Diegtä (hochdytsch Diegten) isch e politischi Gmeind im Bezirk Waldeburg vom Kanton Basel-Landschaft in dr Schwiiz.
Diegten | |
---|---|
![]() | |
Basisdate | |
Staat: | Schwiiz |
Kanton: | Basel-Landschaft (BL) |
Bezirk: | Waldenburg |
BFS-Nr.: | 2884 |
Poschtleitzahl: | 4457 |
Koordinate: | 628530 / 251830 |
Höchi: | 469 m ü. M. |
Flächi: | 9.64 km² |
Iiwohner: | 1636 (31. Dezämber 2022)[1] |
Website: | www.diegten.ch |
![]() Dr neyer Dorfteil | |
Charte | |
![]() |
Dialäkt: Baseldytsch |
Lag
Diegtä liggt imene Sittetal vo Sissech an dr Autibahn A2 Basel-Mailand. Nochbergmeinde sin Höllschtä, Bämbel, Eptige, Dännike, Wittschbrg, Chärnerchindä und Läufelfinge.
Wappe
S Diegter Wappe gitts sit 1930. Es isch sänkrächt in dr Mitti in zwei Helftene teilt: links isch en schwarze Lai, wo stoot, uff goldigem Grund abbildet, rächts hetts schwarzi und wissi schreegi Streife. Es ischs Wappe vo de Ritter vo Eschenz uss em Thurgau.
Gschicht
1152 isch Diegtä s'erschti Moll urkundlig erwähnt worde (als Dietinghoven). Dr Name hetts sich gwandlet zu Dietinghofen, Dietikon, Dietken und schliesslig Diegtä. Bereits zur Zyt vo de Reemer hän Lyt uff em Gmeinibann vo Diegtä gläbt. Ab 1487 isch Diegtä unter dr Herrschaft vo Basel gstande.
Bilder
- Dr elter Dorfteil
- Chile fom Dorf us gsee
- Chile fo Norde her
- Chilefäischter fom Walter Eglin
- Chilefäischter fom Walter Eglin
- Autibahn A2 bi Diegtä
- Kollatur us äm Jaar 1704
Literatur
- Axel Christoph Gampp, Sabine Sommerer: Die Kunstdenkmäler des Kantons Basel-Landschaft IV. Der Bezirk Waldenburg. (= Kunstdenkmäler der Schweiz. Band 124). Hrsg. von der Gesellschaft für Schweizerische Kunstgeschichte, Bern 2014, ISBN 978-3-03797-115-4.
Weblink
- Offizielli Website (vom Kanton betreut)
- Peter Stöcklin: Diegten In: Historisches Lexikon vo dr Schwiiz.