From Wikipedia, the free encyclopedia
Alfa Indi (α Ind / HD 196171 / HR 7869)[7] ye la estrella más brillosa na constelación d'Indus, l'indiu, con magnitú aparente +3,11. Ye conocida polos nomes de Persian («La Persa»), títulu dau polos misioneros xesuites, y Pe Sze ((波斯)), esti postreru nel marcu de l'astronomía china.[8] D'alcuerdu al nuevu amenorgamientu de los datos de paralax d'Hipparcos, alcuéntrase a 98 años lluz de distancia del Sistema Solar.
Alfa Indi ye una xigante naranxa de tipu espectral K0III-IV con una temperatura superficial de 4860 K. El so radiu ye 11 vegaes más grande que'l radiu solar y la so lluminosidá equival a 62 vegaes la del Sol. Con una masa de 2,1 mases solares,[9] nel so interior tien llugar la fusión nuclear d'heliu en carbonu y oxíxenu.[10]
La composición química d'Alfa Indi amuesa ciertes peculiaridaes. Enantes clasificada como «estrella bien rica en metales»,[10] midíes más recién asígnen-y una metalicidá inferior a la solar ([Fe/H] = -0,13). Otros metales como titaniu, níquel, vanadiu y bariu amuesen igual enclín y namái el magnesiu paez ser más abondosu que nel Sol.[9]
Alfa Indi puede tener dos tenues compañeres estelares de magnitú 12 y 13,5 respeutivamente, posiblemente nanes coloraes. Práuticamente en posiciones opuestes al respective de la estrella principal, toparíense separaes más de 2000 UA d'ésta, polo qu'emplegaríen un mínimu de 50.000 años en completar una órbita.[10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.