Alca torda
From Wikipedia, the free encyclopedia
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
El pitorru[2] (Alca torda) ye una especie d'ave caradriforme de la familia Alcidae. Ye la única especie del so xéneru. Nun aveza a ser tan numberosa como'l aráu común[3] (Uria aalge), pero ye habitual nes colonies d'aves marines nel noroeste d'Europa, con frecuencia menos llamativu por cuenta de la so preferencia por buecos en llugar de repises abiertes.
Alca torda pitorru  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Charadriiformes | |
| Familia: | Alcidae | |
| Xéneru: |
Pitorru (Linnaeus, 1758) | |
| Especie: |
A. torda Linnaeus, 1758 | |
| Distribución | ||
 | ||
| Consultes | ||
| [editar datos en Wikidata] | ||
Descripción
El pitorru tien 38-43 cm de llargor, con un valumbu de 60-69 cm. Tien les partes inferiores blanques y la tiesta, pescuezu, envés y pates negres mientres la temporada de reproducción. Una delgada llinia blanca estiéndese dende los güeyos hasta'l final del picu. Mientres la temporada non reproductiva, el gargüelu y la parte trasera de los güeyos vuélvense blancos, y la llinia blanca na cara vuélvese menos importante.[4] El picu ye de color negru, y ye gruesu de forma desafilada. La cola ye apuntiada. .[5]
Pel branu aveza a dir a les badees abellugaes y a los estuarios, más que'l aráuNOA. Estrémase pola so forma, y la so cola arguta y apuntiada estrémase de la curtia y cuadrada del aráu[6]NOA; la forma de la tiesta y del picu son les meyores pistes pa identificalu de cerca.
Distribución
Cría n'islles y en costes predreses. N'Europa, el so área de distribución estiéndese dende Islandia hasta'l noroeste de Francia, ya inclusive llega hasta'l norte d'España, onde la so presencia ye rara. Cría en cantiles con cuévanos o piedres. Estendíu pel iviernu, averándose dacuando a la mariña. Bien raru tierra adientro, inclusive tres vientos fuertes. [7]
Na mariña oriental americana, llega pel sur hasta Maine.[8]
Ente'l 60 y el 70% de la población mundial d'alca común añera n'Islandia.[8]
Hábitat
El so hábitat de reproducción ye islles, costes predreses y cantiles nel norte de la mariña Atlántica, nel este d'América del Norte hasta'l sur de Maine (Estaos Xuníos), y nel oeste d'Europa, dende'l noroeste de Rusia hasta'l norte de Francia. Les aves de Norteamérica migren n'alta mar y nel sur, dende'l Gran Bancu de Terranova a Nueva Inglaterra. Les aves d'Eurasia tamién enviernen nel mar, con dalgunes moviéndose bien lloñe, hasta l'oeste del Mediterraneu.[9]
Comportamientu
Alimentu y añeramientu
Estes aves busquen comida al nalar so l'agua. Los pitorros puen permanecer so l'agua mientres aproximao un minutu enantes de dir a superficie. Atrapen a les sos preses y xíntenles so l'agua. Aliméntense principalmente de pexes, como'l llongarón[10]NOA, l'arenga[11]NOA y Mallotus villosus, tamién dellos crustáceos y viérbenes marinos. Añeren en grandes colonies y ponen los sos güevos na roca o tierra. El cortexu inclúi tocase los picos y dambos sexos siguen l'unu al otru en figures de vuelos ellaboraos. Caún dirá a la gueta d'alimentos, y dempués, va volver al ñeru pa faese cargu del cuidu de los güevos o los pitucos. Pa l'alimentación de les sos críes, puen llevar hasta 20 pexes al ñeru al empar. Tamién pueden esnalar más de 100 km escontra'l mar p'alimentase, mientres la incubación de güevos, pero cuando se trata del suministru de los mozos, aliméntense más cerca de les zones d'añeramientu.[12] La pareya va tar xunida pol restu de les sos vides.
Ver tamién
- Ave marina
- Kiviak
Referencies
Enllaces esternos
Wikiwand - on
Seamless Wikipedia browsing. On steroids.