Chequia

Chequia^[20] (Česko) o República Checa (Česká republika) o ye un país d'Europa central, ensin salida al mar y con llendes al norte con Alemaña y Polonia, al este con Eslovaquia y al sur Austria.

Chequia
país
bandera de Chequia escudu de Chequia
Lema nacional	Pravda vítězí (es)
Himnu nacional	Kde domov můj? (es)
Alministración
Nome oficial	Česká republika, Česko República Checa
Capital	Praga
Forma de gobiernu	República parllamentaria
Presidente de Chequia	Petr Pavel (dende 9 marzu 2023)
Primer ministru de Chequia	Petr Fiala (dende 28 payares 2021)
Llingües oficiales	checu
Relixón oficial	ensin valor
División	ver Praga, Rexón de Bohemia Central, Región de Bohemia Meridional (es) , Rexón de Pilsen, Región de Karlovy Vary (es) , Región de Ústí nad Labem (es) , Rexón de Liberec, Región de Hradec Králové (es) , Región de Pardubice (es) , Región de Vysočina (es) , Rexón de Moravia Meridional, Rexón de Olomouc, Rexón de Moravia-Silesia y Región de Zlín (es)
Rellaciones diplomátiques	ver Italia Brasil Alemaña Liechtenstein Israel Australia Eslovaquia Polonia Estaos Xuníos Canadá Bielorrusia Libia Kosovu Islandia Austria Bulgaria Colombia Macedonia del Norte Dinamarca Mongolia Uruguái Malasia Paquistán Taiwán Filipines Méxicu Grecia República Popular China Hungría Corea del Norte (1r xineru 1993) Chile
Miembru de	ver Xunión Europea (1 mayu 2004) Organización de les Naciones Xuníes (19 xineru 1993) Organización del Tratáu del Atlánticu Norte (12 marzu 1999) Organización pa la Cooperación y el Desarrollu Económicos Axencia Espacial Europea Organización Mundial del Comerciu (1 xineru 1995)[1] Conseyu d'Europa Organización Europea pa la Investigación Nuclear Bancu Européu pa la Reconstrucción y el Desenvolvimientu Observatoriu Européu Austral (2007) Organización pa la Seguridá y la Cooperación n'Europa (1 xineru 1993) Bancu Internacional de Reconstrucción y Fomentu (1 xineru 1993) Asociación Internacional de Fomentu (1 xineru 1993) Corporación Financiera Internacional (1 xineru 1993) Organismu Multillateral de Garantía d'Inversiones (1 xineru 1993) Centru Internacional d'Arreglu de Diferencies Relatives a Inversiones (22 abril 1993) Grupu d'Australia (1994) Eurocontrol (1996) Tratado de Cielos Abiertos (es) Réxime de Control de la Teunoloxía de Misiles (1998)[2] Interpol (29 setiembre 1993)[3] Grupu d'abastecedores nucleares [4] Organización pa la Prohibición d'Armes Químiques (29 abril 1997)[5] Centro de Coordinación de Movimientos Europeos (es) [6] Axencia Internacional de la Enerxía [7] UNESCO (22 febreru 1993)[8] Grupu d'Observaciones de la Tierra Xunión Postal Universal (18 marzu 1993)[9] Xunión Internacional de Telecomunicaciones (1 xineru 1993)[10] espaciu Schengen (21 avientu 2007)[11] Visa Waiver Program (2008)[12] Organización Meteorolóxica Mundial (25 xineru 1993)[13] Organización Mundial de la Salú [14] Grupu Visegrád Centro Internacional para el Desarrollo de Políticas Migratorias (es) (2001) Tratáu Antárticu [15] Organización Mundial d'Aduanes (1 xineru 1993)[16] International Holocaust Remembrance Alliance (es) (2002)[17]
Xeografía
Coordenaes	50°N 15°E
Superficie	78,866 km² (puestu 114)
% agua	2,0
Costes	nun tien
Llenda con	1.881 km
Puntu más altu	Sněžka (es)
Puntu más baxu	Ríu Elba
Demografía
Población	10,306,700 (2007) hab. (1r xineru 2024)
Densidá	Error d'espresión: Operador ( inesperáu hab/km²
Xentiliciu	checu[18] checa[19]
Esperanza de vida	79 años
IDH	0,889 (2021)
Tasa de fertilidá	1,13 (1999)
Economía
Moneda	Corona checa
PIB nominal	250 681 000 000 $ (2019)
Bancu central	Česká národní banka
Más información
Dominiu d'Internet	.cz
Códigu telefónicu	+420
Códigu ISO	203 / CZE / CZ
Estaya horaria	UTC+01:00, UTC+02:00, Hora central europea, CEST y Europe/Prague (en)
czechia.eu

Historia

El territoriu checu foi unificáu a caberos del sieglu IX pola dinastía de los přemyslitas. El Reinu de Bohemia foi un poder llocal significante, siendo'l rei de Bohemia ún de los siete electores del emperador del Sacru Imperiu Romanu.

Durante los quinientos años siguientes foi un reinu estable, centru de cultura ya educación n'Europa Central. Durante'l reináu de Carlos IV (1344-1378), Bohemia vivió la so dómina d'oru. Carlos IV convirtió a esta monarquía en la capital del Sacru Imperiu Romanu Xermánicu. Nel añu 1348 fundó la Universidá Carolina de Praga, el centru d'estudios superiores más antiguu d'Europa Central.

Castiellu de Praga

Guardia ceremonial nes afueres del Castiellu de Praga

Llueu de la muerte de Carlos IV entama un periodu de decaecimientu del reinu ya inestabilidá política. Ún de los factores foren los conflitos relixosos como les guerres husites provocaes pola quema na foguera del reformista Jan Hus en 1415 nel Conceyu de Constanza. Dempués de la dinastía de los reis polacos Jagellón, foi elixíu en 1526 al tronu checu el Habsburgu Fernandu II. Con esti autu, y per cuasi cuatrocientos años, los Habsburgu ocuparon la corona checa, y per ende, pasó a ensamar parte del Imperiu Austriacu -postreramente Austrohúngaru-. Baxo'l réxime d'esa familia reinante, Bohemia sufrió guerres afaradores como la Guerra de los Trenta Años nel sieglu XVII y la Guerra de los Siete Años durante la dómina de la Reina María Teresa nel sieglu XVIII.

Dempués del colapsu d'Austria-Hungría tres de la Primer Guerra Mundial, los checos xunto colos sos vecinos los Eslovacos xuniéronse pa ensamar la república independiente de Checoslovaquia en 1918. Esti nuevo país contenía a una gran minoría alemana, lo que llevó a la disolución de Checoslovaquia cuando Alemaña anexó a esta minoría en virtú de los Alcuerdos de Múnich en 1938 y Eslovaquia declaró la so independencia. L'Estáu checu restante foi ocupáu polos alemanes en 1939.

Al finar la Segunda Guerra Mundial Checoslovaquia convirtióse nun Estáu socialista alliniáu cola Xunión Soviética. En 1968, una intervención armao de fuercies del Pautu de Varsovia terminó con una riestra de reformes empobinaes pol entós primer ministru Alexander Dubček, conocíes como la Primavera de Praga (en checu "Pražské jaro"), que tendíen según los sos partidarios a criar un "socialismu con face humano". En 1989 Checoslovaquia adoutó'l multipartidismu y entamó a dexar progresivamente la economía socialista, lo que se conoz como Revolución de Terciopelu. El 1 de xineru de 1993 Checoslovaquia dixebróse en dos por decisión parllamentaria. Dende entós, la República Checa, per un llau, y la República Eslovaca (o Eslovaquia), per otru, son dos países independientes.

La República Checa xunióse la OTAN en 1991 y a la Xunión Europea en 2004.

Gobiernu y política

Václav Havel, primer presidente de la República Checa.

Miloš Zeman, Presidente de la República Checa (2017).

Ye una Democracia parllamentaria, que la so Constitución y la Carta de les llibertaes y Drechos Fundamentales (parte integrante na Carta Magna de la República Checa) foron ratificaes el 16 d'avientu de 1992, entraron en vixencia el primeru de xineru de 1993.

El drechu civil sofítase nel sistema llegal austrohúngaru. El sistema llegal alcuéntrase anguaño na estaya final d'armonización cola llexislación de la Xunión Europea.

El xefe d'Estáu - Presidente de la República, ye elixíu nes eleiciones indireutes poles dos cámares del Parllamentu na so sesión conxunta, el mandatu presidencial ye de 5 años.

El Gobiernu fórmase cada cuatro años, en bas de los resultaos algamaos nes eleiciones parllamentaries (partíu ganaor nes eleiciones o coalición ente los principales partíos ganadores). A la tiesta del gabinete gubernamental alcuéntrase el Primer Ministru (Presidente del Gobiernu), propuestu poles fuercies polítiqiues ganadores nes eleiciones y ratificáu pol Presidente de la República.

El so poder llexislativu sofítase nun Parllamentu de la República Checa, bicameral. La cámara de Diputaos tien 200 escaños, y les eleiciones parllamentaries fáense cada cuatro años, en bas a un sistema proporcional. El Senáu cunta con 81 senadores, elixíos pal periodu de 6 años (sistema mayoritariu). Una tercera parte del Senáu renuévase en eleiciones cada dos años.

El Ministeriu de Rellaciones Esteriores de la República Checa encamienta l'usu de^[21] la denominación "Chequia" (en checu Česko) pa cualesquier situación sacante nos documentos oficiales, y desea que se siga el mesmu patrón que con otros estaos, por exemplu, la República Francesa o el Reinu d'España, davezu conocíos como Francia y España, respeutivamente. Entá asina, magar que'l términu curtiu entama a usase, el términu entá nun tien reconocencia na cartografía, y el so reemplazu nun tiempu próximu nun paez columbrable.

Organización político-alministrativa

La República Checa ta ensamada por 13 rexones (kraje en checu) y una ciudá capital (hlavní město), conseñada con un *:

Color	Rexón	Capital	Habitantes (2005)
	Praga* (Hlavní město Praha)	Praga	1 176 592
	Bohemia Meridional (Jihočeský kraj)	České Budějovice	626 870
	Moravia Meridional (Jihomoravský kraj)	Brno	1 130 620
	Karlovy Vary (Karlovarský kraj)	Karlovy Vary	304 644
	Hradec Králové (Královéhradecký kraj)	Hradec Králové	547 903
	Liberec (Liberecký kraj)	Liberec	428 291
	Moravia-Silesia (Moravskoslezský kraj)	Ostrava	1 251 883
	Olomouc (Olomoucký kraj)	Olomouc	639 033
	Pardubice (Pardubický kraj)	Pardubice	505 584
	Plzeň (Plzeňský kraj)	Pilsen	550 369
	Bohemia Central (Středočeský kraj)	Praga	1 150 040
	Ústí nad Labem (Ústecký kraj)	Ústí nad Labem	823 020
	Vysočina (Kraj Vysočina)	Jihlava	510 032
	Zlín (Zlínský kraj)	Zlín	590 484

Xeografía

Allugada n'Europa central, a unos 50 graos de llatitú Norte y 15 de llonxitú Este. Con una superficie de 78.864 km², comparable cola de Portugal, Austria o Irlanda, esti estáu tien una densidá demográfica de 131 habitantes por quilómetru cuadráu.

Nel interior del país apaecen llanades y mesetes llixeramente ondulaes, mentres que a lo llargo de la llende, sacantes nel sureste del país, írguinse cordoleres montañoses qu'ensamaben históricamente la llende natural de los denomaos Países Checos. El puntu más baxu ye la salida del ríu Elba del territoriu checu, mentres que'l más altu ye'l monte Sněžka, con 1.602 d'altor.

El bioma dominante ye la viesca templada de frondoses, magar que tamién s'alcuentra la viesca templada de coníferes nos Cárpatos. WWF dixebra'l territoriu de República Checa ente cuatro ecorrexones:

• Viesca de frondoses d'Europa occidental, nes tierres altes del oeste
• Viesca mixta de Panonia, nel sureste
• Viesca montana de los Cárpatos, nel cabu este
• Viesca mista d'Europa central, nel restu'l país

Referencies

1. URL de la referencia: https://www.wto.org/english/thewto_e/countries_e/czech_republic_e.htm. Data de consulta: 9 ochobre 2024.
2. URL de la referencia: http://mtcr.info/partners/. Data de consulta: 4 avientu 2017.
3. URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
4. URL de la referencia: http://www.nuclearsuppliersgroup.org/en/participants1. Editorial: Grupu d'abastecedores nucleares. Data de consulta: 7 avientu 2017.
5. URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
6. URL de la referencia: http://mcce-mil.com/wp-content/uploads/glance/MCCE-AT-A-Glance-September-2017.pdf. Editorial: Centro de Coordinación de Movimientos Europeos. Data de consulta: 8 avientu 2017.
7. URL de la referencia: https://www.iea.org/countries/membercountries/. Editorial: Axencia Internacional de la Enerxía. Data de consulta: 8 avientu 2017.
8. URL de la referencia: http://www.unesco.org/eri/cp/ListeMS_Indicators.asp.
9. URL de la referencia: http://www.upu.int/en/the-upu/member-countries.html. Data de consulta: 4 mayu 2019.
10. URL de la referencia: https://www.itu.int/online/mm/scripts/gensel8. Data de consulta: 4 mayu 2019.
11. URL de la referencia: https://www.touteleurope.eu/les-pays-membres-de-l-espace-schengen.html.
12. URL de la referencia: https://www.dhs.gov/visa-waiver-program-requirements. Data de consulta: 7 marzu 2020.
13. URL de la referencia: https://public.wmo.int/en/members/czech-republic. Data de consulta: 26 mayu 2020.
14. URL de la referencia: https://www.who.int/choice/demography/by_country/en/. Data de consulta: 21 xunetu 2020.
15. URL de la referencia: https://www.ats.aq/devAS/Parties?lang=e.
16. URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 4. Supports qualifier: data de principiu.
17. URL de la referencia: https://holocaustremembrance.com/countries/czech-republic. Data de consulta: 17 marzu 2024. Tipo de referencia: official member page. Supports qualifier: data de principiu.
18. Aplícase a esta parte: masculín singular.
19. Aplícase a esta parte: femenín singular.
20. (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.
21. Llista de nomes y abreviaciones oficiales nel Llibro d'estilu interinstitucional. Ha notase que na columna nome usual recomiéndase el términu Chequia.

• Wikimedia Commons tien conteníu multimedia tocante a República Checa.

• Datos: Q213
• Multimedia: Czech Republic