Menandro ( Μένανδρος: (Atenes, ca. 342 e.C. - ibid., ca. 292 e.C.) foi un comediógrafu griegu: el máximu esponente de la llamada comedia nueva. [3]
Menandru d'Atenes | |
|---|---|
 | |
| Vida | |
| Nacimientu |
Cefisia (es)  , dable [1] |
| Nacionalidá | Antigua Atenes |
| Llingua materna | griegu antiguu |
| Muerte |
Freattyda (en) , [1] (40/59 años) |
| Causa de la muerte | afogamientu |
| Familia | |
| Padre | Diopites |
| Madre | Hegesistrata |
| Pareyes |
Glycera (es) |
| Estudios | |
| Estudios |
Escuela peripatética (es) |
| Llingües falaes | griegu antiguu[2] |
| Alumnu de |
Alexis de Turio (es) Teofrasto |
| Oficiu | comediógrafu, poeta |
| Trabayos destacaos |
Dyskolos (es) Aspís (es) Encheiridion (es) Epitrépontes (es) Misóumenos (es) Perikeiromene (es) Samía (es) Sikyonioi (es) |
| Premios |
ver
|
| Movimientu |
comedia nueva (es) [1] |
| Xéneru artísticu | Comedia |
| IMDb | nm1618267 |
 | |
Biografía
Fíu de Diopites y Hegesístrata, hermana del comediógrafu Alexis, goció de bastantes bienes como pa llevar una vida acomodada. Foi amigu de mocedá d'Epicuro y de Zenón de Citio, y discípulu del so pariente'l poeta Alexis de Turio y del filósofu Teofrasto, socesor d'Aristóteles nel Llicéu y autor del tratáu Los calteres, que probablemente influyó na so obra dramática. Foi'l máximu representante de la comedia nueva ateniense xunto con Filemón de Siracusa (o de Solos (Cilicia), Dífilo, Apolonio de Caristo, Posidonio de Casandra y escribió cientu cinco pieces, de les cualos una llegó a los nuesos tiempos completa, Cerriscu (Dyskolos), y seis casi enteres, Arbitraxe, Repunáu, Escudu, Rapada, Samia y Sicionio (títulos orixinales, Epitrépontes, Misoúmenos, Aspís, Perikeiroméne, Samia, Sicyonios), según escenes sueltes de dieciocho. Del restu namái queden fragmentos escoyíos más o menos pol so valor gnómico. Favorecíu por Demetrio de Falero (317-307 e.C.), cai en desgracia con Demetrio Poliorcetes y Lácares. Vive estremáu con Glícera, la hetera, en El Pireo. Los sos comedies fueron premiaes ocho veces (trés nes Leneas, cinco nes Dionisias), pero foi pospuestu, quiciabes por motivos políticos, al más antiguu Filemón, trenta años mayor, nel favor públicu. Tornó la invitación de Ptolomeo I Sóter d'instalase en Alexandría.
Obra
El teatru de Menandro caracterízase, como'l de tola comedia nueva, pola ambientación urbana, el tratamientu de temes cotidianes, l'abandonu de les temes heroiques y la desapaición del coru n'escena, al empar que la vivacidad de los diálogos. Les sos comedies, en cinco actos y separaes por entemedios, tán escrites en llingua antigua, y el versu que de normal utiliza ye'l yámbico. Yera bien arteru na carauterización de los personaxes, que son na so mayoría tipos populares, y munchos d'ellos pasaron a ser arquetipos de vicios (el parásitu, el avaro, el misántropu); apoderó la trama y la so verosimilitud, que curió especialmente por causa de la so formación aristotélica (respeta les unidaes de llugar y tiempu). El peripatéticu Linceo de Samos, contemporaneu del poeta, dedicó un ensayu al so teatru. Como heriedu de la traxedia d'Eurípides utilizó la peripeteia o peripecia (esto ye, la inversión d'una situación) y l'anagnórisis (reconocencia). Los argumentos yá nun proceden del mitu sinón de la vida real: amoríos, conflictos xeneracionales ente padres y fíos, neños espuestos, rapaces violaes y un final feliz con una o delles bodes. Nel entueyu y resolución de la intriga desempeña l'azar un papel fundamental.
Escépticu no relixoso, tien una concepción optimista de la naturaleza humana («¡Qué cosa tan prestosa l'home, cuando ye home!»), pola so fe na solidaridá col asemeyáu ("soi home y nada de lo humano yeme ayenu" esta cita ye de Terencio, non de Menandro) y la so creencia de que la virtú, percima de les diferencies de raza o d'estamentu social, ye patrimoniu común del xéneru humanu. Puede tenese pol más cabal formulador de los ideales del Humanismu
Les sos comedies fueron bien asonsañaes non yá polos sos contemporáneos, sinón polos autores llatinos Publio Terencio y Titu Maccio Plauto y, al traviés d'ellos, el so estilu pasó depués al teatru del Renacimientu européu.
Atribúyense-y delles sentencies conteníes na obra Comparanza de Menandro y Filistión, onde se-y comparó con Filistión de Nicea.
Comedies
_Act_4_Mytilene_3cAD.jpg)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
