Atifete Jahjaga

Atifete Jahjaga (20 d'abril de 1975, Gjakova) ye una política kosovar. Dende'l 7 d'abril de 2011 hasta'l 7 d'abril de 2016, exerció como la cuarta presidenta de la República de Kosovu.

Atifete Jahjaga
4. Presidente de Kosovu 7 abril 2011 - 7 abril 2016 ← Jakup Krasniqi - Hashim Thaçi →
Vida
Nacimientu	Gjakova, 20 d'abril de 1975[1] (49 años)
Nacionalidá	Kosovu
Estudios
Estudios	Universidá de Prístina FBI National Academy (en) George C. Marshall European Center for Security Studies (en) Universidá de Leicester Universidá de Prístina
Llingües falaes	albanés
Oficiu
Oficiu	política, policía
Creencies
Relixón	islam
Partíu políticu	políticu independiente

Biografía

Jahjaga con líderes relixosos.

Jahjaga tuvo una llarga trayeutoria como política, llegando a subdireutora de la Policía de Kosovo^[2] col rangu de mayor xeneral.^[3] Con dicha posición, aportó a la muyer de mayor rangu dientro de les fuercies policiales d'Europa Sudoriental.^[4]

El 6 d'abril de 2011, foi nomada como candidata de consensu a la presidencia de la República de Kosovu per parte del Partíu Democráticu, l'Alianza por un Nuevu Kosovu y la Lliga Democrática de Kosovu, depués de que Behgjet Pacolli tuviera d'abandonar el cargu'l 30 de marzu de 2011 al ser anulada la so eleición pol Tribunal Constitucional de Kosovu. A otru día, Jahjaga foi escoyida en primer vuelta pola Asamblea de Kosovu. De los 100 parllamentarios, 80 votaron por Jahjaga y 10 por Suzan Novoberdali.^[3] Nel so discursu inaugural, Jahjaga manifestó qu'unu de los sos oxetivos sería asegurar l'insertamientu de Kosovu como miembru a la Xunión Europea y les Naciones Xuníes.^[5]

Ta casada con Astrid Kuçi y viven en Pristina. Egresada de la Facultá de Derechu de la Universidá de Pristina, ente 2006 y 2007 asistió a un programa de certificación de posgráu en Xestión de la Policía y de Derechu Penal na Universidá de Leicester nel Reinu Xuníu, y en 2007 fixo'l Posgráu en Ciencies de la delincuencia na Universidá de Virginia nos Estaos Xuníos. Asistió a los programes profesionales y d'investigación nel Centru Européu d'Estudios de Seguridad «George C. Marshall» Alemaña, na Academia Nacional del FBI y nel Departamentu de Xusticia de los Estaos Xuníos. Anguaño cursa estudios de maestría na direición de Rellaciones Internacionales de la Facultá de Derechu de la Universidá de Pristina.^[6]