Bennwil

Bennwil
	Wappe vo Bennwil
Basisdate
Staat:	Schwiiz
Kanton:	Basel-Landschaft (BL)
Bezirk:	Waldeburg
BFS-Nr.:	2882
Poschtleitzahl:	4431
Koordinate:	626023 / 249966
Höchi:	515 m ü. M.
Flächi:	6,51 km²
Iiwohner:	659 (31. Dezämber 2022)
Website:	www.bennwil.ch
	Bennwil Bennwil
Charte
	Charte vo Bennwil

Bämbel (hochdytsch Bennwil) isch e politischi Gmeind im Bezirk Waldeburg vom Kanton Basel-Landschaft in dr Schwiz.

Quick Facts Bennwil, Basisdate ...

Close

Dialäkt: Baseldytsch

Bämbel ligt uf 515 m ü.M. in ere glaine Sänki zwische em Waldeburger- und Diegtertal. Sini Nochbergmeinde heisse Höllschtä, Niiderdorf, Oberdorf, Langebrugg, Eptige und Diegtä. D Gmeind isch vo Höllschtä per Bus, wo durchs Gürbletäli fahrt, erreichbar. In Höllschtä haltet s Waldeburgerli, wo vo Lieschtel kunnt.

S Wappe zeigt es silbrigs Lämmli mit emene Heiligeschiin um e Kopf. S Lämmli treit e goldigi Stange mit eme Kryz, wo e silbrigi Fahne mit eme rote Kryz dra agmacht isch. S Wappe erinneret an die ehemoolig Beziehig zem Benediktinerkloschter Schöntel z Langebrugg.

S Dorf isch im 8. Joorhundert vo de Alemanne grindet worde. 1189 isch Bämbel s erscht Moll als Bendewilere erwähnt worde, wo s dr Graf Hermann II. vo dr Frohburg em Kloschter Schöntel gschänggt hett. Wo s Kloschter 1528 uffghobe worde isch, isch s Dorf an Basel ibergange. E Dorfbrand 1617 hett d Chile, acht Wohnhyser und zwei Schüüre zersteert.

Chile, 1670 neu baut
E Taufbecki us em 15. Joorhundert uss Messing, e Gschänk vom Kloschter Schöntel
S Carl Spitteler-Dänkmool uff em Dorfplatz vo 1948, e Findling uss de Walliser Alpe
Baselbieter Spycher (Schüre) us em 16. Joorhundert
Dorfmuseum mit ere riichhaltige geologische und historische Abteilig und emene funktionierende Wäbstuehl

Bämbel
d Chile
sDorfmuseum
dr Ochse
d Schuäl
dr Dorflade
Wallibach
d Dorfstrooss

Dr Vatter vom Nobelpriisträger und Dichter Carl Spitteler, wo z Lieschtel gebore isch, kunnt vo Bämbel

Axel Christoph Gampp, Sabine Sommerer: Die Kunstdenkmäler des Kantons Basel-Landschaft IV. Der Bezirk Waldenburg. (= Kunstdenkmäler der Schweiz. Band 124). Hrsg. von der Gesellschaft für Schweizerische Kunstgeschichte, Bern 2014, ISBN 978-3-03797-115-4.