![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a5/Leo-XIII_Friedrich-Stummel.jpg/640px-Leo-XIII_Friedrich-Stummel.jpg&w=640&q=50)
Pàpschtliga Unfahlbàrkait
From Wikipedia, the free encyclopedia
Ìn dr reemisch-kàthoolischa Kìrìch ìsch d’ Unfahlbàrkait vum Pàpscht (làtiinisch infallibilitas)[1] a bsundera Aigaschàft vum Pàpscht: wänn’r àls „Lehrer vun àlla Krìschta“ (ex cathedra) a Glàuiwa- odd’r Sittafroog àls ändgìltig äntschììda verkìndet, noh kààt’r sìch nìt ìrra. Dàs bediitet, àss àlla Kàthoolika mian glàuiwa, wàs dr Pàpscht doo sajt. D’ Unfahlbàrkait ìsch a Dogma vu dr kàthoolischa Kìrìch, wo àm 18. Jüüli 1870 vum Äärscht Vàtikàànisch Konziil üssgschproocha worra-n-ìsch.[2]
![Thumb image](http://upload.wikimedia.org/wikipedia/commons/thumb/a/a5/Leo-XIII_Friedrich-Stummel.jpg/640px-Leo-XIII_Friedrich-Stummel.jpg)
Dialäkt: Mìlhüüserdiitsch |
D’ Pàpschtliga Unfahlbàrkait bediitet àwwer nìt, àss dr Pàpscht àls Mänsch kää Fahler màcht, odd’r àss’r kää Sìndiger ìsch. D’ Unfahlbàrkait gìlt numma fìr schtrìttiga theoloogischa Frooga, wu dr Pàpscht siina verbìndliga Äntschaidung därft brìnga. S’ Zwaita Vàtikàànischa Konziil hàt ànna 1964 dr Gsàmthait vu da Glàuiwiga eewafàlls àls unfahlbàr ärkläärt: „D’ Gsàmthait vu da Glàuiwiga, wälla d’ Sàlwung vum Hailiga hann, kààt ìm Glàuiwa nìt ìrra.“[3]
Zitter dr Zitt vum Vàtikàànischa Konziil ìsch dàs Dogma ìnnerhàlb vu dr kàthoolischa Kìrìch kritisiart worra.[4][5][6] Ànna hàt dr Schwiizer liberààla Theoloog Hans Küng a Schtüdia unter’m Tìtel Unfehlbar? Eine Anfrage veräffentligt, wu-n-’r vorgschlààga hàt, s’ Dogma vu dr Pàpschtliga Unfahlbàrkait ruckgàngig z’ màcha.[7] Ìm Jüüli 1973 hann d’ vàtikàànischa Beheerda a Dokumant veräffentligt, wu sa s’ Dogma vu dr Pàpschtliga Unfahlbààrkait b’schtaadigt hann.[8]