Köngen
From Wikipedia, the free encyclopedia
Kengga (schwäb. Kengga ['keŋgɐ], adjektivisch Kenggamor (mit m, weil dor Nãma aus Kenkhaem endsdanda isch), dt. Köngen ['køŋgn̩], wäaga dor Schreibong ao falsch als ['køŋən] ausgsbrocha) isch a Gmaende em Landgraes Esslenga en Bada-Wirttabärg.
| Wappa | Deitschlandkart | |
|---|---|---|
 |
| |
| Basisdata | ||
| Bundesland: | Bade-Wirttebärg | |
| Regierongsbezirk: | Stuegert | |
| Landkroes: | Esslenga | |
| Heh: | 281 m i. NHN | |
| Fläch: | 12,5 km² | |
| Eiwohner: |
9808 (31. Dez. 2022)[1] | |
| Bevelkerongsdicht: | 783 Eiwohner je km² | |
| Boschtloetzahl: | 73257 | |
| Vorwahl: | 07024 | |
| Kfz-Kennzoeche: | ES | |
| Gmoedsschlissel: | 08 1 16 035 | |
| Adress vo dr Gmoedsverwaltong: |
Stöfflerplatz 1 73257 Köngen | |
| Webpräsenz: | ||
| Schuldes: | Otto Ruppaner | |
| Lag vo de Gmoed Köngen em Landkroes Esslenga | ||
 | ||
| Dialäkt: Schwäbisch |
Kengga leid uff dor lengga Seid vom Näggor, am wäschdlicha Hang vom Daal. Nåchborgmaendena send Deizisao em Norda, Wärnao em Nordoschda, Wendleng em Sidoschda, Ondorẽseng em Sida ond Denggadårf em Wäschda (älle Landgraes Esslenge).
D Gmarkong sezzd sich zsẽma aus 32,8 % landwirdschafdlichor Fleche, 5,9 % Wald, 13,6 % Sidlongsfleche ond 0,7 % sonschdichor Fleche.
Zo Kengga ghaerd dor Flägga Kengga ond a graesora Ãzahl vo Aussidlorheef: d Birkeheef, d Buachaheef, d Erlaheef, d Kempflorheef, dor Lerchahoof, d Riedhef, d Rotheef, dor Seehof, dor Daalhoof ond d Wangaheef; dorzua kommd no dor Wohnblazz Aldabärg.
Kengga isch zomm aerschda Mål anna 1075 erweend wårda. Ibor saene Grenza naus isch Kengga bekannd wäaga saem remischa Kaschdäll Grinario. D aerschde Ausgrabonga hend schao anna 1783 ondorm Oboramdmã Rosor schdaddgfonda. Zwischa Kengga ond Wendleng gåd d Ulrichsbrugg ibor dor Näggor. Baud hådd dui 1602-1604 dor bedeidende wirddabärgische Hofbaumåeschdor Heinrich Schickhardt. Bis 1975 isch dor ganze Vorkehr ibor dui Brugg ganga. Jetzt isch-se fir Radfahror ond Fuasgengor resärvird ond mor kã se en ällor Rua ãgugga.
Kengga hådd sich mit dor Stadt Wendleng zomm Gmaendevorwaldongsvorband Wendleng mit Sitz en Wendleng zsẽmagschlossa.
Birgermåesdor isch dor Otto Ruppaner.
Wahla
Ergebnis vo de Landdaagswahla seid 2006:
| Jahr | CDU | Greane | SPD | FDP | Lenke1 | AfD | Sonschtiche |
| 2016 | 28,8 % | 31 % | 12,9 % | 8,3 % | 1,3 % | 13,3 % | 4,4 % |
| 2011 | 52,3 % | 16,4 % | 18,5 % | 4,4 % | 2,2 % | 6,2 % | |
| 2006 | 48,6 % | 7,5 % | 23,1 % | 11,9 % | 1,6 % | 7,3 % |
1 2006: WASG, seid 2011: Die Linke
D graesda Vorãsdaldong z Kengga isch äll Jår dor Bfengsdmärgd. Är fangd am Samsdich vårr Bfengsda ã ond gåd bis Bfengsdmẽdich. Bsuachd wird där Märgd jedesmål vo an de 30.000 Leid aus dor ganza Omgäbong. Nåch zwåe Jår Zwangspaus wäaga Corona hådd-or 2022 widor mid-m gleicha Ãdrang sdaddgfonda.
Dor Dialekt vo Kengga ghaert zom Middlschwäbischa.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
