From Wikipedia, the free encyclopedia
S Domläschg (tütsch Domleschg, rätoromanisch Tumleastga) isch es Gebiet im Bündnerland, Schwiz.
 |
Dä Artikel behandlet es geografischs Gebiet. Witeri Bedütige findt me do. |
Grob gsait lit s Domläschg zwüsched da Viamala im Süda und da Kluus südlich vo Rhäzüns im Norda. A strengeri Iitailig nännt nu d Dörfer i däm Gebiet, wo uf da rächta, öschtlicha Sita vom Hinderrhii ligged. Mängmol werded au d Ortschafta Realta, Cazis, Summaprada und Thusis dezue zellt, wo uf da lingga Sita vom Rhii ligged. A chli i da Höchi, a da weschtlicha Talsita, gegenüber vom Domleschg liit da Hainzabärg und dehinder s Safietal. Hinder da öschtlicha Bärgchetti isch d Lenzerhaid.
Politisch händ bis Endi 2015 d Ortschafte rächts vom Hinderrhii zum Chrais Domläschg und dia uf da lingga Sita zum Chrais Thusis ghört. Baidi Chrais sind em Bezirk Hinderrhii zuetailt gsi, wo aafangs 2016 dur d Region Viamala ersetzt worden isch.
Im Domläschg liggend folgendi Gmainda, Städt und Dörfer resp. Frakziona:
S Domläschg hät uf chlinnem Ruum sovil Burga, Schlösser und Ruine, wie chum a Gegend i da Schwiz. E paar wenigi stönd uf da lingga Sita vom Rhii. Ma sait drum au s Burgaland Domläschg.[1]
Dur s Domläschg verlauft d Autobahn A13, maischt rächts parallel zum Rhii. Uf da andere Site vom Rhii isch d Bahnlinie vo da Rhätischa Bahn, wo noch Thusis dänn da Rhii öberquärt und via Sils da Albula noche dur d Schiinschlucht i Richtig Tüüfekaschte füert. D Dörfer im Domläschg, wie au die im Hainzebärg sind dur s Postauto erschlosse. Uf Fäldis gits näbed are Strooss, wo vo Tomils öber Schaid uf d Terasse füert, au a Sailbahn, wo vo Rhäzüns us started.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
