From Wikipedia, the free encyclopedia
Nordrhy-Westfale (dt. Nordrhein-Westfalen, abkürzt NRW) isch e dütschs Bundesland und hät rund 18 Millione Ywohner. Dodemit isch es s ywohnermäßig gröschte Bundesland vo Dütschland. D Hauptstadt isch Düsseldorf.
| Land Nordrhein-Westfalen Land Nordrhy-Weschtfale | |||
|---|---|---|---|
|
 | ||
| |||
| Basisdate | |||
| Schbrooch: | Dütsch,[1] Niederdeutsch[2] | ||
| Landeshauptstadt: | Düsseldorf | ||
| Staatsform: | parlamentarischi Republik, teilsouveräne Glidstaat von eme Bundesstaat | ||
| Flechi: | 34.110,26 km² | ||
| Gründig: | 23. August 1946[3] | ||
| ISO 3166-2: | DE-NW | ||
| Website: | land.nrw | ||
| Bevölkerig | |||
| Iiwohnerzahl: | 18.139.116 (31. Dezember 2022)[4] | ||
| Bevölkerigsdichti: | 532 Iiwohner pro km² | ||
| Wirtschaft | |||
| Arbetslosequote: | 7,9 % (Januar 2021)[5] | ||
| BIP (nominal): | 711,4 Mrd. Euro (2016)[6] | ||
| Schulde: | 186,6 Mrd. EUR[7] (30. Septämber 2020) | ||
| Politik | |||
| Regierungschef: | Ministerpräsident Hendrik Wüst (CDU) | ||
| Landtagspräsident: | Landtagspräsident André Kuper(CDU) | ||
| Regierendi Parteie: | CDU und FDP | ||
| Sitzverteilig von 17. Landtag:[8] | |||
| Sitzverteilig im Landesparlament: | Verteilig vo de 199 Sitz:
0 fraktionslos 3 | ||
| Letschti Wahl: | 14. Mai 2017 | ||
| Neggschti Wahl: | voruussichtlich im Mai 2022 | ||
| Stimme im Bundesrat: | 6 | ||
 | |||
 | |||
Nordrhy-Westfale lit im Weste vo Dütschland. Im Norde gränzt s an Nydersachse, im Oste und Südoste an Hesse und im Süde an Rhyland-Pfalz, usserdem im Weste an Belgie und Holland.
In de Mitti vo Nordrhy-Westfale litt s Ruhrgebiet. S isch s gröschte Industrygebiet und de gröschti Balligsruum vo Dytschland. Uff re Flächi vo 4435 Quadratkilometer läbe dört etwa 5,3 Millione Lyt, in de Metropolregion Rhy-Ruhr yber 10 Millione uff rund 10'000 Quadratkilometer.
Die britischi Militärregierig hät Nordrhy-Westfale am 23. August 1946, noch em Zweite Wältchrieg, gründet, und zwar us em größere Täil vo de früener prüßische Rhyprovinz und de früener au prüßische Provinz Westfalen. 1947 isch no s früenerig Fürschtetum Lippe dezüecho.
S Wappe zeigt links de Rhy für d Rhyprovinz, rächts s Sachseross für Westfalen und in de Mitti di lippischi Rose uff silbrigem Grund für Lippe. D Flagge hät drei woogrechti Streife in de Farbe grien, wiß und rot (vo obe noch unde).[9]
Nordrhy-Westfale hät mit 500 Milliarde Euro (2006) de gröscht Adeil am Bruttoinlandprodukt vo Dütschland. Wenn s e eigne Staat wär, no wär s under de wirtschaftlig stärkste Natione uff Platz 16.[10] Z Nordrhy-Westfale chrüze sich d Verchehrsroute vo Ängland in Richtig Idalie und vo Rotterdam uff Osteuropa. Au d Infrastruktur vo NRW hät Vordeil.
Sit de 60er-Johr git s z Nordrhy-Westfale e Strukturwandel. Hütt schaffe doppelt so vyli Lyt im Dienstleistigssektor wie 1970.
Au d Forschigsstätte sin z Nordrhy-Westfale vertrette. Si sin zimlig dicht uffenand, s hät im Bundesland under anderem 57 Hochschüele und 21 Forschigsinschtitut. Rund e halbi Million Studente werre im Moment usbildet.[11]
Nordrhy-Westfale wird für de Tourismus immer beliebter. Ölf Milliarde Euro hät mer 2005 ygnoh, d Branche Tourismus schafft im Moment für etwa 185'000 Lüt Arbetsplätz. Attraktiv sin z. B. d Nadurlandschaft und s Mittelgebirge. Au Messe sin e Magnet für Touriste.[12]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
