From Wikipedia, the free encyclopedia
Omega Capricorni (ω Cap / 18 Capricorni / HD 198542)[6] ye una estrella na constelación de Capricorniu de magnitú aparente +4,12, la séptima más brillosa de la mesma a pesar de la so denominación de Bayer «Omega». Tien el nome tradicional, pero pocu utilizáu, de Baten Algiedi, d'orixe árabe y que significa «banduyu» —de la cabra de mar—.
Omega Capricorni alcuéntrase a una distancia averada de 630 años lluz, y ye una estrella xigante de tipu espectral inciertu ente K5 y M0 que la so temperatura efectivo averada ye de 3960 K.[7] La midida del so diámetru angular —0,005 segundos d'arcu— dexa calcular el so tamañu; el so radiu ye 104 vegaes más grande que'l del Sol o, lo que ye lo mesmo, 0,5 UA, la metá de la distancia esistente ente la Tierra y el Sol. Xira sobre sigo mesma con una velocidá de rotación proyeutada de 4,7 km/s. Con una masa envalorada ente 5 y 6 mases solares, probablemente alcuéntrase nuna fase estable de la so evolución, tresformando heliu en carbonu nel so interior. Anque clasificada como estrella de bariu «leve», la so pertenencia a esti grupu ye discutible.[8]
A lo último, hai de solliñar qu'Omega Capricorni ta clasificada como una posible estrella variable.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.