From Wikipedia, the free encyclopedia
Tschappina ischt an politischi Gmäind ir Region Viamala im Schwizer Kanton Graubünda.
| Dialäkt: Tschappiiner Walsertütsch |
| Tschappina | |
|---|---|
 | |
| Basisdate | |
| Staat: | Schwiiz |
| Kanton: | Graubünde (GR) |
| Region: | Viamala |
| BFS-Nr.: | 3669 |
| Poschtleitzahl: | 7428 |
| Koordinate: | 748765 / 172078 |
| Höchi: | 1'500 m ü. M. |
| Flächi: | 24.67 km² |
| Iiwohner: | 142 (31. Dezämber 2022)[1] |
| Website: | www.tschappina.ch |
 Tschappina Obergmeind | |
| Charte | |
 | |
Tschappina liid am Fuass vom Hoora (am Piz Beverin) und ischt Usgangspunkt vom Saumwäg uber d Stäga ab und um ga Saafia.
Tschappina ischt an Walsersidlig. As gliderat schich in d Dorftäila Undergmäind (Undertschappina, 1400 m.ü.M.), Obertschappina (1580 m.ü.M.), Obergmäind (1810 m.ü.M.), Usserglas (1846 m.ü.M.) und Innerglas (1820 m.ü.M.). In dr Obergmäind git s as chliis, lauelasichers Schgiigebiet mit drii Schgiilifta. Im Summer cha ma va Tschappina us Wanderiga und Bärgtuura undernä. Südlich überdür vom Dorf – uf dr andera Sita vom Wildbach Nolla – liid di früerig Sidlig Masügg.
Tschappina ischt äini va da ölf Gmäinda im Naturpark Beverin.
Ds Wappa va Tschappina het uf ama roota Hindergrund an gälba Stägagibel als Hiwiis uf d «Stäga», dr Ubergang ga Saafia iichi. Druber hangat an gälbi Glogga, ds Symbol vom Sant Joder, am Schutzpatron va da Walser, im ischt ds eerscht Chappali z Tschappina gwidmet gsi.
Dr Nama findat schich ds eerscht Maal 1396 in ara Urkunda als «in Schipinen» oder «in Stipinen» und de 1448 als «uff Tschuppinen». Cho tuat das vom romaanischa Wort «tschuppina», was grodeti Parzella bedütet und vo «tschep» (Baumstrunk, Schiitstock, dicks Holzstuck) abgläitet ischt.
In ds Gebiet va Tschappina sind di tütschspraachiga Walser im 14. Jaarhundert va Saafia här cho. Bis ins 20. Jaarhundert ii ischt dr Kontakt zu da Saafier uber da Glaspass iichi nööcher gsi als dr säb zum romaanischa Häinzabärg und ins Domläschg aab. D Straass ga Tusa ab ischt eerscht 1900/1901 puua cho.
Gschwindhaft naa 1515 ischt Tschappina zum nüüwa Glauba (Reformazioon) uberträtta. Bis 1851 ischt Tschappina an äigni Grichtsgmäind im Graua Bund gsi.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
