esposa. Dizse que tamién foi padre de Clenus, que'l so destín desconozse. Faramundu morrió nel añu 428, dempués d'ocho años de reináu.
En 727 apaez per primer vegada'l personaxe de Faramundu. Nel Liber Historiae Francorum dizse que ye fíu de Marcomir y padre de Clodión, Le Chevelu. Dende esi momentu consideráronlu como'l primer rei merovinxu. Los historiadores de la Edá Media fixéronlu reinar nos principios de sieglu.
Esti personaxe alquier un relieve historiográficu nel sieglu XVI, nun contestu nel que destaquen dos circunstancies: la santificación de Clodovéu I y el redescubrimientu de la llei sálica. Clodovéu I, el primer rei cristianu y el primer rei sagráu, beneficiariu del milagru de la Sainte-Ampoule, el primer titular de la flor de lys y la oriflama, concentra nél tolos aspeutos sagraos de la realeza.
Faramundu conviértese nuna especie de doble llaicu: el primer rei paganu del pueblu francu, el so instituidor, y como autor de la llei sálica, el so primer llexislador. La llexitimidá real afítase, poro, doblemente, pola conxunción de relixón y llei. La relativa popularidá de Faramundu nel Vieyu Réxime caltién la vinculación ente los vieyos francos y la llei sálica.
Les fontes hestóriques que dieron llugar a la esistencia de Faramundu son les siguientes:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.