From Wikipedia, the free encyclopedia
As Verschleierigsverbot wärde Gsetz bezäichnet, wo in e baar Staate an gwüsse Blätz im öffentlige Ruum verbiete, ass öbber e Ganzkörper- oder Gsichtsschleier wie d Burka oder dr Niqab aahet. In dr Press und in dr Umgangssprooch wird vilmol (und ungnau) dr Begriff Burkaverbot brucht.
S erste Land in dr Europäische Union, won e sonigs Gsetz verabschiidet het, isch Belgie im April 2010 gsi.[1] Z Spanie het sich im Juni 2010 dr spanisch Senat für e Verschleierigsverbot usgsproche.[2] Im April 2011 isch z Frankriich und im Januar 2012 in de Niiderland e sonigs Gsetz in Chraft dräte.[3][4]
Im Schwizer Kanton Tessin het d Waalbevölkerig bin ere Volksabstimmig am 22. Septämber 2013 für e Verschleierigsverbot gstimmt.[5] Aber bevor das in Chraft cha dräte, muess mä im Gsetz Usnaamebestimmige mache, wil es sust au verbote wer, zum Bischbil bim Döfffare e Helm aazhaa oder bi dr Fasnacht e Larve.[6]
Z Dütschland wer en allgemäins Verbot lut eme Guetachte vom Wüsseschaftlige Dienst vom Bundesdaag verfassigswidrig.[7] Am 25. April 2014 het aber s Bayrische Verwaltigsgricht Münche verbote, in dr Schuel e Gsichtschleier aazhaa.[8]
Am 1. Juli 2014 het dr Öiropäisch Grichtshoof für Menscherächt s gsetzlige Verbot vo dr Vollverschleierig in dr Öffentligkäit, wie s in Frankriich bestande het, bestäätigt.[9][10]
Uf em Bardeidaag vo dr CSU im Novämber 2015 häi die Delegierte beschlosse, e gsetzligs Verschleierigsverbot iizfüere.[11] Au d AfD will d Vollverschleierig lo verbiete.
Noch em Urdäil vom EGMR 2014 het au in Ööstriich e politischi Debatte drfür[12] und drgeege[13] aagfange. Wo aber d FPÖ d Gsichtsverschleierig, wie si in Frankriich ghanhabt wird, het welle verbiete, het das dr Nazionalroot abgleent.[14]
In dr Schwiz forderet d SVP e gsetzligs Vollverschleierigsverbot.[15]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
