a Stadt vo Bada-Wirttaberg From Wikipedia, the free encyclopedia
Esslenga am Neckor [IPA: ˈeslẽŋə] (dt. Esslingen am Neckar, bis 16. Oktober 1964 amtlich Eßlingen am Neckar) isch a Stadt ogfär 10 Kilometor eschtlich vo dor Stadtmidde vo dor Bada-Wirttabergisch Landeshaobtstadt Stuagort am Neckor. Bis ogfär 1950 hend d’Leid en dor Umgebung Essleng gsaet. Esslenga isch a so genannta Groaßa Kreisstadt ond d’ graescht Mittelstadt vo Bada-Wirttaberg. D’Stadt Esslenga isch dor Sitz vom Landratsamt ond d’ graeschta Stadt vom Landkreis Esslenga. Fir d’Flegga dromrom isch Esslenga a Middlzentrum mit älle Eikaofsmeglichkeida. Wenn ed Stuagord direkt dornäaba wär, nå hedd Esslenga ao dor Rang vomma Oberzentrum kriagt.
 |
Dä Artikel behandlet d’ Stadt Esslenga am Neckor. Fir andere Ortschafta, må Esslingen hoißed, gugg nåch Esslingen (Begriffsklärung). |
| Wappa | Deitschlandkart | |
|---|---|---|
 |
| |
| Basisdata | ||
| Bundesland: | Bade-Wirttebärg | |
| Regierongsbezirk: | Stuagort | |
| Landkroes: | Esslenga | |
| Heh: | 241 m i. NHN | |
| Fläch: | 46,4 km² | |
| Eiwohner: |
94.941 (31. Dez. 2022)[1] | |
| Bevelkerongsdicht: | 2045 Eiwohner je km² | |
| Boschtloetzahle: | 73728–73734 | |
| Vorwahl: | 0711 | |
| Kfz-Kennzoeche: | ES | |
| Gmoedsschlissel: | 08 1 16 019 | |
| Stadtgliderong: | Ennastadt ond 23 Stadtdeil | |
| Adress vo dr Stadtverwaltong: |
Rathausplatz 2 73728 Esslingen am Neckar | |
| Webpräsenz: | ||
| Oberbirgormoeschtor: | Matthias Klopfer (CDU) | |
| Lag vo de Stadt Esslingen am Neckar em Landkroes Esslenga | ||
 | ||
| Dialäkt: Schwäbisch |
Em ganza Middlaltor isch Esslenga a „freia Reichstadt“ gwäa, ond isch aerscht durch dor Napoleo zo Wirttaberg komma. Sae bsondora Bedeidung isch ganz frior amål vo dor Brugg komma, må bei Esslenga ibor dor Neckor ganga isch (d’heidiga Pliensaubrücke). Em einschtiga Kenigreich Wirttaberg isch Esslenge no vår dor Landeshaobtstadt Stuagord dui Stadt gwäa, dui må am meischta Induschtrie khed håd. Esslenga isch heid ed blos a Statio em bada-wirttabergischa Abschnitt vo dor Deitscha Fachwerkstråß, s’isch bis heid ao a Stadt mit-ra wondorscheena mittlaltorlicha Altstadt, må mor obedengd gsäa hao sodd.
Esslenga am Neckor leid an-re Engstell vom Neckordaal sideschtlich vo Stuagort. Dor Fluss gåt durchs Stadtgebiet vo Sidoschta nåch nordweschta, d’ Esslengor Altstadt leid nerdlichg dorvo. Dor Neckor kommt vo dor Gmeinde Altbach her, gåt am Stadtdeil Zell vorbei ond vorlåt s’ Stadtgebiet zwischa de Stadtdoil Mettenga ond Weil en Richtung Stuagort. Esslenga am Neckor gåt em Oschda bis en en dor Schurwald nuf, em Sida bis uf d’ Fildera.
Esslenga håt a Gemarkung vo 4643 Hektar. Em oenzelna vordoelt sich sae Flech uf 1193 Hektar Wald ond 112 Hektar Wassorflechena. Uf 93 Hektar wachsd Wae. 1662 Hektar send iborbaut mit Heisor, Stråsa o.s.w. Esslenga håt rond 90.000 Eiwohnor. Durch d Stadt gåt d’ wirttembergische Haupteisebãstreck Stuagort-Ulm, ond d’ Bundesstråß 10. D’ diafschda Stell em Stadtgebiet leid mit 230 Meter em Neckordaal, då må dor Neckor aus-em Stadtgebiet nausgåt, d’ haechschta Stell fended-mor mit 498 Meter uf-m Schurwald.
Direkt an Esslenga drã liged folgende Städt ond Ort (em Uhrzeigor nåch): Kerna (Rems-Murr-Kreis), Aichwald, Baldmannsweilor, Plochenga, Albach, Deizisau, Denkadårf ond Oschtfildra (älle Landkreis Esslenga), ond schliaslich Stuagort (Stadtkreis).
D´ Stadt håt 25 Stadtdåel: Berga, Bläasa, Brial, Krommenackor, Hegneschberg, Haoagreiz, Innastadt, Kennaburg, Kemmichsweilor/Oberhof, Liebersbronn, Meddenga, Neckerhald, Oberesslenga, Oberdaal, Riadern, Sangd Bernhard, Serich, Sirnao, Sulzgries, Wäldebrõnn, Weil, Wiflengshausa, Zell, Zollberg.
Esslenga isch a Mittelzentrum en dor Regio Stuagort, mit Stuagort als Oberzentrum. Zom Mittelbereich Esslenga khaired no folgende Städt ond Gmeindena em Norda vom Landkreis: Aichwald, Altbach, Baltmannsweiler, Deizisau, Denkendorf, Hochdorf, Lichtenwald, Neuhausen/Filder, Ostfildern, Plochingen, Reichebach/Fils ond Wernau.
Bei dr letschte Kommunalwahl am 25. Mai 2014 hot s des Ergebnis gea:
| Bartei/Lischt | Stimmeaadoel | G/V | Sitz | G/V |
|---|---|---|---|---|
| SPD | 25,06 % | − 1,26 % | 10 | – 1 |
| CDU | 23,80 % | − 0,46 % | 10 | ± 0 |
| Freie Unabhängige Wählervereinigung Esslingen (Freie Wähler) | 20,62 % | − 0,14 % | 8 | − 1 |
| Die Grünen | 18,65 % | + 2,47 % | 7 | ± 0 |
| LINKE | 5,34 % | + 2,68 % | 2 | + 1 |
| FDP | 4,06 % | − 2,23 % | 2 | ± 0 |
| Fortschrittlich-Überparteilich-Rege FÜR Esslingen (FÜR) | 2,46 % | + 1,03 % | 1 | + 1 |
| G/V = Gwinn ond Verluscht em Vergleich zur Wahl 2009 | ||||
Esslingen am Neckar im dütschsprochige Wikisource
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
