especie de páxaru From Wikipedia, the free encyclopedia
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
El pollu marín[2] (Alle alle) ye una especie d'ave caradriforme de la familia Alcidae. Ye unu de los miembros de menor tamañu de la familia. Habita les costes predreses del Atlánticu norte. Los temporales serondiegos pueden esviar a dellos exemplares escontra'l sur, por ello ye posible reparar a estes aves nes costes del noroeste d'España. Dellos años apaez en grandes cantidaes, ente que n'otros ye más escasu. Nos años bonos, los vientos puen abasnar a unos cuantos escontra l'interior.
Alle alle pollu marín  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Charadriiformes | |
| Familia: | Alcidae | |
| Xéneru: |
Alle Link, 1806 | |
| Especie: |
A. alle (Linnaeus, 1758) | |
| Consultes | ||
| [editar datos en Wikidata] | ||
Ye únicu na familia Alcidae pol so tamañu, que ye la metá de la del gallu marín[3], con 19-21 cm de llargor y 34-38 cm de valumbu. Los adultos son blancos na tiesta, gargüelu, envés y ales, con partes ablancazaes basales. El plumaxe ye curtiu. La so parte anterior pue volvese ablancazada pel iviernu.
Nel adultu en plumaxe nupcial, la tiesta, gargüelu y pescuezu son pardos; l'envés, negru, con ribetes de color blancu; l'inferior, ye blancu; les ales son parduces per debaxo; el picu ye negru, y les pates, plomices.
Nel adultu con plumaxe ivernizu, el mentón, gargüelu, pileu y llateral del pescuezu y mexelles per detrás son blanques.
Los mozos son asemeyaos a los adultos en plumaxe nupcial pero en tonos más pardos.
Les colonies de cría suelen ser enormes, con munchos exemplares esnalando a gran altor xunto a los cantiles. Suelen nalar cola tiesta elevada y la cola arguta. Una vegada tierra adientro, son bien vulnerables a los predadores. Cuando se somorguien pa cazar, tornen a la superficie llexando como un corchu, d'una forma rápida y carauterística.
Por vezu vuelen baxu, raspiando l'agua del mar. Pósense con dambes pates, de sópitu, de güelpe. Merguyen perbién. Trátase d'una especie gregaria.
La so voz ye en notes estridentes, pero namái nes árees de cría; fuera d'elles, ye silenciosu. Trátase d'una voz aguda, vocinglera, caltriante.
El so nial ye en lluriga, a ciertu altor. Contién un únicu güevu puestu nuna niarada, en xunu.
Ye colonial, arrexuntándose les pareyes reproductores en costes predreses. El nial ta ensin revistir, y alluga un güevu de color azul maciu. Dase una puesta añal, que ye guarada mientres 24 díes tantu pol machu como pola fema.
Aliméntase de pequeños pexes y de crustáceos.
En cantiles marinos del árticu y en zones montascoses. Ye común velu al debalu tres nubes y temporales.
Los arramaos de fuel (marees negres) afeuten especialmente a estes aves. La sobrepesca nun los amenacia especialmente, pos el so alimentu principal, los pequeños crustáceos, escarecen d'interés pesqueru. Sicasí, el cambéu climáticu y el consiguiente calentamientu global sí paecen contribuyir al descensu de les poblaciones nel sur d'Islandia.
Los sos predadores habituales son la gaviota blanca[4](Larus hyperboreus) y la raposa ártica[5] (Alopex lagopus), anque describióse la depredación de los sos güevos per parte del osu polar[6]
Cría n'islles del Árticu, Visitante raru a finales de seronda o iviernu nel noroeste d'Europa; numberosu nel mar del Norte mientres poco tiempu dempués de temporales de vientos maestrales; dacuando, nel interior, si la torbonada foi bien fuerte.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
