Cayu Xuliu César. (en llatín Gaius Iulius Caesar IMP•CAIVS•IVLIVS•CAESAR•DIVVS) más conocíu como Xuliu César[10] (disputado (es) 
xunetu 100edC, Roma – 44 de edC, Teatro de Pompeyo (es) ) foi un xefe políticu y militar de la dómina final de la República de Roma. Les sos conquistes na Galia estendieron el dominiu romanu hasta l'Océanu Atlánticu. Nel 55 e.C. César allanzóse a la primer invasión romana de Britania.
 | Esti artículu o seición necesita un ameyoramientu no que cinca a la redaición, la gramática o la ortografía. |
Xuliu César | |||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) | |||||||||||||||||||||||||||||||||
valor desconocíu - 44 edC
84 edC - 81 edC
73 edC - 63 edC
69 edC - 69 edC
65 edC - 65 edC
63 edC - 44 edC
62 edC - 62 edC
61 edC - 60 edC
59 edC - 59 edC
58 edC - 49 edC
1r ochobre 49 edC - 15 marzu 44 edC
49 edC - 44 edC
48 edC - 48 edC
46 edC - 46 edC
45 edC - 45 edC
44 edC - 44 edC | |||||||||||||||||||||||||||||||||
| Vida | |||||||||||||||||||||||||||||||||
| Nacimientu |
Roma[1], disputado (es) xunetu 100edC[2] | ||||||||||||||||||||||||||||||||
| Nacionalidá | Antigua Roma | ||||||||||||||||||||||||||||||||
| Residencia | Roma | ||||||||||||||||||||||||||||||||
| Llingua materna | llatín | ||||||||||||||||||||||||||||||||
| Muerte |
Teatro de Pompeyo (es) [3], [4] (55 años) | ||||||||||||||||||||||||||||||||
| Sepultura |
Templo de César (es) | ||||||||||||||||||||||||||||||||
| Causa de la muerte | Hemorraxa | ||||||||||||||||||||||||||||||||
| Asesín |
Publio Servilio Casca (es) Décimo Junio Bruto Albino (es) Lluciu Tiellu Cimber Cayo Casio Longino (es) Marco Xunu Brutu | ||||||||||||||||||||||||||||||||
| Familia | |||||||||||||||||||||||||||||||||
| Padre | Cayo Julio César | ||||||||||||||||||||||||||||||||
| Madre | Aurelia | ||||||||||||||||||||||||||||||||
| Casáu con |
Calpurnia (es) (59 edC – m. 44 edC)[5] Pompeya (es) (67 edC – div. 61 edC)[6]Cornelia (es) (84 edC – m. 68 edC)[5] | ||||||||||||||||||||||||||||||||
| Pareyes |
Servilia (es) Cleopatra VII Tertulla Eunoe (es) Mucia Tercia (es) Cosucia (es) Lòl·lia Postúmia Sempronia (es) Pomponia (es) Clodia Postumia (es) Mamurra (es) Nicomedes IV de Bitinia (es) Nysa (en) | ||||||||||||||||||||||||||||||||
| Fíos/es |
| ||||||||||||||||||||||||||||||||
| Hermanos/es | |||||||||||||||||||||||||||||||||
| Pueblu |
Julios Césares (es) Dinastía Xulio-Claudia | ||||||||||||||||||||||||||||||||
| Estudios | |||||||||||||||||||||||||||||||||
| Llingües falaes |
llatín[8] griegu antiguu | ||||||||||||||||||||||||||||||||
| Oficiu |
orador, memorialista, gobernante, historiador de la Antigua Roma (es) , poeta, sacerdote de la Antigua Roma (es) , políticu de l'Antigua Roma, militar de l'Antigua Roma, políticu, líder militar, escritor, historiador | ||||||||||||||||||||||||||||||||
| Trabayos destacaos |
De bello Gallico (es) De bello civili (es) | ||||||||||||||||||||||||||||||||
| Premios |
ver
| ||||||||||||||||||||||||||||||||
| Miembru de |
Primer Triunvirato (es) | ||||||||||||||||||||||||||||||||
| Serviciu militar | |||||||||||||||||||||||||||||||||
| Graduación |
tribuno militar (es) imperator (es) | ||||||||||||||||||||||||||||||||
| Lluchó en |
segunda guerra civil de la República romana (es) Guerra de les Galias | ||||||||||||||||||||||||||||||||
| Creencies | |||||||||||||||||||||||||||||||||
| Relixón | Relixón na Antigua Roma | ||||||||||||||||||||||||||||||||
| Partíu políticu |
populares (es) [9] | ||||||||||||||||||||||||||||||||
| IMDb | nm2471712 | ||||||||||||||||||||||||||||||||
 | |||||||||||||||||||||||||||||||||
César lluchó y ganó una guerra civil a escontra la faición conservadora del senáu romanu encabezada por Pompeyu. Tres la derrota de los optimates, convirtióse en dictador vitaliciu (nel conceptu romanu del términu) y anició una riestra de reformes alministratives y económiques en Roma.
El so dramáticu asesinatu nos idus de marzu por un greyu de senadores, ente los cuáles alcontrábase'l so amigu Bruto (fiyascu), que teníen la intención de salvar la República ante la llercia que-yos producía a los amagostadores de que César nomárese rei. Pero'l so asesinatu entamó una nueva guerra civil ente los partidarios de César (Octaviu, Marcu Antoniu y Lépido), y los defensores de la República (Bruto y Casio principalmente).
Esti conflictu terminó cola vitoria de los partidarios de César na doble batalla de Filipos, y l'establecimientu del Segundu Triunviratu nel que Octaviu, Marco Antonio, y Lépido repartiéronse'l control de Roma. Ensin embargu, nueves tensiones ñacieron ente Octaviu y Marco Antonio llevando estes rocees a otra guerra civil, finando cola derrota de Marco Antonio na batalla d'accio, dexando a Octavio como líder indiscutible del mundiu romanu. Esta dómina de guerra civil trensformó la República de Roma nel Imperiu romano col sobrín-nietu de César (y fiyascu) Octavio, depués conocíu como César Augustu, como'l primer Emperador.
Los fechos militares de César y gran parte de la so vida son conocíos al traviés del so propiu puñu y lletra y de rellatos d'autores como Suetoniu y Plutarcu.
Primeros años
César ñació en Roma nel sen d'una antigua familia de patricios, nomada los Xulia. La so ascendencia, d'acordies cola lleenda, algamaba a Iulo, fíu del príncipe troyanu Eneas y nietu de la diosa Venus. Nel apoxéu del so poder, César entamó en Roma la construcción d'un templu a Venus Genetrix, en reconocencia a la so supuesta antepasada.
César medró nel Subura, un barriu de clase baxa de Roma. So pá, cuyu nome yera tamién Cayo Xulio César, algamó'l rangu de Pretor. So má yera una Aurelia de la rama de los Cotta, una familia plebeya rica ya influyente. El medrar ente los ciudadanos de clas baxa aparentemente enseñólu a falar dellos idiomes, incluyendo hebreo y dalgunos dialeutos galos. Vivir nesi llugar, pa una familia patricia con llimitaciones económiques, yera definitivamente un pilancu pal so futuru políticu. Ensin embargu, el xoven César deprendió muncho de les sos esperiencies de neñu, apreciando'l poder de ser un líder pal home común. Amás, élli tenía la so herencia patricia y el so maníficu facer políticu que lu emburriaría a la cume del poder romanu.
Los Xulios Césares, aínda patricios, nun yeren ricos pa los patrones de l'aristocracia romana de la dómina y por esi motivu, nin so pá nin so güelu algamaren cargos prominentes na República. La so tía paterna Xulia casó col talentosu xeneral y reformador Cayo Mario, líder de la faición progresista del Senáu, los Populares, davezu enfrentaos a los Optimates (conservadores).
A lo cabero la vida de Mario, les refiertes internes ente les dos faiciones taben a puntu quebrar. Nel añu 86 e.C. españó una guerra civil, de la que resultó la dictadura (conceptu romanu del términu) de Lucio Cornelio Sila.
César foi nomáu Flamen dialis (sumo sacerdote de Xúpiter) por Lucio Cornelio Cinna, aliáu de Mario. Nel añu 85 e.C., al pocu de que César cumpliere 15 años, so pá cayó enfermu y morrió. Tanto Mario como so pá dexaron-y munches de les sos propiedaes y riqueces al xoven Xulio.
César taba allegáu por llazos familiares al bandu perdedor: nun namás yera sobrín de Mario, tamién taba casáu con Cornelia, fía de Cinna. El so afayamientu yera poco seguru. Sila ordénolu divorciase de Cornelia pa demostrar la so llealtá al nuevu réxime, pero César negóse y escapó de Roma. El dictador engrífose, mandando sicarios a apresalu y asesinalu. Foi la intervención de la so familia y collacios influyentes los que lu salvaron de la muerte. Los sos tíos Marco, Cayo y Lucio Aurelio Cotta, xunto coles vírxenes vestales y el propiu xenru de Sila, Mamerco Emilio Lépido Liviano, quienes convencieron al Dictador de perdona-y la vida. Sila accedió de mala gana, pero, según Suetonio, dixo-y qu'esi xoven a quien salvaren la vida sería la perdición de la faición de los Optimates, na qu'ellos llucharen y que "n'élli veo munchos Marios". A pesar del perdón de Sila, César nun quixo volver a Roma, y marchó pa Oriente pa sirvir na guerra escontra Mitrídates VI del Ponto. Mientres esa campaña, César distinguióse pola so valentía en combate y les sos capacidaes de cabezaleru.
Tres de la muerte de Sila nel 78 e.C., César tornó a Roma y entamó una carrera como abogáu nel Foru romanu, dándose a conocer pola so brillante oratoria. Les sos principales víctimes yeren políticos corruptos acusaos d'estorsión.
Col perfecionismu que siempre lu carauterizó, César nun taba contentu consigo mesmo y viaxó a Rodes pa estudiar filosofía y retórica col gramáticu Apolonio Molón. Pero demientres el viaxe, el so barcu foi abordáu por pirates que lu raptaron. Cuando exixeron un rescate de 20 talentos d'oru (un talentu equivalía a 26 kilos), César desafiólos a pidir 50. 38 díes depués, el rescate llegó y César foi lliberáu depués d'un cautiveriu bastante cómodu onde fizo amistá con dalgunos de los secuestradores. Recuperada la so llibertá, organizó una fuercia naval, atropo l'abellugu de los pirates y ordenó la so crucifixón.
Nel 69 e.C., Cornelia morrió al dar a lluz a un neñu que ñació muertu y poco depués César perdió a so tía Xulia, vilda de Mario, de quien alcontrábase mui cercanu. Contrariu al vezu de la dómina, César insistió n'organizar funerales públicos pa dambes. Dambos funerales sirvieron tamién pa desafiar lleis de Sila, pues exhibiéronse nel sepeliu de Xulia les imáxenes de Cayo Mario y del fíu que tuviere con ella y que tamién tenía lluchao escontra Sila, Cayo Mario'l Xoven, y nel sepeliu de Cornelia, la imaxe de so pá Cinna. Toos ellos foron proscritos, y les lleis del dictador prohibíen mostrar les sos imáxenes en públicu, pero César nun ataramiello en frayar les regles. Eso foi mui apreciao pola opinión pública y repudiau polos Optimates.
Cursus honorum
César foi elixíu Cuestor pola Xunta del Pueblu nel 69 e.C., con 30 años d'edá, como estipulaba'l cursus honorum romanu. Nel sortéu, correspondió-y un cargu na provincia romana de Hispania Ulterior, asitiada na actual Portugal y el sur d'España. Al so regresu a Roma, César siguió la so carrera como abogáu hasta ser escoyíu Edil nel 65 e.C., el primer cargu del cursus honorum que tenía imperium. Les funciones d'un edil puen ser equiparaes a les d'un modernu Presidente d'una Xunta Municipal e incluin la regulación de les construcciones, del tránsu, del comerciu y otros aspectos de la vida diaria. Pero'l cargu podría ser tamién un regalu envenenáu, pues incluyía la organización de los xuegos nel Circus maximus lo que debíu a lo llimitau del presupuestu públicu, exixía l'usu de fondos personales del edil. Esto yera especialmente verdá nel casu de César, que pretendía realizar xuegos memorables pa dar puxu a la so carrera política. Y aplicose dafechu tol so enseñu p'algamalo, llegando a disviar el cursu del Tíber pa una representación nel circu, pero acabó l'añu con deldes del orden de dellos cientos de talentos d'oru. Ensin embargu, l'ésitu como edil foi un gabitu importante na so eleición pa pontifex maximus nel añu 63 e.C., depués de la muerte de Quinto Cecilio Metelo Pío. El cargu implicaba una casa nueva nel Foru, la Domus Publica, la responsabilidá de to la vida relixosa de Roma y custodia de les vírxenes vestales. Pa la vida personal de César, tamién significaba l'alliviu del fin de les deldes. El so estrenu como pontifex maximus foi marcáu pol escándalu. Llueu de morrer Cornelia, César casóse con Pompeya, nieta de Sila. Como muyer del pontifex maximus y una de les matrones más importantes de Roma, Pompeya yera responsable de la organización de los ritos de la Bona Dea n’avientu, esclusivo de les muyeres consideraes sagraes. Pero mientres les celebraciones, Publio Clodio (un xoven líder demagogu, consideráu peligrosu) algamó a entrar na casa enmazcaráu de muyer. En respuesta a esti sacrilexu, del cuál ella probablemente nun yera culpable, Pompeya recibió la orde de divorciu. César almitió en público qu'élli no la consideraba responsable, pero xustificó la so aición cola célebre máxima: La muyer de César tien que tar por enriba de to sospecha. Nel 63 e.C. César foi elixíu pretor y Marco Tulio Cicerón cónsul. Foi un añu per lluendiu non namás pa César, asina tamién pa Roma. Mientres el so consuláu, Cicerón reveló una amagostu pa destronar a los maxistraos, encabezada por Lucio Sergio Catilina, un patricio frustráu pola so falta d'ésitu políticu. El resultáu foi una execución ensin xuiciu de cinco prominentes romanos aliaos de Catilina. Esto yera un anatema pa la sociedá romana, que raramente executaba a los sos ciudadanos y cuando se facía yera sólo depués de complexos procesos xudiciales. César opusose a esta midida usando pa esos fines la so meyor oratoria, pero foi vencíu pola insistencia de Marco Porcio Catón el Xoven y los 5 homes foron executaos esi mesmu día. Foi tamién nesti dramáticu conceyu del Senáu que'l romance de César con Servilia, hermana de Catón, salió a la lluz. Los opositores políticos de César acusáronlu de formar parte del amagostu de Catilina, lo qu'enxamas foi probao nin perxudicó la so carrera. Depués del complicáu añu como pretor, César foi nomáu gobernador d'Hispania Ulterior.
El primer triunviratu y les guerres na Galia
Nel 59 e.C. César foi elixíu cónsul. Como segundu cónsul foi elixíu'l so enemigu políticu, Marco Calpurnio Bibulo, miembru de la faición conservadora y collaciu de Catón el Xoven. El primer actu de Bíbulo como cónsul foi retirase de la vida política col pretestu de dedicase a la observación de los cielos a la gueta arremielgos. Esta decisión, aparentemente d'espíritu relixoso, taba destinada a impidir a César aprobar lleis dúrante'l so consuláu, pero ésti alcontró aliaos onde menos los esperaba.
Nesi mesmu añu, Pompeyu alcontrábase en refierta abierta col Senáu por causa del derechu de los sos veteranos a tierres de semao. Al mesmo tiempu, l'antiguo cónsul Marco Licinio Craso, l'home más ricu de Roma, pasaba tamién por delles torgues p'algamar el tan deseáu comandu na guerra escontra l'Imperiu Persa. César precisaba del dineru de Craso y de la influencia y popularidá de Pompeyu y asina formóse una alianza informal. Los historiadores designen esta unión como'l primer triunviratu, o'l gobiernu de los tres homes. Pa confirmar l'alianza, Pompeyu casóse con Xulia Caesaris, la única fía de César, y a pesar de la diferencia d'edaes y ambiente social el matrimoniu foi un ésitu.
Depués d'un añu difícil como cónsul, César recibió poderes proconsulares pa gobernar les provincies de Galia Transalpina (actualmente al sur de Francia) e Iliria (la costa de Dalmacia) por cinco años. Una gobernación pacífica nun s'afayaba bien a la so personalidá y César entamó la Guerra de les Galies (58 e.C. - 49 e.C.), onde conquistó la Galia (el restu de l'actual Francia), parte de Germania y fizo una breve visita a les islles britániques. Ente los sos legaos alcontrábense, ente otros, los primos Lucio Xulio César y Marcu Antoniu, Titus Labienus (Tito Labieno) y Quintus Tullius Cicero (Quinto Tulio Cicerón) (hermanu más xoven de Cicerón), tolos homes qu'habríen de ser personaxes perimportantes nos próximos años.
En materia de xeneralatu, Xuliu César foi’l mayestru supremu de la guerra rellampu, nomada como "celeritas caesaris" o la rapidez cesariana.
Davezu sorprendía al enemigu cuando, depués de varios díes de marcha, facíen que los sos soldaos s'enfrentaren direutamente al adversariu, pese a qu'ésti consideraba que'l cansanciu invalidaría'l puxu de les sos legiones. Igualmente brillante nos asedios de ciudaes, como na conquista de les mesmes guerres, destacó nes sos estratexes en campu abiertu. Frente a Pompeyu en Farsalia o frente a los últimos reductos republicanos en Munda, César venció a lo llargo de la so carrera militar siempre en inferioridá numbérica frente a los sos enemigos. La triple aciex, o formación legionaria en tres línies d'ataque pal refrescu de los sos soldaos, foi emplegada de mou insuperable por César con pequeños reductos de soldaos na retaguardia, a mou de refrescu, asina como cola reserva de caballería a los llaos pa llanzar cobertures envolventes.
N'Alesia xugó la so más brillante baza defensiva-ofensiva. César ordenó construyir una doble llinia de fortificaciones de varios quilómetros de diámetru pa blindase frente a los casi trescientos mil galos que procedíen al sofitu d'ochenta mil soldaos asediaos de Vercingetórix a los que César tenía acoxaos dientro de la plaza. César, con menos de cincuenta mil efectivos correspondientes a diez legiones nunca completes tras ocho años de guerres na Galia, venció a unos y a otros na mesma batalla en la que se decidió'l destino de los galos.
César derrotó pueblos como los helvecios nel 58 e.C., la confederación belga y los nervios en 57 e.C. y los vénetos en 56 e.C.. Finalmente, en 52 e.C., César venció una confederación de tribus gáliques lideraes por Vercingetórix na batalla d'alesia. Les sos cróniques personales de la campaña tán rexistraes en los sos Comentarios (De Bello Gallico). D’acuerdu con Plutarco, la campaña resultó en 800 ciudaes capitulaes, 300 tribus sometíes, un millón de galos reducíos a la esclavitú y otros tres millones muertos nos campos de batalla.
Pero a pesar de los sos ésitos y de los beneficios que la conquista de Galia llevó a Roma, César continuaba siendo impopular ente los sos pares, en particular frente a los conservadores que temíen la so ambición. Nel 55 e.C., los sos aliaos Pompeyu y Crassus foron electos cónsules y honraron l'acuerdu establecíu con César al prollongar el proconsulado por cinco años adicionales. Ésti foi l'últimu actu del Primer Triunviratu.
Al añu siguiente, Xulia Caesaris morrió dúrante un partu, dexando’l pa y al marido mui apenaos. Craso, pola so parte, morrió nel 53 e.C. dúrante la desastrosa campaña de Persia, condenada al fracasu dende l'aniciu por pésima planificación. Sin Craso y Xulia, Pompeyu aproximóse a la faición conservadora. Tovía na Galia, César trató d'asegurase l'alianza con Pompeyu proponiéndo-y matrimoniu con una de les sos sobrines, pero ésti prefirió casase de nuevo con Cornelia Metella, fía de Metellus Scipio, un de los peores enemigos de César.
Guerra civil
El senáu encabezáu por Pompeyu mandáre-y, en principiu, a César una sola proposición: ser cabezaleru d'una de les sos escases llexones a oriente pa vengar a Craso y devolver otra a Pompeyu que-y la emprestare pa les operaciones en la Galia. Pero cuando'l senáu-y contestó definitivamente impidiéndo-y añublar al consuláu y poniéndolu nel dilema: o esparder l'Exércitu, o ser declaráu enemigu públicu, comprendió que, d'escoyer la primer alternativa, entregábase en manes d'un Estáu que quería'l so pelleyu. Presentó otra proposición al senáu: llicenciaría ocho de les sos diez llexones si se-y prollongaba la gobernación de la Galia hasta'l 48 aC.
César xuntó una de les sos llexones, la decimotercera y cuntó-yos cómo andaben les coses, entrugando-yos si taben dispuestos a enfrentase en guerra a Roma, la so patria, a sabiendes que de perdela calificaríenlos de traidores,por unanimidá la respuesta foi que sí. Alvertiólos que nun tenía dineru pa paga-yos la soldata, siendo la rempuesta de los llexonarios entrega-y los aforros de la caxa de la llexón.
El diez de xineru d'aquel añu cruzó’l Rubicón con aquella llexón de seis mil soldaos, escontra los sesenta mil de Pompeyu. Yera’l primer actu de guerra civil qu'había finar col normal funcionamientu de les instituciones polítiques de la República. Los Optimates, incluyíos Metellus Scipio y Catón el xoven, escaparon hacia'l sur, sin saber que César taba acompangáu apenes pola so decimotercera llexón.
César persiguió a Pompeyu hasta’l puertu de Brundisium nel sur d'Italia, cola esperanza de poder refacer la so alianza, pero ésti fuxó hacia Grecia colos sos siguidores. Entóncenes, César empobinóse a Hispania nuna marcha forzada d'apenes 27 díes, pa derrotar a los siguidores de Pompeyu nesa poderosa provincia. Sólo cuando consideró segura la retaguardia, y depués d'organizar les instituciones polítiques en Roma, p'aparar la reinante anarquía, César dirixóse a Grecia. El 10 de Xunetu del 48 e.C., César foi derrotáu na batalla de Dyrrhachium. Ensin embargu, Pompeyu nun supo facer usu d'esta victoria pa finar col César, y ésti consiguiría fuxir pa lluchar n’otru momentu con cuasi tol so exércitu. L'alcuentru final diose pocu tiempu depués, el 9 d'agostu, na batalla de Farsalia. César algamó una victoria estreldosa, sicasí, los sos enemigos políticos consiguieron fuxir: Pompeyu pa Exiptu, Metellus Scipio y Catón pal norte d'África. Al tornar a Roma, foi nomáu dictador romanu (un conceptu diferente del actual), con Marcu Antoniu como Magister equestris, y foi elixíu cónsul por segunda vegada.
Nel 47 e.C., César encamínose a Exiptu a la gueta de Pompeyu, sorprendiólu'l fechu de qu'al vieyu aliáu y enemigu asesinárenlu l'añu anterior. Al saber de la so suerte, César quedó estrozáu pola perda y por nun poder da-y la oportunidá d'ofrece-y el so perdón. Por esto, César decidíose a intervenir na política exipcia y escabezó al rei Ptolomeo XIII, que yá tenía la dignidá de faraón, pola so hermana Cleopatra. Durante la so estancia, César tuvo un romance cola reina d'Exiptu y de la rellación ñació'l so únicu fíu, el futuru Ptolomeo XIV d'Exiptu(Cesarión). Foi tamién durante esta dómina cuando César sufrió'l so primer ataque d'epilepsia.
Depués de les campañes d'Exiptu, César marchó pal Oriente Mediu, onde derrotó al rei Farnaces de Bósforo na batalla de Zela y depués pal norte p'atacar a los cabezaleros de la faición conservadora ellí atrincheraos. Na batalla de Tapso nel 46 e.C., César algamó de nuevo la victoria y vio desapaecer dos de los sos peores enemigos, Metellus Scipio y Catón el mozu. Pero los fíos de Pompeyu, Cneo y Sexto Pompeyu Fastulos, asina como'l so antiguu comandante de caballería Tito Labieno, foron a fuxir pa Hispania. César nun dubió en persiguilos y en marzu del 45 e.C. derrotó l'últimu focu d'oposición na batalla de Munda.
Asesinatu
Con tol mundiu romanu baxo'l so control, César tornó a Roma, onde foi nomáu dictador vitaliciu y denomináu Pater Patriae, pa de la patria. Entóncenes entamó un maratón de reformes alministratives qu'incluyíen el camudamientu del calendariu Xulianu, onde'l mes Quintilis foi rebautizau como Xulius nel so honor y continua, hasta los nuesos díes, siendo conocíu como xunetu. En febreru, nes fiestes de Lupercalia n'honor a Baco, Marco Antonio ofreció-y una diadema, símbolu d'un rei, a César, refugandola esti con vehemencia, depositándola ante'l templu de Xúpiter. D’otra miente, esti episodiu valió-y la desconfianza de los sos pares, qu'entamaron a tener llercia a la so ambición.
Poco depués, César foi asesináu nun coceyu del senáu, nos Idus de Marzu (15 de marzu) del 44 e.C., por un grupu de senadores qu'alegaben actuar en defensa de la República. Ente ellos alcontrábense los sos antiguos protexíos Marco Junio Bruto y Cayo Longino Casio. Tras recibir 23 puñalaes, César cayó a los pies d'una estatua de Pompeyu y les sos últimes pallabres son descrites en varies versiones:
- Kai su, teknon? (Griego, ¿tu tamién, mio fíu?)
- Tu quoque, Brute, filii mei! (Llatín, ¡Tu tamién, Bruto, mio fíu!)
- Et tu, Brute? (Llatín, ¿Tu tamién, Bruto?, versión inmortalizada nuna pieza de Shakespeare).
Según Suetonio, en "La Vida de los Doce Césares", César, al ser zurdíu, non pronunció frase dalguna.
La llenda cuenta que Calpurnia Pisonis, la muyer de César, depués d'haber soñao con un arremielgo terrible, alvirtió a César que tuviere cuidao, pero César ignoró la so alvertencia diciendo: Sólo debe tenese medrana’l mieu. N’otres versiones contase cómo un vidente ciegu habíalu prevenío escontra los idus de Marzu; llegáu'l día, César recordólo nes escaleres del Senáu qu'entovía siguía vivu, a lo que'l ciegu arrespondió que los idus nun habíen finao entovía.
Depués de la muerte de César, españo una llucha pol poder ente'l so sobrín-nieto César Augusto, a quién adoptó nel so testamentu, y Marcu Antoniu, que finaría con la caída de la República y el ñacimientu del Imperiu romanu.
César como historiador y escritor
Xuliu César tenía una importante formación en retórica y ‘’grammática’’, pero eso nun lu llevó a facer una obra con un llinguax complicáu y barrocu, sinón que pretendió ser direutu y oxetivu.
La so historiografía tien un marcáu carácter políticu y propagandísticu, cosa que reduz la oxetividá de la so obra. Conocemos varios títulos entre les sos obres:
- Anti-Cato
- De analogia
- Dicta collectanea
- Iter
- Oedipus
Pero les que llegaron hasta los nuestors díes son, fundamentalmente los ‘’Comentarii de Bello Gallico’’ y ‘’Belum Civile’’.
Commentarii de Bello Gallico
De los ocho llibros que componen la obra, los siete primeros son de César. Escribió un llibru por añu, dende’l 58 al 82 e.C. El rellatu empieza en primavera colos exércitos abandonando los cuarteles d'iviernu y acaben n’avientu. Una carauterística de la so obra historiográfica ye la xustificación de les sos actuaciones, davezu pa quitase la culpa y poder presentar los fechos como’l resultáu de vese obligáu a actuar como actuó. Nun se pa muncho en personaxes concretos y trátase a sí mesmu en tercera persona.
De bello civile
La obra quedó incompleta o nun nos llegó dafecha. Abarca dende los fechos del 1 de xineru del añu 49 e.C., cuando se prorroga’l mandu de César na Galia, hasta l'asediu d'Alexandría.
Descendencia y casamientos
Cronoloxía
- 13 de Xunetu 100 e.C. – Naz en Roma
- 82 e.C. – Escapa de les persecuciones de Sila
- 81/79 e.C. – Serviciu militar en Asia y Cilicia
- Años 70 e.C. – Carrera como abogáu
- 69 e.C. – Cuestor en Hispania Ulterior
- 65 e.C. – Edil
- 63 e.C. – Electo pontifex maximus y pretor urbanu; amagostu de Catilina
- 59 e.C. – Cónsul por primer vegada; anicio del primer triunviratu
- 58 e.C. – Entama la campaña nes Galies
- 54 e.C. – Muerte de Xulia
- 53 e.C. – Muerte de Craso: fin del triunviratu
- 52 e.C. – Batalla d'Alesia
- 50 e.C. – Atraviesa'l Rubicón, da aniciu la guerra civil
- 48 e.C. – Derrota a Pompeyu en Grecia; conviértese en dictador romanu y cónsul por segunda vegada
- 47 e.C. – Campaña n'Exiptu, conoz a Cleopatra
- 46 e.C. – Derrota a Catón y a Metellus Scipio nel norte d'África; cónsul por tercer vegada
- 45 e.C. –
- Derrota la cabera oposición en Hispania
- Torna a Roma, cónsul por cuarta vegada
- 44 e.C. –
- Febreru, refuga la diadema ofrecida por Marco Antonio
- 15 de marzu, asesináu
Bibliografía
- Alejandro y César. (Vidas paralelas). Plutarcu. Salvat Editores, S.A. (En Castellanu)
- Los Doce Césares. Suetonio. Grupo Axel Springer, S.L. (En Castellanu)
- Biblioteca Virtual Cervantes - Antigua: El asesinato de Julio César. José Mª Blázquez Martínez, Javier Cabrero. (En Castellanu)
- Carcopino, Jérôme. Xuliu César. (Varios Idiomes)
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
