Römisch-katholische Kirche

Di römisch-katolischi Chile (v. griech. καθολικός, katholikos: allgemein, allumfassend), isch di gröschti chrischtlich Chile und gseht sich sälber in de direkte Nochfolg vom Aposchtel Petrus. Zu dere Chile ghöre 23 Teilchilene mit jewils eigenem Ritus, wo sich aber alli de Jurisdiktion vom Papscht z Rom düent unterschtelle. Di gröschte Teilchilene sind di latinische Chile, wo in oiserne Breite gwöhnlich römisch-katolisch oder numme katolisch gnennt wird, und di katholische Oschtchilene. Bsunderi Kennzeiche vo de römisch-katolische Chile sind s Papschttum, mit em Jurischdikationsprimat und de Unfehlbarkeit und di sibe Sakrament, wo aber au vo andere Chilene glehrt wird.

Oberhaupt	Chileflagge
Papscht Franziskus
Basisdate
Oberhaupt:	Papscht Franziskus (Jorge Mario Bergoglio)
Mitglider:	1.131.000.000 (Stand: 2008)
Prischter:	407.262 (Stand: 2008)
Ordenslüt:	815.237 (Stand: 2008)
Aaschrift:	Via della Conciliazione 54 SCV-00120 Vatikanstadt
Website:	www.vatican.va

Gründig

Nach em Verschtändnis vo de römisch-katolische Chile, isch si vo Jesus Chrischtus sälber gründt worde. Bsunders s Wort vo Jesus an de Petrus, wo er sait, de Petrus sigi de Fäls, uf den Jesus wot sini Chile baue^[1], wird so verschtande.

In de katolische Tradition isch de Petrus uf Rom cho und het derte e Gmeind gründt, vo dere er de Bischof gsi isch. So gseht me de Papscht, wo jo Bischof vo Rom isch, in de direkte Nochfolg vom Petrus.

Verbreitig

Verbreitig vo de römisch-katolischen Chile

Im Prinzip gits Katholike uf de ganze Wält. Bsunders verträte sind si:

• z Mittel- und Südamerika
• z Süd− und Südoschteuropa: Nordalbanie, Italie, Kroatie, Malta, Portugal, Slowenie, Schpanie
• z Weschteuropa: Irland, Frankriich, Belgie
• z Mitteleuropa: Süd- und Weschtdütschland, Pole, Öschtriich, Tschechie, Slowakei, Schwiiz
• z Oschteuropa: Litaue, Ungarn und in e paar Regione vo Rumänie
• in Teil vo Afrika: Äquatorialguinea, Angola, Burundi, Demokratischi Republik Kongo, Gabun, Kamerun, Madagaskar, Ruanda, Mosambik, Republik Kongo
• in Teil vo Asie: Philippine, Oschttimor, Macau, Palau, Vietnam und Südkorea.

Wältwit gits öppe 1,13 Milliarde römisch-katholischi Chrischte, wo 17,2 Prozent.^[2] vo de Wältbevölkerig usmacht. Im 2006i het d Chile 4'898 Bischöf und 407'262 Ordens- und Diözesanpriester gha.

Einzelnochwiis

1. Mt 16,18
2. Radio Vatikan: Archivierte Kopie. Archiviert vom Original am 7. Februar 2009; abgruefen am 13. Februar 2010. 12. Februar 2007